[音樂碟] Joyce To The World | 鄭欣宜 Joyce Cheng

[IDGAF]

Joyce To The World


https://www.kkbox.com/hk/tc/album/Wr...09H-index.html

01. @princejoyce
02. 先哭為敬
03. 罰你
04. 最難行的路
05. But I’m not Lonely
06. 有天我會好 (國）
07. 小夜燈
08. @princejoyce (Feat. ANSONBEAN)
09. 先哭為敬 (尾班車Version) (鄭欣宜 / Serrini)

https://youtu.be/q8ScDiaYuxM



欣宜相隔五年再出碟 屋頂影封套步步驚心：爬上去時覺得有啲搖（#欣宜 #Joyce #娛壹）

相隔五年，鄭欣宜（Joyce）的全新專輯《JOYCE TO THE WORLD》終於面世！她表示心情興奮又感動，第一時間到旺角唱片店買唱片「攞頭彩」！

聽欣宜講，之前為唱片封套拍攝照片時，要她爬上「兩層」高的道具屋頂，雖然望上去不是很高，但對她來說卻是步步驚心：「美術組起咗一幢樓，兩層樓咁高架，除咗我從窗口伸個人出嚟擺甫士，仲要我爬上屋頂影相，嘩，好驚呀！雖然好安全，但我爬上去嘅時候覺得有啲搖，原來我有少少畏高，工作人員話已經爬上去試咗好多次，確保安全，但佢好瘦，我唔係嘛，我仲要喺屋頂趴、瞓、側身躺等擺甫士，總之步步驚心。」其實這間道具屋只有2米高，畏高的她爬梯時感到緊張，尖叫嗌「好驚」，但當她看見相片效果漂亮時即大笑嗌「好靚」，非常搞笑。

今次唱片封面設計選用欣宜最喜愛的風格和顏色，神還原她的dream house，她說：「每個場景設計都好有心思，用咗好多色彩繽紛嘅布置，尤其是屋企門口，用咗我好鍾意嘅粉紅色，我好鍾意色彩繽紛設計。雖然其中一個場景我穿上黑色衫拍照，但加入後期設計就變成Pop Art風格，亦係我好鍾意嘅風格，我屋企都會掛Pop Art。」她表示唱片封面用上個人喜愛的風格，很有專屬感，特別開心。

欣宜加盟寰亞音樂後，令她感到安心、被寵愛，感觸眼濕濕，「眨吓眼5年無出碟，呢張唱片收錄晒我加入寰亞音樂大家庭後嘅作品，好期待同大家分享，好想話畀鍾意我嘅Fans知道，我繼續有做我好鍾意嘅嘢，我冇放棄，而且有好支持和好懂得欣賞我嘅公司和團隊，佢哋好有耐性咁發掘我唔同嘅可能性，有被寵愛嘅感覺。今日影咗好靚相，每各個場景設計都好靚，所有嘢都好完美，好感恩。」

這五年最大轉變是變得大膽，欣宜說：「呢5年我最大改變係大膽地嘗試，好開心遇到好多專業嘅合作單位，除咗音樂創作，仲有攝影師和設計師。以前我係緊張大師，乜都問，每一步每個環節我都要兼顧，好多嘢擔心。但呢間公司令我好放心，我今朝開開心心食個早餐，然後以最靚和最佳狀態到場便可。我好感恩，好多謝大家。（哽咽）點解咁大感觸？點解會咁嘅？我要投訴呀，影得我太靚，點揀？唔使執都咁有腰，離晒大譜！」