咁得意要將兩條彈弓癡埋一齊，真係唔多明白點解要咁做。

我試過照將左右throttle levers map做左右power control，而將flaps lever map做collective pitch，但係有個好大問題就係按任何鍵手都要離開個collective，所以最終都係將throttle levers map做collective pitch，反正直昇機飛行時基本上都唔需要控制power，一般都係cold start同停機先用。

AH-64D都唔係無throttle，只係佢叫power control。

1. 有人鍾意硬嘢，硬就個動作細緻啲，真心，而家揸 F-14 個 AoA 想拉過 15 認真難，可惡嘅係 X56 個座輕飄飄嘅。而家唔洗噉，加長碌棍同用軟件拉 curve 都得。
   
2. 睇完咁多說法都係唔玩「分裂」，（題外）睇 Top Gun 2 佢一邊較大一邊較細嚟令轉彎更快，但其實用襟翼 flaps 更有效，戲入面啲人完全唔識有 flaps 呢樣嘢。
   
3. 學嘢，謝。

----------

DCS 上面直升機嘅 mod 唔多，多數由一個 EFM 示範模組演變出嚟。呢度講嘅 UH-60L 黑鷹真係一代名機，L係一個作業型號，架機完全畀到玩家一部好濶落嘅機體，VR 尤其有感；cold start 極度容易，可能係 DCS 入面，甚至比 AJS-37 Viggen 更易，但唔係話架機模擬得好求其，絕大部份系統都用得，亦可以用鼠標操作；而操控容易，可能比 UH-1H 更易，作為一部咁大嘅機，真係唔似，雖則自動系統唔多，但作為一個免費機，居然有 HUD，幾乎去到 AH-64D 嘅資訊度嘅，真係唔得彈。

但係留意呢部機完全無武裝，亦無 FLIR，LATRIN 之類嘅先進電子感應系統可以搭載，因為呢啲嘢全部係 ED 啲 API 入面，呢啲非正式授權嘅製作人根本無法子掂到，唔似定翼機咁多姿多彩，可惜。前一排有傳個作者畀某廠請咗去開發付費機體，不過隨後被否認。

下載同討論詳細：
https://forum.dcs.world/topic/293813...ficial-thread/

咁我又相信佢哋應該知咩叫flaps嘅，佢哋全部受完正式飛行訓練先上機拍，而且Tom哥自己亦有機師執照，嗰下split throttle動作配合flaperon係類似遙控機嘅flaperon mixing同throttle mixing，但係效果係咪咁好就真係唔知，始終未揸過真機我唔敢講，喺DCS上面就推拉throttle都係要等一陣先有反應。

聽過啲前 Top Gun 教官兼 F-14 機師訪問，纏鬥嘅時弓候落 flaps 同無用係天同地比，「完全兩部機」嘅表現。

湯佬斷估佢都識揸飛機嘅，雖則識買識養唔識揸嘅可能性係存在，點都好，套戲太多嘢簡化同埋刪除。

——————
啱啱寫完話 UH-60L 無武裝，今日就出話有人替個 mod 加咗兩碌格林式機鎗～～～ 不過好似係睇得唔射得～～～

F-14真係一架既有趣又複雜嘅飛機，我由開始接觸DCS World到現在哩幾年時間，花最多時間都係喺鑽研F-14上，佢喺操縱上嘅組合真係比其他飛機更多元化同複雜，因為可以wing sweep同有DLC，以我有限嘅認識其實我都真係唔清楚點用flaps可以轉彎更快，我對flaps嘅認識都局限咗喺可以改變翼面弧度提高上升力同增加慢速飛行嘅穩定性，我想像如果bank左或右+pull up+flaps+DLC同時增加升力應該可以急轉，但係又產生咗另一個疑問，如果無記錯F-14喺超過180Knots會自動retract flaps，最大問題係翼展角度係會因應飛行速度自動調節，雖然可以手動展開雙翼嚟開flaps，但係高速飛行時就好大機會做成結構性損壞，真係好複雜諗到頭爆。

BTW: 電影始終係電影，受到時間限制又要顧及觀賞性，有時都要被迫簡化。

本人之前都引用過，揸開 DCS 版嘅 F-14，會覺得架機好似二戰時代啲機嘅特性 -- 好難揸，因為唔係 FBW，又唔似 F-15C 咁，唔洗顧 AoA，失速，tailspin，拗斷翼嘅情況。幅雷達又另舍特別，明明敵機望到嚮正前面，阿 RIO 可以話你知佢做唔到 STT 都夠胆死嘅～

玩 BVR，無論用 AIM-54 系，定係好渣嘅 AIM-7 系，都係用 RWS 搜索，或者直接用 TWS Auto 搞掂，AIM-54 可以直接嚮 TWS 模直接發射，用 AIM-7 嘅話目標進入射程範圍，改用 PD-STT。唔好聽《軍武器研》班友吹，佢哋好明顯唔識空戰啲嘢，居然話 AIM-7 唔會射失故喎，暈死～

OK，唔好話人～

睇啲熟機嘅高手講，纏鬥（dogfight）時候有幾點要注意：

1. 唔好慢過 290 kts，呢樣揸 F-14A 會仲難保持到，因為副引擎出力較低。
2. 個 AoA (angle of attack) 唔好大過 15 。呢樣阿 RIO 幫唔到你，要周不時望望 HUD 左下方個錶。
3. 襟翼（flap）除咗升降時候好有用，亦可以幫助轉彎 -- 正如老細話齋，啲襟翼絕對唔襟，拉咗落嚟，而部機速度又過高嘅話，好可以整壞卡住。但係畀敵人死追嘅時候，整壞個襟翼點都好過畀人擊落～
4. 其實仲有套叫 manoeuvre flap 嘅，可以手動/自動控制，係無主要嗰副有咁大作用，但起碼唔怕卡住，但唔真實。
5. 另一個唔係噉真實嘅，係利用「強制緊急搖翼控制」Emergency Wing Sweep Override，近住 throttle 同座位之間，有個透明罩嗰個手抦。拉起個罩，再拉高個手抦，就可以手動推前，強制對翼完全展開，有人試過，對轉向速率有少少改善。有人就極抗拒呢個玩法。
6. 另一樣麻煩嘢係對翼，同 F-5 係一樣，高速時，過急咁拉起嘅話，對翼好易斷，而家調整到已經難咗，但太心急都會提早 game over～
7. 副引擎未必係最大出力，但係出力/重量比係數一數二高，講爬升都唔輸蝕得過新啲嘅機體，尤其啲油用過半之後，架機輕咗，仲好轉。
8. 唔似其他空優為主同 FBW 嘅機體，對 rudder 都好有用，呢度最似戰鳥，低速時可以用 rudder 「抬高」個機鼻，不過要小心唔好太慢，唔係好易 tailspin。
9. 架機個 corner speed 係 320 kts，而佢屬於擅長 one-circle fight 類型，乜係 one-circle，遲啲講 BFM 再講。

有關真係 Top Gun 教官兼 F-14 機師訪談，可以睇呢兩條片：
https://youtu.be/17TlIMW5e8M
https://youtu.be/J2C2sk-xwDg

而 F-14 高手教點纏鬥（當然好過本人噏），全三部：
https://youtu.be/bfcLhOxFrYs
https://youtu.be/TxmeWMhZfOM
https://youtu.be/JsXZJQXkGw8

2. HUD左下方你係指AOA Indexer?
5同8兩點真係比較大爭議

係指 AoA indexer，謝。

本人會用 Emergency Wing Sweep Lever 嘅，不過既架機畀得你用，一啲啲優勢無理由唔拎埋，反正本人又唔會同人對戰，心安理得。而據啲飛開戰鳥嘅講，用 rudder 係必須嘅，飛慣 FBW 係會唔覺得好怪。

我只係純粹享受飛行嘅樂同對飛機嘅了解, 所以乜都會試，好在係flight sim唔會死人 :XD

睇風景梗係過去 MSFS 喇（苦笑），不過飛行樂趣爭啲就係～ 本人兩樣都有，但都係飛 DCS 嘅居多。有時間就講 BFM，始終有得飛最緊要。

我都係兩樣都有呀, 但又係玩DCS多。

正式討論區有楝樓，專舖啲最新消息嘅：
https://forum.dcs.world/topic/97330-...scussion-here/

當然英文為主，間唔中有啲俄文舖，睇死人。記得得閒入去望吓。

想舖嘅係今日有條片，有間第三廠 OctopusG，出過隻 I-16，舖咗條片，佢哋整咗隻 Su-22 出嚟，未正式公怖會出街；片入面唔止 cold-start 到，仲飛得降落得，好多細部嘢未有，但完成度相當高。本人對呢類陳年舊機無乜興趣，查過啲資料，架機似 MiG-21 同 MiG-23 有個「愛情結晶品」，係種戰鬥攻擊機種。架機 60 年代生產，係 Su-17 嘅出口型號，賣畀當年蘇俄啲細佬，到而家部份國家仲服役緊～

片:https://youtu.be/wRAuDfx8fwE

宣怖咗 20 號會出最新公測版，加埋近日係噉出相，唔意外地幻影 F1 亦會同日開售⋯⋯不過唔關本人事⋯⋯

幻象 F1 個模組未出，本說明書已釋出：
https://www.digitalcombatsimulator.c...files/3324917/

有興趣嘅可以整本落嚟望望。

個公測版推遲去到 21 號。

最新公測版登場，版本 2.7.16.27869，最多新嘢加咗嘅嚮 F-16C， F-14，幻影 2000C 同南大西洋地圖。阿柏奇 CP/G 個 AI 佐治，可以辨識目標，Mi-24P 加咗側門重機鎗，等等。詳細：

https://www.digitalcombatsimulator.c.../2.7.16.27869/

留意個南大西洋地圖個更新實在太巨大，本人有 80GB 以上嘅吉位都夠位裝，建議先解裝個地圖， 更新咗之後，再裝過個地圖，到時自動會裝過個新版。

當然唔少得幻影 F1C （注意 F 同 1 之間係無一劃嘅），冷戰中後期法國主力攔截機，而家有嘅係 F1CE，出口到西班牙嘅版本，而家仲係個早期可玩嘅版本，特咗價都要成 67 美金！雖則應承咗之後會加系列嘅其他變異種，不過實在太「乸脷」，本人暫時無興趣。

——————
題外：睇咗條片，至從虛擬貨幣爆咗煲，啲二手 GPU 大冧價，可能係升級時候。

終於有時間坐低玩咗陣 BFM，發現而家 F-14 （濫）用 Emergency Wing Sweep，強行展開對翼嘅話，當飛行速度過高，會卡住咗對翼收唔返，變咗真．固定翼～～～ 都係嗰句：係麻煩咗啲，不過仲得，點都好過畀人打落嚟。

公測版緊急修正出咗 ，主要執返好多幻影 F1 嘅嘢。
https://www.digitalcombatsimulator.c.../2.7.16.28111/

今期玩家通訊，失驚無神公怖 Orbx 會出 Kola 半島地圖。位於北歐北部，國家包括娜威，瑞典，芬蘭同俄國。地貎接近北極，有大量冰川，冰川形成嘅狹窄水道，山脈，湖泊——芬蘭有千湖之國之稱。

最有趣嘅當然係軍事設施同歷史，東側係前蘇俄同俄羅斯，當中 Murmansk 係蘇俄最強北方艦隊嘅基地，唔止有大量潛艇，當然唔少得水上艦隻同各類設施。另一邊係北約／就嚟係北約國家，北歐三國擁有各種獨特機體同武備。現有嘅 F-16，AJS-37，嚟緊嘅 Typhoon，都係個好啱嘅舞台。

講遠啲二戰期間，盟軍向蘇聯提供援助，船隊就要經過呢個海域，進入 Murmansk，當年娜威被納粹佔領，當地有德海空軍進駐，亦會襲擊盟軍艦隊，後期就轉過嚟盟軍襲擊殘餘德軍艦艇。

Orbx 對玩開「民用」飛行模擬嘅玩家，一啲都唔會陌生，佢啲嘢嘅質素有一定水準，不過未有期，照計都幾快。
https://www.digitalcombatsimulator.c...ws/2022-07-29/

更多圖：
https://forum.dcs.world/topic/97330-...omment=5018100

另，又有一個緊急修補檔。

DCS 穩定版更新到 2.7.16.28157，幻象 F1CE 正式登場：
https://www.digitalcombatsimulator.c.../2.7.16.28157/

呢兩個星期都無乜新嘢，除咗啲開發預告。上個禮拜講以色列嘅「幼獅」戰機開發中，呢架係幻影五型變異嘅對地攻擊機。今日就公怖咗西奈半島地圖，主要包含成個西奈半島，西至開羅同尼羅河河口，東至部份沙特阿拉伯，亦有以色列南部。呢度係 48年以嚟，戰爭最頻繁嘅地區之一。另一個係二戰版嘅 Marianas，之前講過但今日有多啲圖睇。

https://www.digitalcombatsimulator.c...dd6c1c511482b/

ED 嚮 Twitter 上表示，終極目標係有齊全世界嘅地圖～ 可能繼《火鳯》同 HxH 之後，唔知有生之年望唔望到～～～

有冇聽過強殖裝甲？哩套連載時間已經超過三十年，都係有生之年都應該睇唔到結局嘅經典。

有！但近來無乜追，好感動嘅係作者每一冊書都有啲新怪獸過你睇～

回題：ED 有個「政策」，事關佢始終好多嘢都仲係嚮俄羅斯國內，有啲「敏感」嘢佢唔敢掂，好似個高加索地圖，明明有包埋啲克里米亞半島嘅嘢，但嗰度上面係空白一片，乜鬼都無，反而佢 N 年前啲 Flanker 系列，就係以呢度做舞台。呢個就係另一個原因，都幾難「蓄齊」全世界～～～

最近公怖 Grinnelli Design 開發緊 F-100D 超級配刀／匕首，個人完全無興趣，間廠之前出過個 F-22A mod，部機好簡化，衰到連向量噴射引擎都無 -- 之前畀過個一個 KOL 試咗，仲有片，但死都未肯放出嚟畀公眾玩。而有位有心人好努力免費改良咗好多嘢，由武器到坐艙標板都好咗，有機會再講。

反而要講講另一間廠 -- RAZBAM，佢都算第三家廠之中，最多產品嘅一個，除咗啱啱出咗嘅南大西洋地圖，之前仲有幻影 2000C，MiG-19 同 A/V-8B NA。但為人最「津津樂道」嘅，係佢早年啲撻 cue 嘢：

據「知情人仕」透露，佢當初初出架幻影 2000C 嗰陣，其實佢手頭上係無相關嘅文件，個添入面又無相關專題嘅專家（Subject Matter Expert SME），連實地去掂過部真機去攞料，係靠估咁整出嚟，唔洗審都知有幾出事；之後唔知個操作係點，居然搵到法國空軍（！！！）出手一齊執返掂部機，先似乎啲樣；其實部 A/V-8B 初初出又係因為咁而問題多多。

而 RAZBAM 當時嘅態度係 -- 點講 -- 相當惡劣，一方面賴落去 ED 個模擬系統，另一面同班玩家嘈，唔迫到唔執返好啲嘢。

公平啲講，睇呢年半以嚟，兩個模組都有顯著改善（MiG-19 本人無跟），像真度都好咗，收唔收貨見仁見智，而最近個地圖，無論嚮品質同溝通方面尤其明顯。

佢兩年幾前公怖咗會整 MiG-23MLA，都無乜聲氣同進展，似乎集中精力搞部 F-15E，本人對後者好有期待，因為而家部 F-15C 實在太「簡化」，無 Full-Fi 駕駛艙係爭啲，不過以呢間廠嘅往績，會睇定啲先出手。

更新：RAZBAM 近呢幾個月都舖啲 F-15E 嘅教學片教人各個系統運用，講嗰位人兄，都幾悶蛋，不過聽真啲，條友係 F-15E 嘅前機師，啱都有返多啲信心。

公測版今日有更新，去到 2.7.17.29140，新嘢主要係 F-16C、Mi-24P、幻影 F1 同南大西洋地圖度。實在太長，未能盡錄。
https://www.digitalcombatsimulator.c.../2.7.17.29140/

尤其 Mi-24 個炮手 AI 終於有啲語音對白，幻影 F1 執過啲鍵盤 mapping，而南太西洋，除咗有新機場，英國艦隊改良咗好多，亦有啲趣緻嘢加咗落去～