1 2 3 4
5 6 7 8 9 10
PC電腦遊戲討論版 >DCS World |數碼戰鬥模擬世界 - F-4E 5 月 21 正式登場
謝,呢類咁複雜嘅 game,一定要花時間浸,齋睇 manual 唔夠。好似 F/A-18C 呢啲咁多嘢玩嘅機體,仲不時加同改嘢嘅,冇番噉上下時間唔會熟,講起就超失禮,連 Case 1 航母降落同空中加油(AAR)都未識~
本來我係由想玩直昇機開始玩DCS,最初玩係Ka-50同SA342連rudder pedals都冇,都叫有支VKB Gunfighter MK.II+Pro Grip同TWCS Throttle,但真係玩到心灰,特別係架SA342好似癲嘅一樣完全無法控制(我本身玩開r/c直昇機, 對直昇機操控都叫有一定認識),跟住見到架F-14 Tomcat就買嚟玩下,點知一玩就上晒癮,之後就買咗F/A-18C、F-16C、AV-8B、A10-C、A10-C II、Supercarrier,最近再買埋AH-64D,我都係玩training多, 玩得最多係carrier landing,真係非常困難要不停嘗試同練習,但係到現在都仍然會墜機
不過設備上真係想分享一下我嘅感受,最初試用鍵盤同Xbox手掣玩直頭係災難根本無法控制,跟住upgrade咗去VKB flightstick同TWCS throttle再經過兩年磨練都叫做飛得下同大至上landing都無問題,但係carrier landing真係好難搞成功率得一半,就算land到多數都catch唔到three wire,直昇機仍然無法控制,直至去年聖誕見Virpil減價把心一橫買咗MongoosT-50CM3 Throttle、Control Panel - #2、Constellation ALPHA-R、MongoosT-50CM2 Base再加MFG Crosswind pedals,神奇嘅事情發生咗,我可以控制到SA342做hovering同landing,連同carrier landing都做得較為準確同成功率都高咗,原來一套好嘅控制器係非常重要,而且好多初接觸flight sim嘅人都會錯覺哋以為rudder pedals係無乜用唔多重要(我自己就一定係咁諗),但當你玩得愈耐就會愈發現rudder pedals原來係非常重要,特別係玩直昇機,可以講係不能缺少,所以好多入坑嘅人都係比較後期先買rudder pedals。
PS. 我唔建議新手一開始就買齊全套頂級控制器,雖然操控上係會精準好多,但價錢真係好貴,而最大鑊係超過9成人都會係短時間內放棄,真係到玩得一段時間而熱情都仍未減退先好考慮升級。對於入門人士,Thrustmaster T.16000M FCS FLIGHT PACK係一個幾好選擇,一套三寶有齊flightstick、throttle、rudder pedals都係二千銀有找,當然唔好太大期望只係不過不失啦,不過耐用度就真係麻麻,變相玩一段時間就有借口升級
講裝備聽講大陸隻 WINWING 都唔差,好似兩個 V 字頭都有入門版,不過腳踏,跟 TM16K 嗰隻唔係好掂~ 玩 VR 嘅,支嘢上面太多掣其實無乜用,睇唔到靠摸好難。所以 TM 16K 同 Logitech/Saitek 支 X-56 都好夠用,知有啲友玩對地攻擊玩得好癲嘅,會加多件 XBOX 控制器甚至多支平 stick,玩 A-10C II,AJS-37,阿柏奇同雌鹿嘅炮手位 同 F-14 RIO 位幾好用。
玩過下 Ka-50,好易上手,跟任嘅係 Huey 都好易飛,反而阿柏奇係幾難,又未到雌鹿咁變態,前者啲設備未落齊,之後加返多啲自動系統會好啲,掛?
Winwing我都有望過下,不過我真係對全國產製無信心所以完全唔會考慮,支VKB已經令我好失望下。Thrustmaster個腳舵我未試過,國內叫夾蛋器因為兩腳要夾得好埋
,不過始終初階嘢都要將就下,佢成套3寶都只係MFG腳舵2/3價錢
。相對我哩d無VR嘅人,多掣玩會係一種樂趣,一但玩埋VR可能變成盲俠
係,KA-50係易控制適合新手玩,因為雙螺旋槳可以互相抵消螺旋槳引起嘅橫向力。而阿柏奇其實都唔難,會唔會係你控制時經常不自覺咁focus咗喺HDU去追住個Velocity Vector?
另外想請教下你用緊邊隻VR?我現在只係用緊TrackIR,喺VR上鬥咗好耐,VR係唔係會對dogfight同landing會有幫助?
知唔知Oculus是否必須以facebook登入,同埋見好多人評價都話Quest 2好模糊d字好難睇?見HP Reverb G2評價唔錯但又好似係冇hand tracking,而且我估計用VR要連帶去升級埋張display card,我依家只係用緊張古董GTX1080,雖然都一直想升級張display card,但係現在價錢炒到無人性。
好多嘢要答:
作者: Helios :
支VKB已經令我好失望下。Thrustmaster個腳舵我未試過,國內叫夾蛋器因為兩腳要夾得好埋:drool2
而阿柏奇其實都唔難,會唔會係你控制時經常不自覺咁focus咗喺HDU去追住個Velocity Vector?
無失望又點會有(借口)升級?!
平嘅 TM 唔係太夾腳,最有問題係「自己識郁」,每次任務開頭,部機都向左擺一擺,較咗 deadzone 都係噉~
問題唔係個 IHASS 幾「誤導」下,有人話抦埋佢就無問題,由地面升上半空唔難,起碼易過雌鹿,反而問題係由航行停到浮空嗰下,唔同雌鹿可以恃住裝甲夠厚可以玩豬突(分分鐘厚過部 A-10),要射嘢一定要浮升,因為部機都好重,嗰度好易失速翻機~
雌鹿真係痴線,不過聽講 Mi-8 仲難,都係暫時庫存唔掂住~
作者: Helios :
另外想請教下你用緊邊隻VR?
VR係唔係會對dogfight同landing會有幫助?
知唔知Oculus是否必須以facebook登入,同埋見好多人評價都話Quest 2好模糊d字好難睇?見HP Reverb G2評價唔錯但又好似係冇hand tracking,而且我估計用VR要連帶去升級埋張display card,我依家只係用緊張古董GTX1080,雖然都一直想升級張display card,但係現在價錢炒到無人性。
Quest 2
VR 對空中纏鬥未必有幫助,TrackIR 玩「狼顧之相」易啲,玩VR 除非坐住張櫈識轉,都好睇條頸有幾靈活~ 或者加入 VRNeckSafer 呢挺外掛系統。反而直升機升降易睇位好多。
VR 主要係講臨場感,尤其突然見到前面棵樹撞緊過嚟嗰陣~
係要 FB 登入,本人個 account 冇乜「人脈」,加上佢而家可以某程度上「捌甩」FB。不過本人無所謂。
DCS 有 VR Zoom 呢吓嘢 (MSFS 反而無),可以幫到一下,如果部 PC 頂到,推盡頭罩個解像度都可以嘅(以 AH-64D 同 F/A-18C 噉計),再加埋啲 readability mod 無問題。一講 mod 有排講,真係日日出,一兩個月都未講完。
講點較 VR 係一門專門學問,玩死人,唔好講有幾重系統設定要較,仲可以加埋一大堆 shader mods 同埋外掛可以配搭。暫時玩緊 OpenXR,幾好用。
因為而家 DCS 仲係用 DirectX,凈用到一條 CPU pipeline 唔係好掂,佢話會轉去用 Vulkan,不過個人斷估無三五七年都唔洗旨意有。
本人用緊部 i7 32GB RAM 3080 mobile 嘅機,都 OK 嘅,想玩更高清更強力嘅 G2 同 Aero 呢類業務級機體,怕且無頂級 i9 + 64GB RAM + 3090i 唔洗諗推得佢哋郁。
追加多樣嘢,本人雖則未試過 G2 呢挺高級機種,暫時覺點都無睇芒咁靚,唔係關解像度嘅事,而係畫質同流暢度點都係芒優勝。你睇啲 DCS 「影片」全部都係 2D 製作就知。
唔好意思想問下你講嘅"雌鹿"係唔係指Gazelle?
Apache其實由飛行到hovering都唔算難(如果唔理會個高度嘅話),不過有一點我真係非常認同,真係好易失速,只要collective有少少控制失當就即刻rpm low,當你減collective pitch機體就下降得好快,但係加collective pitch架機就永遠無反應唔會昇,不過rotor rpm就即刻跌,要等佢rpm提昇,操控Apache要預判collective,哩樣令到我都好懷疑究竟係game問題定係實際上Apache真係咁無力。
我中文比較差"狼顧之相"要Google一下先知點解,VR我相信短時間內都唔會考慮,除非張3090價格回落返正常,之前我見炒到2萬幾,現在回落返少少去到萬7-8,但都真係買唔落手,我唔鍾意用炒價去買嘢。
雌鹿(Hind)指 Mi-24P,外型絕對經典,但極難上手。不妨用 free play 試佢兩個星期就明有幾變態。
作者: Helios :
哩樣令到我都好懷疑究竟係game問題定係實際上Apache真係咁無力。
據報真機真係咁,玩過一排 Huey 呢類輕身嘅機種,初初好唔慣,睇嚟真係要畀出奇地大嘅 collective 去 hover,而部機對重量同環境溫度更敏感。可以參考吓呢個教學:
https://www.youtube.com/watch?v=TTAY4F0_D08&t=681s
而家全球晶片大缺,怕且無三幾年回唔到正常。
(拋書包)有睇《火鳯燎原》會知,二公子司馬懿相傳好似狼咁,可以回頭望過臂。
追加:講配件唔到本人,但係想講吓腳踏有咩用。戰機有兩個用處,一係控制個尾陀(rudder),架機可以左右擺,另一個係地面上煞車,可以煞停兩邊個「後轆」,有啲機無機鼻轉彎(nose wheel steering),可以地面轉彎用;空戰上嚟講,新啲嘅線控(fly-by wire)嘅戰機,好似 F-16C、F/A-18C,個機鼻可以「任指」,未必噉有用,但係啲舊型機,好似二戰時代啲「戰鳥」(Warbirds),上至 F-14B,纏鬥中點用尾陀配合轉向係個好緊要嘅技巧。
直升機用嘅就叫「反扭力腳踏」(Anti-torque pedals),空中都可以用嚟轉左轉右,最重要係浮空嘅時候,用嚟抵消尾部螺旋槳產生嘅向左或右嘅轉向。漏咗:如果係卡曼洛夫啲雙螺旋槳機就唔洗,事關兩套螺旋槳相反方向轉,抵消返機體嘅轉向
要唔要買返套?好多入門級嘅 HOTAS,好似 TM 套 T16000M 定係 Logitech 支 X-56,支棍可以扭嘅,係可以當腳踏用;係唔噉「真」,可以玩住先,不過上面兩隻個扭軸好鬼死易壞~ 真係要買,因為都幾大座,價錢相對地好貴,所以 TM T16000M 嗰件都叫做玩得過。
快手手講吓嚟緊第三廠會有咩新嘢出,因為有期待,個人有世藝,命都會長啲~
Heatblur
Eurofighter Typhoon:開發仍然繼續中,噚日出咗啲相(唔舖),駕駛艙啲 3D 模型做咗部份。未有期
F-4E Phantom II,暫時只會有空軍版(準確啲嚟講係 Block 36-45,唔知係乜),出咗之後會有其他變種 -- 好似本人會更期待嘅艦載版,仍然予期本年後期出。
RAZBAM
呢間嘢極度進取,之前開發嘅 AV-8B NA 同 Mirage 2000C 初初都極度劣評,但之後都逐步執返正,呢間嘢絕對係「傳奇」,有機會可以開個舖講~
[更正]南大西洋地圖,可能將會係 DCS 入面最大嘅地圖,由智利西岸,去到福克蘭群島以東海域,唔會佔好多 RAM 掛,因為大部份會係海嚟。呢幾個星期,有 YouTuber 出咗條片介紹,連 ED 前幾日套 F-16C 介紹片,都用咗呢個地圖,怕且都就快出。
F-15E Strike Eagle - F-15C 對地攻擊版本,今年係咁出模型照,亦提到發射 AIM-120 已經完成。因為 WSO 唔會有好似 F-14 RIO 嘅複雜 AI 設置,怕且今年內都出到。因為而家隻 F-15C 唔係 Hi-Fi,對呢架機極度期待。
IA-58 Pucara - 阿根廷獨自開雙座位對地攻擊支援機,外型設計獨特,當年福克蘭戰爭期間大為活躍,亦係英軍顧忌嘅機種。睇開發嘅相,似乎完成咗外觀同外皮。之前有人整咗呢部機個 mod,手感麻麻。睇落去先,唔會噉快「投入資金」落去。
Mirage III - 另一部冷戰時期名機,只知初初只出 E 型,內容資料唔多,亦未有期。
MiG-23 MLS,翻佢舊賬,講咗 N 年,連影都冇,可能已經被放棄。
AERGES
之前未出過 DCS 模組,頭炮會係 Mirage F1 呢部名機,無論嚮福克蘭戰爭同兩伊戰爭都極活躍。上個月出咗唔少教學片,應該就快會出。
MITECH-5
Bo-PAH1A1 - 呢架直升機出咗好多 3D 模型照,未見有片出
Polychop Simulations
OH-58 Kiowa Warrior - 令人期待嘅機體,波斯灣戰爭期間同阿柏奇合作嘅偵察直升機,只知疫情拖慢進度,而家回復,未有任何照片。
Magnitude 3 LLC
F-4U - 二戰時期太平洋戰爭名機,年初見佢駕駛艙造型已經完成,暫時未有進一步消息。
IndiaFoxtEcho
MB-339A - 最期待當然留最後,義大利對地攻擊機兼教練機,同樣嚮福克蘭戰爭期間阿軍使用。DCS 同一班人整咗個免費 mod,極正,舊年 10 月話部機交咗上去畀 ED 審閱,之後有消息再加碼,上個月尾公怖八成以上嘅 feature 已經完成,但仍然未有期。呢班人係噉嚮 MSFS 上面出機,大大話話都出咗4 5架,但呢度仲係第一部,DCS 啲機真係嚴謹好多。
哦...原來係Mi-24P,我真係冇留意過哩架機更加唔知佢叫 Hind,因為我真係唔多鍾意佢個樣。
Rudder pedals 對一般飛行時其實真係冇乜用,轉向都完全唔會用,rudder 係用作控制 Yaw,對抗側風引至偏移就非常好用,所以起飛同降落好重要,直昇機就更加冇佢唔得。
T16000M throttle 上面個 rudder control 其實幾好用,但係 flightstick 上面個 twist axis 我試過,自己個人就真係覺得飛機都還可以但係直昇機就唔用好過用,因為控制 roll & pitch 時其實好易會扭動到個 twist axis,特別係直昇機要好準確操縱 Yaw。
"Hind" 只係北約畀佢嘅代號,前華約嘅直接叫佢做 Mi-24
早期型你有睇過 Rambo 入面嗰啲嘅,會覺得無乜嘢好普通,後期型變咗兩個金魚缸,當堂型仔咗好多,而且之後啲戰鬥直升機大部份都「參考」呢個造型。蘇聯打阿富汗戰爭,伊斯蘭叛軍叫佢做「魔鬼坦克」,火力猛又好難打落嚟,直到刺針飛彈使用~
可能真係學老細話齋,揸支棍時候唔覺唔覺有扭埋,而家用一年多啲個 z-axis 香咗~
先謝過,不過如果係 TM 16K,可以用 throttle 前面兩個可以左右擺嘅 finger switch 代替,可 OK 嘅。
作者: 肉羊哩咖 :
先謝過,不過如果係 TM 16K,可以用 throttle 前面兩個可以左右擺嘅 finger switch 代替,可 OK 嘅。
哩個做rudder control其實唔錯,只係一樣唔好就係比較易壞,同flightsitck上面twist axis係同一款potentiometer,我未有rudder pedals之前都用咗兩年時間,自行更換過potentiometer兩次,網上有教可以先拆出嚟清潔不過我就唔想煩直接換粒新。
因為支棍個 Z 軸可以唔用住,所以唔打算換住,不過會記低,有乜依郁仲有得救。再謝。
ED 又等錢洗?!又特價!10 號到 22 號。唔列,有咩啱就望望
招已中,今朝一早買咗 Fw 190 A-8 同埋 UH-1H Huey
唔想飛戰鳥,又唔想買 JF-17,想買嘅又未出~~~~~~
JF-17我又係唔知點解無乜意欲去買,舊式戰機我之前都唔敢玩因為試玩過冇toe brakes原來係搞唔掂,到依家有rudder pedals先至買一架試試。
大陸製嘅「梟龍」吖嘛~~~係由真機個廠提供咗好多資料整出嚟嘅,不過一無正式說明書,二嚟 game 入面個教真係得啖笑~
揸 AV-8B 對 MiG-15,同玩戰鳥差唔多,當然係速度感好好多。
AH-64D 好多人嘈唔係未有個 FCR,而係啲 trim 模好難適應(啲神人另計),其實真機係有唔少自動 hold 嘅模式,不過未加入隻 game 度,以下嘅 "hover" 同速度固定模式,噢,仲有真機無嘅 trim 重置添,睇個款下一個更新會有,詳細:
https://youtu.be/XpfDVKp_BTI
真係要還倩。之前都講過有關 mod 嘅嘢,大致分呢幾類:
揸得郁嘅物體
唔揸得郁嘅物體
玩家輔助資料
外皮 (liveries)
改善畫質、流暢度或音效
外掛/輔助程式
好多係好正,大部份免費,有時仲正過原廠嘅製作。不過,天下無免費嘅午餐嘅,有幾樣嘢出事嘅:
系統同模組嚮不斷更新之下,有時搞到個 mod 會唔用得。
或者原廠覺醒,整得好過個 mod。
事關,大部份都係業餘興趣製作,好多時搞搞吓就無以為繼;萬一有嘢再唔 work,都無人去執返,亦有嘢未完善,都無得改進。
就算有人執,原廠會因某啲原因,加密咗有關嘅檔案,想執番都有心無力。
開頭想講頭一樣,揸得郁嘅嘢。而可以分海陸空三類,不過主要飛得嘅為主。
飛得嘅又分兩類:
完全由無整到部機出嚟
根據現有嘅機體改成另一架機體
後者相對地易整,所以數目多好多;而好多都係根據啲 FC3 嘅機,尤其以 Su-25T, F-15C 同 Su-33 比較多。
頭炮會介紹 A-4E 天鷹攻擊機。
A-4E Skyhawk 天鷹,屬輕攻擊機,五十年代中首飛,主要活躍於越戰初期、贖罪日戰爭同福克蘭戰爭。主要攜帶「蠢彈」,亦可以用早期反雷達飛彈同響尾蛇飛彈,亦可以用到核武。當年為美國海軍同海軍陸戰隊使用,退役後(被 A-6 同 A-7 取代)成為訓練用機,有睇 Top Gun 知佢係配角機之一,等學員可以有對抗細而靈活戰機嘅經驗。到今日,仍然服役於阿根廷同巴西軍隊。
機體嘅設計受當時代三角翼潮流影響,E 型已經加強咗引擎出力,但無後燃器,比較適合中低空使用,機上只有基本嘅對地雷達,五個掛點可以帶相當大量武器,最大嘅特色係佢左右滾動速率非常高,一個唔小心,真係有過機師轉到失神。
呢個 mod 係一班有心人整出嚟,所以正名係 A-4E-C (community) 版,玩呢部機無需要先要其他機體,外觀整得好仔細,狹窄嘅駕駛艙亦完全展示出嚟,大部份嘅掣都用得,連無線電同導航 TACAN 都用得。武裝方面,無引導炸彈、火箭、集束彈、額外機炮、白勞鳥反雷達飛彈,同響尾蛇彈都得,而越戰「名物」燒夷彈 (naplam),雖然可以裝備,但係 DCS 本身無模擬呢種燃燒式武器效果,實際只係有集束彈嘅效果。可惜嘅係無得裝鬥犬同牆眼飛彈,因為製作群組因為唔係真係第三廠,無得用到原廠 SDK 而無法使用,同樣原因,亦無得玩空中加油,同超級空母嘅整合都好有限。
差啲唔記得,呢部機係完全免費。亦由於極受歡迎,亦曾被各國大量使用,所以有極多外皮可以轉。
如果你想唔科錢玩 DCS,又唔係太好對空戰鬥,對地攻擊有興趣嘅話,呢部最極好嘅入門機!
下載:
https://github.com/heclak/community-...ses/tag/v2.0.1
討論:
https://forum.dcs.world/topic/207102-community-a-4e-c/
講返啲開心啲嘅嘢,今日公測版出咗更新!!!
重點:
AI 嘅視距外空戰 (BVR) 大幅改善,變到更危險難纏,有時間心情睇吓「實戰」測試:
VIDEO
而纏鬥,或者基本飛行動作 (Basic Flight Maneuver BFM) 嘅改善,會下個月出爐。
AH-64D 同 Mi-24P 加多好多嘢,最重要之一係 AH-64D 加咗上面講過嘅新空浮自動系統。
F-14 終於加多咗好多 HOTAS 嘅 binding,唔洗再用用家嘅 mod,正式支援
詳細:
https://www.digitalcombatsimulator.c.../2.7.14.23966/
非常期待F-14嘅更新,我飛最多就係F-14,不過udate完可能個Helios Virtual Cockpit又有問題