[美劇] Disney+ 消息討論區（請守劇透手則）— What…if? S3 予告

[wing]

作者: C.Ryo

WHAT if 二季比較玩variety（某已下架膠層之原罪）， 又玩多個原創原居民，係冇第一季咁有連貫性，不過已經有說玩到S3就玩完，出咪睇埋佢

聖誕節玩die hard本來應該好好睇，但睇睇下又係覺得悶。

[肉羊哩咖]

當連「大好友」John Campea 都大字標題話 Echo 係個失望嘅時候，都可以疊埋心水，慳返留錢去睇 Masters of the Air 同買 Succession 咯。

[武藤遊戲]

#マーベルアニメーション が贈る
『X-Men '97』最新予告が解禁⚡️

／
X-Menが帰ってくる‼️
＼

3月20日(水) #ディズニープラス で
独占配信スタート#XMen97 pic.twitter.com/yFxoI1hMiN

— マーベル・スタジオ［公式］ (@MarvelStudios_J) February 16, 2024

重播?

[肉羊哩咖]

SW:The Bad Batch 最終季度頭三話出咗，好頭好尾點都追埋，都係等佢出齊先一次過煲，慳錢吖嘛～

[真!DC]

https://twitter.com/macrossD/status/...zInZDjdVg&s=19
Macross全作品上架
（初代日本限定）
由手機版發出

[肉羊哩咖]

一嚟係好評如潮，二嚟係有特價三個月，為咗呢套 Shōgun 「豪」畀佢。

據一本以真人真事改編嘅七十年代出版小說，第二度再改篇上小銀幕。第一次八十年代做過一次，今次又再拍一次。但係好唔同。

首先，攝影燈光衣飾同設計一流！但係講出嚟會好失望，成套劇都唔係日本「實景」拍攝，而係嚮加拿大哥倫比亞省 British Columbia ⋯⋯

故仔發生嚮 1600 年，男主角去到日本，轉折地遇上德川家康，正值德川正準備同其餘四位攝政嘅大老攤牌，德川發現呢位紅鬚綠眼可能有啲用～

舖呢個時候出咗四話，系列共十話。頭兩話根本係德川家康做主角 -- 套劇全部人物都改晒名，不過好多重要人物個真身都呼之欲出，所以呢度儘量用歷史上人名。

演員之中，真田 広之做德川家康絕對壓場，佢有份做埋監製，雖然製作群絕大部份係西人，但係啲設定考究極度認真，唔係本人講，好多日本人睇咗都讚。（第二）男主角呢位英國佬，絕對無一般去到異世界嘅主角咁，佢起初都好有立場，好有求生意志，有能力又有少少聰明，唔適應個文化衝擊，但慢慢佢個角色都嚮度轉變；負責同佢「溝通」兩位女角都好，可以話係女主角嘅 アンナ・サワイ 扮得幾似日本傳統女性，但係要剛強都唔輸蝕，反而角式好可憐，更靜更傳統好似更被動日本女性嘅保紫萌香，要「硬起嚟」絕對令人刮目相看。話就咁話，暫時唔係《碧眼待》呢啲「過晒界」嘅「左膠」作品，放心。

作為大配角嘅浅野 忠信，經常被夾嚮各位大老中間，又想撈啲油水嘅小人角式，有少少搞笑，但係要認真起嚟又令人關心佢個安危。噢，呢啲「男人戲」當然唔少得「睇肉」場口，呢度こうり ゆうか （打漢字呢度唔受，咳鬼咗下半）有大胆演出。

動作場口暫時唔多，有嘅唔止好突然，又好精彩，無一般日劇同荷里活嘅梗，仲要茄汁大平賣。

攝影又係唔似一般嘅日劇，色調比較暗，襯出個氣氛，但光嘅時候反差好大，電影感爆棚。

而故仔，第三話下半個英國人先開始担正，可以話係觀眾視點角式；另，唔好話唔熟嗰個時代嘅歷史，唔太熟日本古文化嘅，會睇得幾唔明，而編劇似乎無心長篇大論去解說，多數以側寫同零碎嘅對白解畫。 要留意嘅係，套劇係以日語為主，英語為輔，但係當年因為葡萄牙早就嚮日本霸咗地盤，人物講嘅多數係葡語，呢度係以英語當做葡語交談。

唔學啲人話呢套又係日版嘅 XXX，但極度推薦！第三話鬥智鬥力刺激，四話真係名乎其實嘅引爆，睇喇！！！

[wing]

作者: 真!DC

https://twitter.com/macrossD/status/...zInZDjdVg&s=19
Macross全作品上架
（初代日本限定）
由手機版發出

最想睇只得初代TV同電影。

[肉羊哩咖]

希望佢執返當年跳格嘅問題～ 最想睇 Plus 同 7

[肉羊哩咖]

「鬚根」第五 話，接上一話爆大鑊之後，今話反而係靜，交待埋各主角嘅關係，尤其對酒嗰場真係好精彩，文化差異同人性衝突，睇得好肉緊下！最後尾居然可以基本上集埋啲劇情線，一樣係突如其來嘅災難，另一個係位出場唔多嘅小角色間接起咗關鍵作用⋯⋯劇末某角終於現身，希望佢有支起步鎗嘅作用。唔係唔好睇，當係暴風雨前奏。

下半五話唔該記得去開拖喇。

[肉羊哩咖]

「鬚根」第七話，一柱香嘅時間，似乎想堆砌季尾高潮，但係得返三話～ 再一次證明呢套劇無人係安全嘅，仲要死得咁肉酸～真係～

講明「無第二季」，個劇情咁慢，成本書又咁長，再者，連一場似樣啲嘅大戰都欠奉，有啲失望。

[肉羊哩咖]

鬚根第8話，個風仲未打得成，但啲氣壓迫人：女主角同老公攤牌，苦；某個便當，令人嘆息；最後，拍晒枱條 X 弟仲奸過曹操！

下一話女主角個命運應該已定。

[肉羊哩咖]

鬚根第九話

編劇你好嘢！！！

唔只係話啲女人戲，動作場面，啲含蓄 passive agressive，同埋啲扭橋好嘢，係成話由頭積落尾，真係推到啲氣氛緊湊到爆，雖然都預咗呢件事會發生，最後個過程都出乎意料～

記住，如果有個識同唔識嘅，突然間請你飲嘢食支煙嘅話，要小心小心。

[肉羊哩咖]

鬚根最終回：成粒鐘咁長，基本上係繼續係上回嘅餘波，同每個主要角式旅程嘅終點，繼續慢慢嚟，用大量對白講角式心態，而場關原大戰？諗都唔洗諗，係冇 -- 係咪有咁理想可以兵不血刄？本人就無咁天真～

[肉羊哩咖]

有報導指《將軍》中演虎永（咳）德川家康嘅真田廣之，已經簽咗約拍多季。但係本書已經拍晒，歷史上德川同條英國佬仲有故仔，但係無書跟，雖則後尾跟唔足，令人有啲担心。

The Bear S3 有條引人予告，但無嘢睇，等有正式予告先算，據報第三四季同時開拍，似乎想第四季好頭好尾。

[肉羊哩咖]

《將軍》原來唔止，真田潺話會有埋第三季，無書跟，審慎樂觀。

套戲唔跟足原著，但同四廿年前個版本比，啲人話後者由主角視點出發，日本人講嘢無字幕，同觀眾聽得一樣會一頭霧水；呢度條英國友只係觀眾代入嘅角式，真正嘅主角係德川家康，睇佢點運籌帷幄，點「玩」男主角；將日本呢個「異世界」同觀眾連接嘅，係女主角呢個虛構版嘅細川伽羅奢，明智光秀個女，作為熟悉日語同葡語嘅翻譯，當中啲日語對白完會有字幕，觀眾完全知道發生緊咩事。

故仔係人物為主，想睇大戰場面，好似本人咁，必定會好失望，但係戰鬥動作場面係都好睇；一方面正如之前講睇德川，女主角點利用翻譯，「好女兩頭瞞」，再加上條英國佬同女主角嘅曖昧關係，戲味好濃郁。得十話唔算短，好在用嚟攝時間嘅場口唔多。

再加上製作團隊好注重歷史真實感，場景同設定以至生活細節都相當跟足當其時嘅日本，（有人話點解戲入面無黑人你當佢傻得㗎喇）。所以話係近年最好睇嘅劇集，可以話係當之無愧。

------------

令人睇到神經衰弱，血壓急升嘅 The Bear，第三季有預告：

睇個款繼續會係「燥底厨房」

[肉羊哩咖]

The Bear S3 共十話，一次過上齊晒，不過仲未有心情續訂，暫時未開住。

另一邊廂，套星戰 The Acolyte 上咗頭五話，相當精彩 -- 講嘅唔係套戲而係睇踩佢啲評論，除咗一貫鬧開嗰班睇呢套唔順眼，連好多一向出咗名捧滴住嚟嘅都頂唔住；而 Lucasfilm 繼續佢嘅拿手好戲，指摘嘈嗰班一定係反同、性別歧視、身裁不正確⋯⋯（下刪數萬字），而右派又乘機抽水，不亦樂乎。

無謂浪費有限生命～

[肉羊哩咖]

上季都幾好，點知今次玩得更大


七月十五噢～

[亍 ◣]

呢套竟然無停機???
邊個想睇???????

[亍 ◣]

竟然未cut???

‘Ironheart’ cast and Ryan Coogler in the building at #D23 pic.twitter.com/rersm6bMxc

— Deadline Hollywood (@DEADLINE) August 10, 2024

[亍 ◣]

感覺應該可以無視...玩細路,,,,

The first trailer for ‘STAR WARS: SKELETON CREW’ has been released.

Premiering December 3 on Disney+ pic.twitter.com/4ON7zKMcuU

— DiscussingFilm (@DiscussingFilm) August 10, 2024

[肉羊哩咖]

Only Murders in the Building 第四季：今季好笑好多，無睇過之前嘅季度都會補返，但又唔影響唔到節奏；今季有大量串星，熱鬧好多，亦令到啲枝線豐富有睇頭；唔係咁好係主線弱咗，而個謎早咗透露，結果最終話失色咗。第五季已經開咗綠燈，期待。

好在座苑夠大間，唔係好快成座吉鬼晒～

[亍 ◣]

[wing]

作者: 亍　◣

變左有超級機械人的戰隊

[亍 ◣]

港版