黃易系列小說討論區

[shooter]

作者: 若天

盛唐三部曲唔少人唔鍾意，但我個人就覺得唔錯

至於爛尾的話，真係睇你接唔接受到注定沒有結局的故事

如果結局連個 雛形 都沒有的話，我是接受唔到的。

OT
想當年，第一次接觸黃易的書是 大唐 第四冊(細細本$38果隻)，果時上緊公司 MS office training，坐旁邊個果就追緊，如果唔係 training 太悶，都未必會上船，跟住就睇番之前既 玄幻 作品，咁就一發不可收拾，差唔多儲齊晒。應該去到 講 黃天已死神功 個果故事，覺得好唔掂，開始覺得黃太師 顛峰期 已過，夢雲都只是中庸。

睇過幾本盛唐第一部 龍鷹 ，覺得冇乜新意，老套路，就冇追，轉睇網上修仙小說。

黃大師既代表作絕對係大唐，尋秦。大劍師，星際就太濃味。

[axe1292]

作者: shooter

如果結局連個 雛形 都沒有的話，我是接受唔到的。

OT
想當年，第一次接觸黃易的書是 大唐 第四冊(細細本$38果隻)，果時上緊公司 MS office training，坐旁邊個果就追緊，如果唔係 training 太悶，都未必會上船，跟住就睇番之前既 玄幻 作品，咁就一發不可收拾，差唔多儲齊晒。應該去到 講 黃天已死神功 個果故事，覺得好唔掂，開始覺得黃太師 顛峰期 已過，夢雲都只是中庸。

睇過幾本盛唐第一部 龍鷹 ，覺得冇乜新意，老套路，就冇追，轉睇網上修仙小說。

黃大師既代表作絕對係大唐，尋秦。大劍師，星際就太濃味。

仲有覆雨呢?
三主角個故事寫法好正 (浪翻雲反而唔太主角, 因為一早已上神檯)
係有甜味但唔係為甜而甜,
反而去到大唐去左D甜味之後少左黃生個人特色

[shooter]

覆雨，故事係好，但寫法有D混亂。大唐既寫法就成熟左好多。

[若天]

我個人就覺得大唐一般般



盛唐龍鷹雖然是主角，但我覺得黃易想寫既係道心種魔大法，魔種先係真正既主角
人物而言，台勒虛雲同二部登場既符太都比龍鷹寫得好

[gingq7]

昨晚總算的起心肝看完最後半本
我當年中一因為同學介紹, 第一本看的就是月魔, 之後多年間陸續看完每一本

每一本我都覺得好看, 已經再分不清邊本比較好

盛唐結尾大約可以依靠史實推斷, 但可惜永遠都不能知道龍鷹的前世是誰

RIP 黃易大師

[kingtin1]

好耐都無上過嚟依度，估唔到依個Topic開左13年後，大師就仙遊。

[kingtin1]

又一年，今日先知原來天地圖書今年出番凌渡宇系列，立即入手一套珍藏。

[kingtin1]

唔知仲有無人睇，原來最出名果幾套書，喺幾個大電子書平台上番架。