[一波未平，一波又起，周圍開火？] 打殘哈馬斯，再打爆真主黨，下個目標係？

[flpchoho]

以軍稱打死真主黨後勤總部負責人　德黑蘭警告以色列勿攻擊伊朗

以色列軍方發表聲明，指前一日在對黎巴嫩首都貝魯特的空襲行動中，打死真主黨後勤總部負責人侯賽尼。

以軍說，侯賽尼是真主黨最高軍事機構聖戰委員會成員，後勤總部負責監督真主黨各部隊的後勤和預算，在伊朗和真主黨之間的武器轉讓中發揮關鍵作用，並負責在真主黨部隊中分配先進武器，監督武器運輸等。

以軍又宣布，昨日起在黎巴嫩西南部地區對真主黨進行有限度、局部和具針對性的地面行動。

另一方面，伊朗早前向以色列發動大規模導彈攻擊，以色列強調會反擊。伊朗外長阿拉格齊警告以色列不要攻擊伊朗，強調對伊朗基礎設施的任何攻擊，都會遭到報復。

伊朗軍方消息人士表示，武裝部隊至少有10種方案以應對以色列可能採取的行動，伊朗的反應不一定是對等，可能會更嚴厲。

https://news.rthk.hk/rthk/ch/compone...abChangeable=0

[肉羊哩咖]

煙花薈演固然好睇，但係場外呢一年以嚟都氾起一串串波瀾。

反猶太主義冒起得好快，尤其歐美；有好多人公開支持反猶太人，因為對複雜歷史無知，以為猶太人係「殖民者」「壓迫者」，就要反對，甚至叫出種族滅絕嘅口號，支持「聖戰」恐怖主義，其後都稍為收歛，但好少國家明刀明鎗好似法國立法禁止支持哈密瓜嘅示威；形勢令到好多猶大族群人心惶惶，甚至有啲國家，好似英國嘅猶太人學校加強保安；近日 X 上面見到有張圖，指以色列「控制」住美國，而美國進而「控制」世界，笑咗；呢啲陰謀論同「自古以嚟」嘅指控猶太人控制世界，同 MTG 嗰隻「猶太人激光衛星」無腦嘢，無乜分別，完全無進步，又妙在有人仲信仲係噉轉發～ 首先你啲人當「中東佬」啲「油圓」死嘅，連當年侵記仲做緊「世界最強」國家領䄂，見到沙地王室都要「畀禮」之後畀人恥笑（個禮好鬼核突，各位老細自行搵搵）。講有銀，今時今日無論世界定美國，猶太人有排都未到；而猶太人真係咁有影響力咁把炮，唔好話哈密瓜定大碌棍，單講佢哋個老細伊朗，呢個以消滅猶太人為立國 mission statement，又無核武，又得罪埋沙地嘅政權，仲可以畀佢牙斬斬咁耐嘅？！

另一個極端就係種族歧視同主義浮上枱面，唔話十月七之前唔存在，可以話呢年大規模爆發，唔係話係呢班友係對支持巴勒斯坦人示威嘅反彈，亦唔見得支持猶太人，好多係對其他種族「大規模」「入侵」不滿，認為呢啲「外來人」破壞該國嘅「傳統價值」，姑勿論有無咁嘅事，但呢啲團體都以暴力表達訴求，英國今年七月嘅一連串反移民嘅示威暴亂，就係一例。

而嚮比較「和平」嘅政壇，歐洲多國呢兩年，除咗英國，轉向保守主義（同美國嗰隻右派又有啲唔同），傾向收緊合法同非法移民，對歐洲一體化合作抱懷疑態度，不過，由於呢十零廿年，歐洲各國嘅穆斯林族群亦開始有所增長，亦助長一啲親巴勒斯坦人嘅民粹政客冒起，今年英國大選，除咗綠黨擺明偏幫巴勒斯坦人作為政崗之外，亦有唔少獨立嘅政客，用討好穆斯林教徒嘅口號當選，工黨雖然整體上大勝，但黨內有好多當時係影子閣員被呢類政客扯落馬，而被迫換人，以至有論以為係工黨在野時公開支持以色列累事。

[肉羊哩咖]

作者: flpchoho

以軍稱打死真主黨後勤總部負責人　德黑蘭警告以色列勿攻擊伊

大碌棍真係「鬼影幢幢」，相信莫薩德唔係單靠科技偵察發現敵人行蹤，應該都要靠人，係有內鬼，但唔洗旨意呢廿零卅年之內會爆佢哋點做到嘅～

有論者指，美帝同伊朗最驚唔係怕內塌會「癲」到炸鬼伊朗嘅核設施，或者直接斬首 -- 老老實實，呢排斬大碌棍，其中一個效果係對伊朗作出恐嚇，嗱，你啲頭馬咁隱密我哋都有能力搞到，咁睇路行喇吓。咁有老細會問，送咗伊朗條友上路唔係一勞永逸咩？咁就重複咗小布殊嚮伊拉克犯嘅根本錯誤，監粗扯個政權落嚟，保證唔到之後嘅政局可以跟你嘅心意走。西諺：The Devil you know is better than the Devil you don't。魔鬼係衰，但你知佢條路點跟嘅，都可以就住玩，換咗另一條魔鬼，三唔識七，無人知會唔會仲大鑊，變數太多，記住一變，就好多時唔止變一樣嘢，個風險太大。

OKOK，講返「正題」，兩邊都好可能怕以色列係炸伊朗生產同提煉石油設施。係就係伊朗最大個主顧基本上只剩返強國（開始時 NEOHK 班友居然連歐美老早罷買伊朗油都唔知，笑到碌地），但係油市從來都係政治市，政局有乜依郁，可以唔理現實供求提價，唔講遠，小布殊當年打老侯賽因（又係佢）咪領教過，市場「預期」石油供應因為戰爭而波動，因而個價係咁升咗好一排～ 所以當內塌話一定會還拖之後，原本慢慢回落啲石油期貨即刻升咗 5 巴仙。而伊朗都知會有事，有指佢下面嘅巨型油輪都離開港口。更令人担心，係伊朗會唔會發爛渣，封鎖石油運輸航道，佢下面件胡賽已經嚮紅海搞搞震，而伊朗亦控制住賀爾穆之海峽，係波斯灣出口印度洋嘅主要海域，同樣地狹窄，八十年代兩伊戰爭期間，伊朗亦曾經玩嘢，一嚟令到美國要用軍艦同油輪護航，仲一度打擊伊朗用嚟干擾攻擊油輪嘅小艇群。

[flpchoho]

作者: 肉羊哩咖

大碌棍真係「鬼影幢幢」，相信莫薩德唔係單靠科技偵察發現敵人行蹤，應該都要靠人，係有內鬼，但唔洗旨意呢廿零卅年之內會爆佢哋點做到嘅～

有論者指，美帝同伊朗最驚唔係怕內塌會「癲」到炸鬼伊朗嘅核設施，或者直接斬首 -- 老老實實，呢排斬大碌棍，其中一個效果係對伊朗作出恐嚇，嗱，你啲頭馬咁隱密我哋都有能力搞到，咁睇路行喇吓。咁有老細會問，送咗伊朗條友上路唔係一勞永逸咩？咁就重複咗小布殊嚮伊拉克犯嘅根本錯誤，監粗扯個政權落嚟，保證唔到之後嘅政局可以跟你嘅心意走。西諺：The Devil you know is better than the Devil you don't。魔鬼係衰，但你知佢條路點跟嘅，都可以就住玩，換咗另一條魔鬼，三唔識七，無人知會唔會仲大鑊，變數太多，記住一變，就好多時唔止變一樣嘢，個風險太大。

OKOK，講返「正題」，兩邊都好可能怕以色列係炸伊朗生產同提煉石油設施。係就係伊朗最大個主顧基本上只剩返強國（開始時 NEOHK 班友居然連歐美老早罷買伊朗油都唔知，笑到碌地），但係油市從來都係政治市，政局有乜依郁，可以唔理現實供求提價，唔講遠，小布殊當年打老侯賽因（又係佢）咪領教過，市場「預期」石油供應因為戰爭而波動，因而個價係咁升咗好一排～ 所以當內塌話一定會還拖之後，原本慢慢回落啲石油期貨即刻升咗 5 巴仙。而伊朗都知會有事，有指佢下面嘅巨型油輪都離開港口。更令人担心，係伊朗會唔會發爛渣，封鎖石油運輸航道，佢下面件胡賽已經嚮紅海搞搞震，而伊朗亦控制住賀爾穆之海峽，係波斯灣出口印度洋嘅主要海域，同樣地狹窄，八十年代兩伊戰爭期間，伊朗亦曾經玩嘢，一嚟令到美國要用軍艦同油輪護航，仲一度打擊伊朗用嚟干擾攻擊油輪嘅小艇群。

真主黨就咁睇都應該比對家參透得幾嚴重下，邊個伸個頭出來就直接「人生退場」
今鋪就睇大胡班人可唔可以搶到主導權，炸左先算
但睡老人個邊又唔會唔出聲，大選最後直路衝刺，如果大胡整鑊大單野，搞到油價急升，即係直接送賀嬸「返老家」

----------------------------------------------------------------

古特雷斯警告以色列針對近東救濟工程處新法案將會是一場災難


聯合國秘書長古特雷斯表示，已去信以色列總理內塔尼亞胡，對涉及近東救濟工程處的立法草案表示深切關注。

古特雷斯警告，以色列的新法案將阻礙緩解加沙和整個巴勒斯坦被佔領土的人道苦難和緊張局勢的努力，將會是本已無法緩解的災難上的又一場災難。他說，近東救濟工程處是加沙人道救援中不可或缺的一部分，以色列的新法案可能會對加沙人道救援工作造成沉重打擊，並與《聯合國憲章》背道而馳，直接違反以色列根據國際法應遵循的義務。

以色列議會據報將在周末審議兩項法案，其中一項旨在禁止近東救濟工程處在以色列境內開展任何活動或提供服務，另一項旨在終止自1967年以來允許近東救濟工程處運作的法律協議。

https://news.rthk.hk/rthk/ch/compone...abChangeable=0

而家人地都無視你
你真係想做到野，你搵睡老人同賀嬸啦

[flpchoho]

以總理稱納斯魯拉繼任人被打死　真主黨稱願討論停火

黎巴嫩傳媒報道，以色列軍方星期二晚再空襲黎巴嫩首都貝魯特南部市郊，造成大規模破壞，四座相鄰的住宅大樓倒塌。以軍當天亦繼續在黎巴嫩南部的地面行動，並增派一支後備役部隊到當地，顯示以軍正擴大地面行動。

以色列總理內塔尼亞胡表示，以色列已打死真主黨領導人納斯魯拉的繼任人。以色列傳媒認為，這名繼任人可能是失聯的薩菲丁。國防部長加蘭特亦表示，薩菲丁很可能已被消滅，認為真主黨已成為沒有領袖的組織。

真主黨副總書記卡西姆就說，真主黨已克服痛苦的打擊。不過，他亦表示，支持黎巴嫩國民議會議長貝里推動停火的努力，但如果以色列選擇繼續戰事，就讓戰場作出決定。

[Dyhalt Rushifar]

作者: flpchoho

而家人地都無視你
你真係想做到野，你搵睡老人同賀嬸啦

搵佢地都冇用，唔係撞正選戰前，佢地的確仲有可以作全面撤出中東既威脅。
依家佢地唯一可以做既就係KEEP住，無論加碼定走人都一定敗選…

[肉羊哩咖]

作者: flpchoho

真主黨就咁睇都應該比對家參透得幾嚴重下，邊個伸個頭出來就直接「人生退場」
今鋪就睇大胡班人可唔可以搶到主導權，炸左先算

有人曾經指出呢個困局同兩難 -- 以色列一直以嚟有呢種「無敵」勢態，順起手上嚟嘅，佢係無乜理由停手唔打。當然唔包伊朗唔會發神經玩「攬炒」，事實上佢做到咁嘅方法好有限。美帝可能係唯一能夠制住以色列嘅國家，不過能夠做到嘅同樣有限，啲時間上選舉臨近，美國嘅特式係外交好少可會左右選情，賀嬸只要唔得太得失班支持巴勒斯坦人嘅友，應該無乜問題；另一個係以色列呢舖真係好硬頸，一心要斬草除根，天王老子都無面畀，更加唔好話美帝啲壓力，美國啲外家遊說一直無停過。

話時話，伊朗個精神領袖可能入咗真「時間精神房間」-- 啫係鬼隠咗，出咗一輪火之後可能無晒貨，佢啲納稅人見啲血汗錢，係咁射晒「落海」，唔知會點諗。

作者: flpchoho

真主黨稱願討論停火

真主黨副總書記卡西姆就說，真主黨已克服痛苦的打擊。不過，他亦表示，支持黎巴嫩國民議會議長貝里推動停火的努力，但如果以色列選擇繼續戰事，就讓戰場作出決定。

歌都有得你唱：首先死嘅係佢，然後到你～～～ （識邊個唱嘅唔好揼本人）

兩個禮拜前啲豪情壯語去咗邊吖？唔係好巴之閉嘅咩？如上面本人所示：而家先知死未免太遲。

補充多少少油價：而家英國布蘭特期油做緊 US$74.06，比一個月前 US$70.00 係高咗少少，但相對於一年前高位過 US$90，仲有一段距離；而 2003 年，小布殊攻打伊拉克去到幾多？過佰！仲要企穩呢個價樓上好一段時間。