[美劇] Disney+ 消息討論區（請守劇透手則）— 將軍第九話

[肉羊哩咖]

有透討論

1. 好多人（包括本人）都估佢會講佢同前帝國軍嘅手尾，點知一嘢跳咗去個唔知邊嘅星球。
2. 動作好精彩，啲豬人繼續咁論盡。
3. 以為返返去 Tantooine 會好悶，點知講 Dean Jarin 一啲啲過去，原來佢同啲沙人真係好熟，不過啲過程就無交待到。
4. 其實睇字幕都知咩事，亮點Mando 見偽 Boba Fett 除頭盔個「反應」好正。
5. 做 Cobb Vanth 個演員，Timothy Olyphant 原來做好多西部電視片，唔怪得咁入格。
6. 細路有事呢「痰鑵」，笑咗。
7. 今話都講好多沙人嘅嘢。
8. 重點係最後嗰場打波士戰，有玩過 KOTOR 1 嘅，都知呢度佢抄條橋，會唔會嗰下落晒全部炸藥就會掂？
9. 第一次睇唔覺，但原來 Mando 整走 Cobb Vanth 嗰下係同 Solo 撞走 Boba Fett 嗰下係一樣。
10. 條龍好惡，連 Sarlak 都吞得落，仲識噴酸咁屈機，呢樣遊戲入面無，又夠醒四圍走偷襲。
11. 一齊用 backpack 飛嗰下真係叫好！
12. 啲沙人掘到粒珠，可以話係無價，遊戲入面可以拎嚟做光劍粒石。
13. OK，最後嗰位係真 Boba Fett？定係一個複製人？本人估多數係 Boba，套裝備似佢一直扮沙人監視。
14. 另一個預感，Cobb Vanth 會在出場不過多數領當。

[Eking]

曼達洛人S2 落重本? CG 好過S1咁多.....

[肉羊哩咖]

LEGO Star Wars Holiday Special 預告：


玩多次元？時間旅行？

另：聽日阿細路又出場啦～

[肉羊哩咖]

The Mandalorian S2E02 The Passenger

麻麻，比上季 The Gunslinger 嗰一話仲差。成大半部都無乜嘢發生，作用只係帶出下一話係點（睇咗就明），好有攝時間感。不過亮點有兩三個：

1. 細路戲份多咗好多，開始識講嘢（？！），仲好鬼曳
2. 後半好有異形續集陣味，呢套劇真係佢想玩乜都得
3. Dave Finoni 又玩 cos

[C.Ryo]

Mando E10
就是繼續show今季budget多咗CG更多?
B仔愛蛋蛋

[肉羊哩咖]

Boba Fett 獨立外傳開拍在即？
https://deadline.com/2020/11/the-man...er-1234609860/

唔知開心定唔開心好～

[王小虎]

睇佢係咁食蛋，會唔會係為咗整個Darth Yoda舖路？

[肉羊哩咖]

留意返上季細路有兩次食嘢（正確啲嚟講係吞嘢）嘅紀錄，呢次唔出奇，不過今舖真係闖禍。

[王小虎]

真係要講句Frog Lives Matter。

[肉羊哩咖]

原來今話由 Ant Man 個導演執導，唔怪得有隻咁嘢啦～

有透

好有上季 Chapter 2 咁，接上一話，跟住帶出下一話。

都有唔少彩蛋，飛入個冰川好似飛入死星個坑咁；啲蜘蛛蛋唔在講；原來 Chapter 6 嘅嘢都連到呢一話。 Mando 係唔係都噏 May the Force be With You，佢都唔知 The Force 係乜～ 而蛙女識跳好突然，但係都合理。

下一話嘅開頭預定都係預告開頭咁，最後都挨到去個月球，而個月球係個全新星球，都好。亦照預告咁睇，蛙女個老公會出現，跟住遇到謎の女角。

[Eking]

....

"May the Force be With You" 就好似"亞門"差唔多, 好多人知, 但係你唔係信教所以你唔會成日講, 但係對住D信徒講兩句又冇所謂

[肉羊哩咖]

WanderVision 延期到 1月15號。

[肉羊哩咖]

一開個標題，又怕且會好多人知咩事～

一如所料，劇情開頭係咁發展。細路繼續搞笑，仲出現 "facehugger"! 唔知點解，隔住個樽望，細路邪惡得嚟好鬼死萌～ 拍埋上一話一齊睇，隻 Razor Quest 好有 Firefly 陣味。

今話除咗某個（兩個？）The Clones Wars 名人物登場，解釋咗上季留低某個謎之外，下半就預告咗另一個都傳咗好耐嘅角式會出場，不過又唔知幾時，同埋季尾結局會點走，都有啲錨頭。

同前兩話一樣，由 Jon Favreau 編劇，Ron Howard 個女 Bruce Dallas Howard 執導。

總評 8 > 9 > 7 > 3 > 11 > 6 > 4 > 5 > 1 > 2 > 10

[C.Ryo]

Mando E11
B仔見到蛙B誕生之後同蛙B玩得咁friend, 之後係咪會轉口味食八爪魚呢
貓頭鷹正式出場，那位也一閃了，今季正式去接clone wars故事了
Mando被呃錢只係最低限修理咗Razor Crest, 下集又要番Tatoonie?

[肉羊哩咖]

佢返去 Dune 星，有可能整得好啲，咪又畀個阿嬸搵笨～ 正路就直去完成個「任務」先嘅。不過預佢無咁直線囉。

[C.Ryo]

作者: 肉羊哩咖

佢返去 Dune 星，有可能整得好啲，咪又畀個阿嬸搵笨～ 正路就直去完成個「任務」先嘅。不過預佢無咁直線囉。

咁話說呢個運蛋quest係大嬸比Mando嘅，完成咗是咪要番去揾大嬸討報酬

[肉羊哩咖]

阿嬸個「邏輯」是咁嘅：

大嬸知蛙太個老公見過啲 Mando，咁蛙太要隻艇載去會老公，只要 Din Djarin 肯運佢走一轉，咁佢老公唔收情報費 — 不過大嬸都係要收「中介費」～～～ 亦無提過大嬸背後有冇收蛙太錢（多數有！）死未？ Din 轉頭又收返大嬸錢，睇怕都好難囉。

[肉羊哩咖]

Chapter 11 有透⋯⋯

基本上係上一話嘅下半，有人話衝落大氣層好似電影 Apollo 13 咁（呢套係導演個老豆執導嘅），但「臨尾香」嗰下係好正。而吊返隻船嗰隻好似係 AT-AT 改裝咁。

漁船嗰度再一次証明 Din 唔係OP。亮點係 Bo Katan 呢個嚮動畫出場嘅角式，造形都幾似（如果你見到有人投訴做乜女性裝甲有「曲線」嘅，你當佢傻唔洗理佢），佢女副手係另一個摔角明星，好多人估佢做 Sarbin Ren，一個 Rebels 動畫入面主角，點知又唔中。

另一個重點係解返其他曼度星人成日見樣，而呢個唔係，當 Din 知道自己係「邪教」出身，當然好唔老嚟，啲身體語言都仲係咁正。

搶帝國軍隻運輸艦好精彩，而做艦長嗰位，有份做 Lost、AoS、Bosch 等電視劇。不期然諗係咪 Moff Gideon 啲手下個個都好似佢咁 cool 咁木？做貨倉位軍官同上一話個機師，一樣係做電視喜劇嘅諧星。呢套嘢好多路人都係諧星，上季好多 SNL 嘅友，今季似乎變咗加國出身嘅。

最後阿細路終於「鍾意」咗蛙族？佢轉口味食海鮮？用複眼睇細路嗰下勁萌。不過個個好似好鍾意食觸手 sushimi 咁噃～ 而咁多話都強調你食唔到人，好易畀人食返轉頭～

成部劇而家變成一個啲末裔戰爭，曼度星人也好，Din 佢個「邪教」也好，細路族人也好，Jedi 也好，連帝國軍都係「殘餘份子」。

最後掟個名出嚟都夠爆～ 而 Mon Carami 最叻整船，乜 Din 咁唔好彩撞正咁嘅友嘅？！

唔係咁好有兩個，Din 個角式今話幾配角吓，畀 Bo Katan 搶晒，唔怪得有人傳 Pascal 好唔老嚟。另一個係蛙太好似突然間識聽 Din 講嘢，上一回佢兩個都見到咩事識走就話啫，今話個情況好唔同噃。

下回予告

睇 IMDB 話下回會返上一季兩位戰友，怕且都係預告入面劫獄嗰啲，由做佢以前個老細初執導。

之後點

黑劍奪還作戰應該走唔甩，之後會唔會打埋曼度星就另一回事 -- 可能變外傳系列掛。見到 Asoka 又會開另一啲可能。Boba Fett 條線開咗留咗啲尾，今季怕且唔會完到。有指第六話由 Dave Flinoi 執導，但 Ahsoka 未必嗰一話登場云云。

[肉羊哩咖]

講返上一季尾咁場勁型嘅戰鬥場面。下面條片有講返，扮打鐵嗰個完全由特技人代上。咁短嘅都拍咗成日。事關嗰場個導演係 Dave Fioni 而唔係牌面嘅 Waititi。佢花咗好多時間，用唔同嘅拍攝角度去拍同一幕。佢熟書之餘，佢導真人版動作都開始上手，令人期待。

內有微透，慎入。

[肉羊哩咖]

Lego Star Wars Holiday Special 隔上一套 Holiday Special 成4 廿年以上？！呢部主要玩大量名場面，（仲）主要係頭 6部，無乜嘢之前未玩過。亮點要數嘅係 Finn 真係 force sensitive，而佢女友（？）出場時間比 RotS 多出十倍以上～ 一個唔覺意以為睇緊 Dr Strange。笑位幾多不過對象唔係成年人，總結：中下。

[肉羊哩咖]

仙女教母 x 現實世界 ＝ Enchanted 聖誕版？好似無乜歌，條預告都唔好笑，就爭啲～ 12月 4號上

[肉羊哩咖]

The Mandalorian Chapter 13 今話好一般，除咗後面解咗部份上季嘅謎之外，故仔唔多刺激。不過細路今季第一次「出手」，再加多幾錢萌，救返成話。可以咁講，之前予告啲嘢都出晒，下半季唔知係點，不過咁收法，可能更緊湊更精彩。

總計：8 > 9 > 7 > 3 > 11 > 6 > 4 > 5 > 1 > 13 > 2 > 10

[C.Ryo]

Mando E12
結果揾番舊相好，又賣弄下原祖情懷咁玩基地同CG車呀呔呀咁
乜原來阿B仔五十幾歲都未聽得明人話

[肉羊哩咖]

呢一話係由做 Din Djarin 前老細執導，原來佢七廿二歲，仲有今次係第一次揸導演筒，好似 Sameul L Jackson，史太龍同前加州州長咁，個樣完全唔似；唔知本咁上下老嗰陣有冇咁嘅精神～

有透⋯⋯

1. 開始嗰度有人話好似 Rocket and Groot，不過你叫個阿B 幫你整電器，預咗 -- 賣萌～
2. 另一邊 Cara Dune 畀佢露兩手，嗰度好似係之前打鐵嗰度，睇嚟打鐵婆走咗佬，估佢都有機會再登場。
3. 藍色星人 Chapter 1 頭出過場，成話畀人洽，冷凍後遺症嗰下跟返 RotJ。佢去破壞個冷卻裝置吐糟嗰度好正。帝國一向唔多理啲工場安全～
4. 裝甲車畀 TIE 追嗰度好正。
5. 部 Razor Crest 有無咁快整得返好？好在玩 Star Wars Squadron 嗰陣 TIE 啲瞄準器無咁渣。
6. 下半最緊要，缸入面嘅係咪 Snoke 好多人話係，本人話一半半，事關最後又有展開， 見 Gideon 一齊嗰啲好似唔係 Death Trooper，有人話係 Dark Trooper Phase 0，又有人話係 Sith Trooper，可能啲血係畀佢哋用，有人話係 Gideon 自己想要。以傳統奸人嘅角度去諗，應該係自用嘅多。
7. M Count？！佢連 midichlorians 都唔敢開名？！ 不過心諗可能只係女性生理名詞嚟～（逃）

[肉羊哩咖]

--- delete ---