雖然比喻唔係好岩...但係我真係唔可以接受我女朋友係曼聯FANS XD~~ 如果曼迷+喜歡C朗個D, 就更加唔駛諗 ~! (我係利物浦FANS)


樓主的個案其實都很常見, 我契妹都係基督徒, 仲要係好虔誠個D, 食飯前要祈禱, 睡覺前要感謝耶穌, 每星期日都會去團契, 經常離港去外地短宣傳福音, 成家都係基督徒, 生活都是圍著耶穌的, 佢鍾意個男仔, 個男仔都鍾意佢, 但因為個男仔唔係基督徒, 而我契妹又接受唔到個男仔為左一齊先去信教, 結果最終沒在一起。

叫你朋友個女仔朋友小心d好

愈係防範一種人有一種想法,就會愈易中另一種人o既圈套,即真正扮教友去接近佢o既人

其實宗敎只係其中一種價值觀會影響愛情...很多其他方面既價值觀都會,不過宗教係影響最深既一種啫....

你都係人喎
我問你
請問那8個字是什麼?

我真係未聽過話基督徒一定要同基督徒先可以拍拖lo 只不過係可能會有D野容易發生問題Je,D問題未必一定係解決唔到(其實我都唔知自己講緊咩
同埋基督教係無聖保羅等有聖字行頭Ge人物lo

其實我都覺得唔可以同非教徒拍拖le個觀念好無謂
咁樣究竟係為你好(擔心價值觀差異太大會分開受傷害)
定係害左你(明明你鐘意我我又鐘意你都可以因為"你非教徒"而分開)
真係同叫人唔好拍拖無乜分別and幾可惜

個人認為樓主個case只係單純地因為"唔可以同非教徒拍拖"而唔能夠o係埋一齊
多過因為"擔心價值觀差異太大會分開受傷害"而唔o係埋一齊lo

人地攞個真心出黎追妳 又嫌人地唔係信教，人地信教 又嫌人地只係想追妳唔係真心信教......又要係教徒，又要唔係只為左追妳
學樓上版友話齋，唔通真係要人地處心積慮成為偽教徒，假劇情扮偶遇，真心變狗吠先覺得容易接受d咩?

既然大家都有好感，點解唔可以互相遷就下?
點解唔可以尊重番大家既宗教自由? 你有你信教 我有我瞓教
點解另一半唔信教就一定係遷就唔到 一定會分開?
到底係人地遷就唔到 還是只係你容納唔到異己?

補充番 我係無信教既
可能以上言論比較主觀同埋有d偏激，如有得罪請見諒

上述情況，女既就要尊重番男既宗教自由而背棄教義(甚至可能冇左一班朋友添)，男既可以遷就d 咩？
佢要尊重你「基督徒其實可以唔使守教規」既宗教自由，男既又如何尊重對方的宗教?
會唔會....太自私？

基督教係婚姻方面就係容納唔到異己，制度如此。一係叫佢離教，一係打倒教會。

我之前有兩個gf都係咁喎……仲要教會不停比壓力佢哋

請恕我完全唔知道原來le條敎義係鐵則，我認我唔虔誠
但其實我並無反教既意思，可能表達得唔好或語氣差左d
點都好，講落去既話我可能真係會講到變左挑戰教規
um....同埋多謝你既解釋

在我立場，如果同樣事件，我一定勸對方離教；打倒教會。

睇個男同女既態度就知道無可能

其實我自己選女友一定選非教徒
如果佢係教徒真係會有好多問題
觀點啦...朋友圈啦...曳曳啦
坦白講 做朋友我都要對方唔好對我傳教

球迷果個比喻都幾好
我本身係曼迷(曼城迷)
如果我女友都係鍾意曼聯我都會同佢打交
主要係因為球迷有排他既意識先會令人有交打
同教會一樣 係佢地有排他意識我地先咁反感

其實呢個以我所知，好多教徒都有偷食禁果。

不過佢地會話自己唔係一個虔誠既教徙，可以犯呢d錯。

不過我覺得信教呢樣野好極端，
一係信一係唔信，唔好半信半疑。

咁樣係拎唔到日後張天國入場卷。

呢個係外國已經好普遍lu....
之前係日本遇到幾個美國人，天主教基督教
不過有部份會去落disco，有部份之前已經咩過....

係香港....呢個戒已經俾好多人破左

婚前性行為都唔算係咩
最好笑o既係婚前性行為搞出人命之後話唔可以墮胎係因為自己係天主教徒/基督徒

有o的黃子華所謂"好熟口面"既人都係啦。
最重要係誠心懺悔。

樓主朋友講到呢條女咁難得, 開行turbo啦
既然呢個moment影響力唔夠
佢點都要繼續扮信落去ga la.....
主動同人講信教為左溝你, 呢個行為係極之唔鼓勵
到做左你女人, 先再洗腦, 調較
我相信信得教既人本身意志比人薄弱, 如果唔係駛咩用信教作精神寄託?

我公司有位鬼佬朋友開口埋開之實之實, 咪一樣同friend落pub, 仲溝左件姣婆
而家仲俾條女食住tim!!

死仔，抽我後腳

八個字係「非以役人，乃役於人」
稍微細嚼一下，就會明白當中真義。

不過不要叫我再解了，始終知識要自己去求才會領悟其真義，太易得到反而會太易忘記。

後話，藍妹話好憎呢八個字，我諗左成晚，百思不得其解

你呢句我都同意
不過其實解決問題除左係要有岩既方法，
仲需要有合適既手腕，同埋合適既心智。

既然樓主講個位女仔都未有好清淅既心智去搵到呢個問題既解決方法的話
就算可以係埋一齊，咪又係會分開

同埋，我唔知其他教會點，不過至少我所知既，而家既導師都好開通
唔會視呢種情況係洪水猛獸而棒打鴛鴦。
反而會希望搵多Ｄ機會去認識另一半，同埋加強同當事人既溝通
以免佢地行差踏錯抱憾終生者......

其實我想問：
1. 你知唔知道要個女仔墮胎最壞既結果係乜架.....?
2. 我先唔談論婚前性行為是否正確，但我想問，你認為一個胎兒係一個生命嗎？墮胎等唔等同殺人？

講呢個有排講，但係個人觀點未去到殺人咁極端。

唔好講婚前，之前有對耶夫婦，醫生講明個bb有問題，要佢地落咗佢，就算生出黎最多得幾日命。佢地就覺得呢個神俾佢地既考驗。

咁我想問下你間學校全名係?
我唔覺信左神之後D人高人一等都係咁樣咋喎

非以役人乃役於人係耶穌le個人(係人,唔係神)o既中心思想
但係而家o既教徒有幾多個做到丫?
由我開始懂事le10年來
我聽得最多o既傳教語句係
"信者得救, 你唔信上帝o既話你死o左要入地獄永遠受苦, 但係你信o既話就可以得到永生, 耶穌話信我o既人就會等到永生"

另外仲有就係一副好可憐你o既咀臉去同你講
"下?乜你唔信呀?點解呀?"

另外我唔覺得而家o既教會都做到le八個字
服務他人, 但係點解要起o的教會起到咁浮誇?
(例子: 樂富o個個唔知咩堂同埋荔枝角個唔知咩堂)
平平凡凡o既教堂已經夠啦
起到咁靚, 點解唔拎o個o的錢去救濟窮人?
========================

墮胎最壞o既結果係一屍兩命
我好清楚
至於係唔係殺人我答你唔到, 我本人都未有定論

但係我舉le個例子o既原因係講耶教徒o既自相矛盾
如果佢守到性行為le一個關口
又點會去到墮胎le個問題?

同埋樓上個例子又係好有意義
"唔好講婚前，之前有對耶夫婦，醫生講明個bb有問題，要佢地落咗佢，就算生出黎最多得幾日命。佢地就覺得呢個神俾佢地既考驗。"

受苦o既,係個BB, 係o的醫護人員
明明可以有機會o係個BB咩都未感覺到o既時候令佢"回歸主懷"
點解唔放佢走?

我唔係好想公開wo....

其實未生出黎都唔知有幾多日命，大家只係預計同估者.....
如果咁樣就要墮胎，會唔會對個乙乙唔公平？
個乙乙都有生存權利架喎

話時話，我地有冇OT？

...比較另類XDDD


完全O晒。

T就O哂ga喇...

o個單o野係個BB o係好早期已經驗到佢o既DNA出問題
生出o黎肯定係得幾日命無得救o個o的
而且一出世已經要用呼吸機去維生
咁生佢出o黎唔係要個BB受多餘o既苦係咩?

唔好爆得唔得

點解你會知=口="