第一
...
2 3 4 5 6 7 8
9 10
PC電腦遊戲討論版>DCS World |數碼戰鬥模擬世界 - F-4E 5 月 21 正式登場
星期五每週通訊,整 JF-17 嘅大陸開發組,會開發另一款名機殲 8 II (J-8B) 戰機。呢部係 MiG-21 改造機,主要改良機鼻可以安裝更大嘅雷達,連引擎入氣口,以至機框操控面都大幅改良過。呢部 82 年出品,主要係海軍用機,最出名嘅「戰績」,就係 2001 年海南同美國軍機相撞事件。
F-15E 仲有三日度就可以予訂,但係未知幾時上架。RANZAM 今日講,而家呢個係 2005 年嘅型號,之後嘅開發路線,會再有幾個實機軟體更後新嘅版本,會有更多新功能系統可以搭載。
今日係無 F-15E 預訂,又推到去星期五~~~~唉,無乜所謂,反正期都未有。
無聲無氣,啫係話個公測版脫鬼咗期~~~
好多玩家等咗,講咗,鬧咗好多年嘅,就係一向以嚟嘅 DCS,都係「單春」,淨係用到粒 U 入面一個核,勉強可以話兩粒。以近呢幾年多核嘅 U 「一街到係」,搞到用咗咁多金砌嘅機好嘥。至從 ED 講話會支援「多線處理」,都等咗好多年。
3 月 10 號個公測版 (2.8.3.37556)就正式支援「多線處理」。好簡化咁講:每個程式,只要支援「多線處理」,好以分散好多工作畀粒 U 入面啲核去一齊處理。好似 Chrome 咁,開咗每個 tab 都可以分畀一粒核,一齊行。而家 DCS 可以支援「多線處理」,遊戲入面每個物件都可以交畀一粒核主理,分担啲計算,咁性能表現會更好,尤其多人連線、複雜嘅任務,以至 VR 都會受惠。
由於仲係屬測試性質,所以支援「多線處理」嘅係另一個執行檔案,分開咗唔支援嘅版本。
據呢兩三日以嚟反應,就算唔係複雜嘅情況,frame rate 都有 20% 甚至 50% 嘅改善,而用 I 記嘅用戶表示,呢個版本好鍾意用咗啲 e-Core 先。 ED 就話而家仲係開發早期,仲有好多改進空間。而之前預告會支援 DLSS 同埋 Vulkan API,令人期待。
成個更新等咗個半個月,當然唔止一樣嘢:
Mi-24P 個 AI 界面更新
A-10C II 加入 UHF/VHF ARC-210 無線電,可以話機體嘅設備已經齊全
幻影 F-1 有新嘅電子反制系統,同極大量修正
AJS-37 外觀上改進
F-14 同樣外觀同駕駛艙有改善,亦執過 F-14A 個飛行模型
南大西洋地圖加入 4 個機場,亦有唔少改進。
亦無可能得咁少嘢,幾乎各個模組都有嘢執返,詳細(係好長)如下:
https://www.digitalcombatsimulator.c...a/2.8.3.37556/
星期五同今日都出咗啲 hot fix,主要係執返啲小 bug,尤其係 FC3 系嚮多線模式下無 hang 機嘅問題~
呢兩日,好多講開 DCS 嘅 Utuber,都有得玩西奈半島呢個新地圖,由耶路撒冷去到阿歷山大港同開羅都有,當然唔少得尼羅河同蘇彝士運河;唔係好齋得沙漠。睇個勢好快會出。加埋預告咗 4 月 12 號可能有個新嘅公測版上,估佢都趁呢個時候。西奈半島歷史唔止攸長,仲係好多歷史關鍵大戰嘅「武台」,期待。
今日出咗個修補公測版 2.8.4.39731,執咗啲乜一隻手手指數晒:
- MP. Added a real-time procedure for checking the required modules in mission loading
- MT. Triggered text doesn't appear at some multimonitor configs - fixed
- Radio messages move to the side in multi-monitor configuration - fixed
- MT. Bullet impacts create many craters and large FPS hit - fixed
- MP. DS. Crash seems to be related to fonts in overlay borders - fixed
星期四 / 星期五出咗,雖然期待中嘅新地圖同新機未見影,但係呢次有一大堆新嘢同修正。亮點如下:
- 煙火表現同物體嘅「生命值」掛勾。
- F-16C 上嘅 RWR 修正
- AH-64D 增加 AGM-114L (微波)雷達引導飛彈!無需機頂雷達引導(因為未有),只需幾秒雷射鎖定,就可以射後不理,自行搵食。
- AH-64D 亦加上 雷射點式追蹤功能、內置額外油箱。
- AH-64D 個飛行模型亦改良,測試過,而家無咁易向「右傾」,易飛咗。
- UH-1H 個引擎亦改良,出力大咗,因而又要適應過。
- F-14 系個地面行走嘅反應改良,同時新加咗(可選)高攻角時嘅機體反應。
- 幻影 F-1 繼續有一大堆新增同改善,呢部機同 幻影 2000C 玩法差唔多,不過呢個模組個人覺得開發團更用心,值得支持。
仲有 F/A-18C 新戰役開售同埋其他改良新加入功能,不能盡錄,詳情:
https://www.digitalcombatsimulator.c...a/2.8.5.40170/
-----------
西奈半島呢個新地圖,呢次更新未有開賣住,雖則無耐之前各大 YouTuber 都有得試玩過,但以 ED 一貫「無期」嘅傳統,大家繼續話要等多「兩個禮拜」。
呢幾日輪到 F-15E,同樣地各大 YouTube 都有得試飛咗,ED 同 RAZBAM 都係咁一齊宣傳話今年係「Strike Eagle 年」,預訂仍然仲有特價,同樣連期都無,得個恨字。
「兩個禮拜」雖然唔係 DCS 用家原創,但係每當提到出貨期,個個都會答係等多「兩個禮拜」,啫係無人知個期,玩得太行搞到連啲廠都玩埋一份。
又玩商品特價 -- 為「慶祝」Top Gun Maverick 上映一週年,F-14 同 F/A-18C 一齊買,只要 $95.99,做到幾時無講,其實應該加埋套超級空母嘛。
期待已久嘅西奈半島地圖開賣,只係版本 2.8.6 或以上先玩到,有成 55GB 咁大,開賣嘅時候啲 server 冧鬼晒,好艱難先買到,不過如果係由 Stream 買就無問題。因為早玩版,售價只係 39.99 美元。點知最後買到喇,輪到個 DCS 個驗證 server 冧鬼咗,下載唔到,而家先下載緊,有乜嘢感想,等陣。
同時,最新公測版亦都釋出,非常豐富,遲下再報。
唔知係咪好運,個公測版出咗無三粒鐘,就出咗一個再修正版,執返啲甩漏 -- 好似有 F-15E 個首頁標緻,再有埋 F-15E AI 用嘅更新模型⋯⋯
無論點,呢個除咗有西奈半島地圖兼容,仲有大量更新修正:
F-16C:新增雷達速度搜索兼測距功能(VSS)等
F/A-18C:新增雷達速度搜索功能(VS)等
AH-64D:雨撥可以清除擋風玻璃上嘅雨滴等
AJS-37 :加入大量功能鍵盤輸入,RB-05 重製等
F-14 :地面上行走嘅反應進一步改良等
幻影 F-1 繼續大量修正
落曼弟 2.0 有新機場,倫敦巴黎加入電車同地鐵系統,新漁船模型,最重要係入夜後有燈光等。
最大嘅改動,當然係 SA-342M 羚羊式直升機,飛行模型重製,擋風玻璃有雨點~~~ 而且有三個型號,各有各獨特嘅武器配備,例如 SA342L 有潛望鏡同「陶式」TOW 同對空導彈,各機都可以配備 iPAD 作導航用。搞到本人有啲心郁~
詳細:
https://www.digitalcombatsimulator.c...a/2.8.6.41066/
又例得夏季特價,去到 7 月 16 號為止,隻重造嘅鈴羊幾正,出咗糧就入手,
星期一二中間,失驚無神,出咗個大 patch,去到版本 2.8.7.42583
唔計修正,新加同更新嘅嘢太多,講幾樣比較重要嘅:
- 多人連線個系統執返好咗
- F/A-18C 同 F-16C 個雷達單目標追蹤 (STT) 鎖定表現改咗,不過有玩家指轉咗之後個 STT 會「甩轆」。
- AH-64D 個保持高度模式改良咗。
- Mi-24P 個 AI 介面加咗新嘢,好似英語嘅。
- F-15E 最長,撞擊模型,空戰用嘅機炮準星修正,新加唔係鍵盤對應指令等等。
- SA-342 有引擎性能改良等等。
- 幻影 F1 有唔少對光學目標系統嘅改良。
- AJS-47 用嘅 Rb-05 飛彈重錬。
- F-14 上嘅 AIM-54 表現持續改良。
- 敍利亞地圖使用最新夜間燈火照明效果,部份物件模型改良。
- 南大西洋地圖,使用新嘅技術,市區同樹嘅模型大幅改良。
仲有好多好多,未能盡錄,詳細:
https://www.digitalcombatsimulator.c...a/2.8.7.42583/
DCS World 唔係公測嘅,就叫穩定版,相對啲無咁多 bug 嘅,今日個版本係 F-15E 首度「穩定」登場~
玩 DCS 嘅又同時玩 VR 嘅,應該無玩 MON (2D)嘅咁多,唔係出棍嗰廠,仲係咁出埋啲節流閥手柄以外仲有咁鬼死多掣,玩 VR 鬼用到咩~
但係整 VR 頭罩嘅廠仍然係正方未艾,有啲比較「老牌」嘅,好似 MS、HP 等都似想離場,但係一雞死一雞鳴, 唔好話 APPLE (佢同呢度講嘅嘢無關),PIMAX、VIJARO、Big Screen 等等出高檔系統,Pico 同 Meta 嚮「低價」繼續打餐死。
咁飛 VR 有咩好處?臨場感一流,真係有置身機艙當中,加上係 HI-FI 機艙嘅機體,真係可以「用手」撳到啲掣;而飛直升機嘅,對機體嘅反應更加敏感,有啲老細直頭話降落去張郵票都無問題。
除咗 VR 嚮 ED 嘅開發優先次序,好有二奶仔嘅地位,但係至從(講咗 N 年終於)支援「多線處理」同以下講到嘅 OpenXR 之後,飛 VR 嘅同好會開心好多。始終,玩 VR 點郅貴好多 -- 唔只係個頭罩好鬼死貴,部 PC 性能又要高級好多,連線部份又要有要求,但係畫質又未及 2D 咁靚~~~
由於 DCS 唔係直接嚮啲機體上面玩,PCVR 嘅 VR 系統驅動支援嘅幾有限吓,大致如下:
SteamVR -- Steam 版故然可以,單體版都好以用 SteamVR,好似 Pico 機體就靠呢個玩 PCVR
Windows Mixed Reality -- 呢個系統其實好多廠到支援,MS 咱家唔在講,HP、PIMAX 同 VIJARO 都用到。
Oculus -- 只係得 Meta Quest 機體支援 ~
但係有個大問題,各個廠都各有各做,啲 game 同軟件都要分別寫埋以上啲 VR 系統,結果都係想有個每個機體都用到嘅 PCVR 標準,只要呢「層」放嚮各自廠嘅 VR 系統,只要隻 game 直接支援呢層嘢,就唔洗搞 SteamVR,Oculus Quest 之類,佢就係 OpenXR。
其實 SteamVR 同 Oculus 等都各自有 OpenXR 支援,但另一邊 DCS World 就無,之前有人出咗樣 OpenComposite,等 DCS World 都可以用咗 OpenXR。到而家 DCS 直接用到 OpenXR。
如果老細用緊 Quest 系,又同時有玩 Steam 嘅,要留意,如果飛開 Oculus PCVR 嘅,就應該揀 Oculus 嘅 OpenXR 而唔係 Steam 嘅 OpenXR。前者可以 PC 上面個 Oculus App 揀,而用 Steam 嘅 OpenXR,就要去返 SteamVR 個 app 揀。
用 OpenXR 嘅好處,除咗玩 VR 嘅流暢度好咗,仲用到唔少寫 OpenXR 用嘅應用軟體。本人用得比較多嘅,有以下呢三個:
OpenXR Toolkit -- 呢件嘢除咗可以幫玩家睇到 DCS 嘅 frame rate 表現資料,仲有內置時鐘,可以調較顯示顏色,仲有個 turbo 模,增加流暢度,亦可以調整可見畫面面積,令到較低性能嘅 PC 上都有好嘅 frame rate 等,唔止支援 DCS,MSFS、IL-2 同唔少 STEAM 上面啲車 game 都支援。
XRNeckSafer,用開 TrackIR 嘅好易做到「狼顧之相」-- 啫係拎轉頭 check six,VR 上面因為「像真度」嘅關係,要成個人扭盡晒先得,好傷條頸,有咗呢個,可以較到唔洗拎晒都望到後面,亦唔止前後左咗,上下望都可以較。注意只係支援 DCS 同 IL-2
最後一樣係 Quad View Foveated -- 呢個外掛只係可以有眼球追蹤支援嘅頭頭罩,好似 Quest Pro, Vijaro AREO 先用到,簡化嘅原理係,特登令到眼望緊嘅顯示一定範圍,個解像度正常甚至高少少,但係眼望到以外嘅顯示,解像度畀得佢一半甚至更低,由於電腦要高解像度嘅範圍細咗,所以整體表現會好咗好多,有人話好咗 10% 以至 25% 不等。但係呢個同 OpenXR Toolkit,同 DCS 入面有少部份影像效果會撞,本人又唔多用到 OpenXR 大部份嘅嘢,無乜所謂。