[美劇] 有無人睇Netflix?

[wing]

作者: 肉羊哩咖

The Witcher S2E01 變返正常時序咁去，Henry Cavil 完全入晒格，做 Ciri 嘅好咗，故仔仲未上主線。聖誕煲晒佢。

Ciri 靚左
不過聽講冇上季咁多福利.

[肉羊哩咖]

The Witcher S2E2: 補完咗好多世界設定同埋背景，雖則南方個帝國仲係講得唔多，其實上季交待多啲會好啲；各條線亦開始入正題。場大戰好精彩！

The Witcher S2E3: 充滿政治角力嘅一話，一邊係某角成長記，另一邊係某角開始新一章，但故仔都係接住上一話嘅餘波去發展下一回，一舖過有個好處，就係容到呢類填數嘅時間。

Ciri 福利部係無咗，仲有另一邊 Yena～

[肉羊哩咖]

T&B2: 出年 4月：

[肉羊哩咖]

The Witcher S2E4: 某大配角重新登場！而 Ciri 再度成為主線，仲有之前啲迷，可以引人去追。

Don't Look Up 上咗架。

[肉羊哩咖]

The Witcher S2E5&6 劇情推進快咗，各勢力做嘢做到埋牙；背後個因由亦明朗化，其實呢啲應該一早第一季交待咗。第六話頭有度幾傷感吓。

Brighton S2 出年三月廿五

[肉羊哩咖]

The Witcher S2E7&8：前者有都係舖排為主，去到話尾居然扭一扭，變咗同預期嘅唔同。結局嗰一話就好精彩，打+謀略+收納埋今季啲線，預告咗下季會點同埋解開咗部份嘅謎底，有個相當震撼；雖則有兩個勢力嘅幕後主腦尚未揭盅，但絕對係個好收尾。

總括比上季仲要好，唔單止劇本直線易明同緊湊咗，由怖景美指特技同演出都好好多。有唔少地方同套動畫版有關，睇咗好啲。因為上季好多嘢唔記得無溫返書，所以有部份人物開頭都唔知係邊個。期待下季！

[肉羊哩咖]

Don’t Look Up 係套諷刺劇。男女主角演出絕對出色，做總統同節目主持人嘅都好掂，尤其 Kate Blanchett 幾乎唔認得係佢。笑位夠，不過要睇觀眾識唔識笑，韙材好廣又左右開弓。問題在於太廣，拖得太長，有啲小節同角式似乎可以無咗都得，個結尾幾感人。 總結：中上。

[420secured]

作者: 肉羊哩咖

唔知放邊好，不過既然講 Cobra Kai，放住嚮度先。有好多舊 IP 被「現代化」嘅過程中，啲手法被受「爭議」 -- Star Wars, Terminator, Star Trek(?), Ghostbusters, He-Man(?) 等等。其中一套比較成功更新嘅，係 Cobra Kai，無論舊 fans ，定係好似本人噉，從來無睇過《龍威小子》系列嘅，都鍾意追，個 show runner Hayden Schlossberg 近日寫咗篇文，解釋佢點玩法，原文：
https://www.hollywoodreporter.com/tv...mn-1235002372/

試譯出啲重點：

• 對原作要尊重 -- 正如你應該尊敬父母一樣，記住今日有得再玩，正係因為有原作在前；更唔好當佢只係個 IP，因為後面有成萬上億嘅 fans 對個作品如珠如寶，製作同樣要珍而重之。
• 唔好怕大改 -- 尊重原作唔係話唔可以創新，無舊 fans 會想重睇多次同一樣嘅嘢。
• 要加入新角式 -- 唔只可以接觸到新一代觀眾，仲可以替套作品注入新活力。不過⋯⋯
• 唔好忘記班舊角同班舊 fans -- 點都要顧住班舊客先，記住因為有佢哋嘅支持，套原作先噉紅。
• 要好好利用懷舊元素 -- 好似《龍威小子》呢啲舊作班老 fans 睇到爛，唔少細節變咗佢哋嘅童/少年回憶，適當時侯加入原作嘅嘢，觀眾會有又大又好嘅情緒反應（ref: The Mando S2 個結局⋯⋯）
• 又唔好齋靠懷舊 -- 無新意凈得舊嘢，唔係路嚟，班舊 fans 都好快都會厭。
• 問：點解而家先嚟玩 -- 呢樣要成日問自己；以 Cobra Kai 為例，舊作洽人洽到變個人版嘅 Johnny 噉，欺凌呢個問題到今日都仲好值得探討。
• 又唔好鑽牛角尖 -- 專注啲咩時侯都啱嘅主題，加啲時代感嘅元素未嘗不可，目標係套新作到廿年後睇返，都唔會嫌老土過時。
• 個故仔要有長程規劃 -- 套嘢一個唔覺意掂咗，要預佢會添食，要玩長線，留返啲勁爆嘅嘢到後面，等觀眾期待下一季。
• 唔好諗住班觀眾會跟到最尾 -- 另一方面要快手整啲嘢留住班客，事關好易畀出面啲嘢搶走。
• 要成日接觸、支持同尊重班 fans -- 玩舊 IP 好易，因為有班現成嘅 fans，對待佢哋要肯聆聽，不時露少少好嘢出嚟製造期待同話題，鼓勵佢哋嘅熱情同創意，目的係變班 fans 成一個固定群體。（ref: Zack Synder）
• 絕對唔可以同 fans 拗頸！（得罪老細？！ 唔洗講噉多喇掛？）

希望啲友唔好再亂嚟～

呢篇野好適合比Matrix 4 導演 睇
由手機版發出

[420secured]

作者: 肉羊哩咖

Don’t Look Up 係套諷刺劇。男女主角演出絕對出色，做總統同節目主持人嘅都好掂，尤其 Kate Blanchett 幾乎唔認得係佢。笑位夠，不過要睇觀眾識唔識笑，韙材好廣又左右開弓。問題在於太廣，拖得太長，有啲小節同角式似乎可以無咗都得，個結尾幾感人。 總結：中上。

2個鐘內好好多
同埋如果好似我一開始get唔到係諷刺劇，就更加快悶
但明白個Message，件事通哂就好好多

入面講人性呢部份，由講Climate Change到Covid其實都通用

[肉羊哩咖]

作者: 420secured

入面講人性呢部份，由講Climate Change到Covid其實都通用

關於個主題，有個 Twitter 舖好應棍 — 啲戲入面，逢親爆大鑊，都就係由啲政府唔聽科學家嘅警告開始～
https://twitter.com/netflxdiaries/st...251292161?s=21

有人又鬧呢套嘢針對某前美國總統 — 當然佢話未睇，有細心留意嘅話，白宮嗰場有一秒影住個美國總統同克林頓攬住嘅合照（去到廿分卅秒左右），講完。當政府只掛住撈政治油水，黨同伐異，金權政治混淆不清，邊個都一樣，睇吓英國阿波記～～～

[肉羊哩咖]

Death to 2021 唔洗審就係舊年套「紀錄片」Death to 2020 嘅續集，今次無咗 SL Jackson，又無咗前事頭婆。繼續諷刺美國（同小部份英國）嘅政治社會事件；亦同樣地玩返啲「一般人」同「專家」講解分析；由於由年頭順序咁講嘅關係，有啲笑料會重複嘅問題，亦有啲嫌唔夠盡 -- 尤其睇咗 Don't Look Up 之後，好在有部份都幾抵死吓，繼續向左中右開弓無面畀。總結：笑完，又要面對現實。（追加：下年講第二樣，連續兩年都係咁好悶。）

追加：原來 Don't Look Up 製作名單之後仲有嘢～～～

[肉羊哩咖]

Cobra Kai S4S01 直接跟住上季，萬事起頭難，比較慢熱；「新角」登場亮麗，令人期待；而最尾咁解決問題，有啲驚喜。


S4E02 兩位大叔開始「互相了解」，另一邊有個新角加入，同一個一直無乜戲份嘅角式有互動，去到最後揭盅，呢條線都幾有趣。

[鐵之侍]

眼鏡蛇第4季以為會拖拖拉拉的多了很多無謂支線，怎知最後全是一個故事發展的伏筆，最後出乎意料的發展又讓人要期待快有第五季了

[420secured]

你地會唔會睇得太快 haha

[肉羊哩咖]

卅分鐘一話， 好快過，節奏又夠快。

S4E3&4 啲新仇舊恨係咁炒，心魔作祟始終最可怕。

[鐵之侍]

作者: 肉羊哩咖

卅分鐘一話， 好快過，節奏又夠快。

S4E3&4 啲新仇舊恨係咁炒，心魔作祟始終最可怕。

雖然有些人應會覺得劇中角色太「婆媽」，但事實上要真正放下仇恨和面子根本談何容易呢......

[肉羊哩咖]

Cobra Kai S4 完食，今季可能最拉拉扯扯，亦係最出人意表，呢季仲好睇過第一季。順手回上：呢度大部份角式基本上係善良嘅（亦可以話係有「弱點」），將啲年輕人年少氣盛，撈埋練武之人以拳交心(?!)，成個系列玩呢個套路，搞到無話邊個先係「反派」；季頭啲新登場人物好似返返去之前啲季咁，但好在下半季講到個突破出嚟，亦回應返季頭要講嘅嘢；最感人，亦可能最估得到嘅，係某配角下半季有個經歷，令人好鼓舞，而下半季有個新角好好玩，期待；另一個好嘢嘅係，Johnny 同某程度上 Danny，仲保持係故仔嘅重心。而有話走去諷刺 woke 文化，笑咗。


據報第5季已經拍好，等佢幾時上。

[肉羊哩咖]

Ultraman S2 新予告，呢次玩 Ironman？！似乎有好多新角噃，條予告幾好，令人期待：

[Heaven]

又一套喪屍韓劇 《All of Us are Dead 殭屍校園》1 月 28 日上線，Netflix 獨家

[Heaven]

Netflix raises its subscription prices in U.S., Canada
https://www.polygon.com/22884338/net...scription-2022
The Basic plan — whose monthly cost is rising by $1, from $8.99 to $9.99 — permits standard-definition (480p) streams to one device.
Netflix’s Standard plan adds one more screen and upgrades the resolution to 1080p HD, for $15.49 per month (an increase of $1.50 from the previous price of $13.99 a month).
Premium allows four total screens and offers 4K streaming, for a monthly subscription of $19.99 (a $2 increase from the previous price of $17.99).

香港個價對比都幾平, 唔知黎緊加唔加

[Heaven]

《賤兔入侵特別篇：火星任務》2月18日上架Netflix

[jason 仔]

套疆屍校園睇到第8集，真係睇到好火大，主角威能大到冇人信

諗埋晒啲屎橋，最後撞晒板都冇事，犯駁位超多.雖然會睇埋佢，但係真係好麻麻

[Rv250]

最後一集主角威能仲勁, 如果死唔去可能同班長一樣變超人
後來逃出體育館應該冇可能推得郁 (都係唔好咁認真
留咗條尾,拍落去會變幽靈刺客?
睇完想睇返high school of the dead


有電脳コイル, 唔知最近上定之前有
13 Hours又上返, 不過喺另一個平台最近睇咗兩次

[肉羊哩咖]

Adam Project 予告，係乜戲碼麻煩自行欣賞，無乜期待，不過應會睇

[肉羊哩咖]

大鑊！全部 Netflix 拍嘅 Marvel 片集，公怖去到今個月底全部冚旗，離開 Netflix!!! 係咪畀滴住嚟買返唔知；事關當年拆伙反枱話過，Netflix 咱家品會全部留低㗎嘛⋯⋯