[醫生與我] 聖誕上醫館

[z_plus]

十二月某天...

女友：「不如送你上次睇中的手錶或那部手制可以轟爛電視的遊戲機俾你做聖誕禮物哎？」

z+：「那些雖好但太貴啦，買份便宜一點的就可以啦。」

女友：「哦，咁你想要咩哎？」

z+(想了一陣子)：「......」

z+：「我想要支藥...呀唔係，係鏡頭至真。」

女友：「鏡頭咪又係咁貴~~」

z+：「哦，我想要那支幾舊水就可以落樓ga啦，不過最近唔知點解成日缺貨俾人炒貴哂咁je，去睇睇有冇得賣價錢又合理先算啦。」

女友：「哦......」

於是，二人去了旺角那條唔知點解冇西洋菜賣的西洋菜街走走看看。

(某B字頭的電器連鎖店內...)
z+：「啊，有貨喎。」

z+：「泥坑那支鏡幾錢？」

店員：「XXX。」

z+(心想竟然回落了那麼多？應該是有貨返了吧？)：「唔該。」

接著去了「成」字尾及店面加碼了的肥花店問問，始終都是B字頭店便宜30大圓。

最後抱住唔掙在的心情去了「美國」電器問......

z+：「泥坑那支鏡幾錢？」

店員：「XXX-40。」

z+(嘩，好似好合理咁喎，呢次仲唔係你？)：「！？」

店員：「不過依家冇貨，要訂喎。」

z+：「oh~sh....(Orz)」

於是向另一間見有現貨的「美國」電器埋手......

z+：「泥坑那支鏡幾錢？」

店員：「xxx。」

z+：「阿哥哥，我正話在你地另外間分店問過都只係xxx-40 ja喎。」

店員：「唔係呀？.......先生你等一等，我幫你問問。」

過了一會......

店員：「先生，如果你cash就xxx-40俾你啦。」

z+(成功です!!)：「冇問題。」