[西片] Everything Everywhere All at Once 奇異女俠玩救宇宙

[C.Ryo]

https://m.imdb.com/title/tt6710474/?ref_=ext_shr_lnk

睇完優先場, 呢套完全係呢期最好睇一套, 真天馬行空嘅多元宇宙過DS2, 但主線竟然係港女嫁比美籍華人而產生嘅家庭倫理故事, 再mix入港式工夫喜劇, 再玩一堆其他電影情節, 玩得勁跳掣過瘾, 又有感人情節, 正正

[肉羊哩咖]

人玩三眼佢又玩三眼，成本平成大截之餘又夠創意，呢邊要呢個禮拜尾先上。老細既然開咗棟樓，cross 舖囉～

予告：
http://gaforum.org/showpost.php?p=11725547&postcount=3

[C.Ryo]

仲要同期上, 低成本食腦玩multiverse, 比燒$嘅麻木cg爆谷好味得多

[亍 ◣]

香港戲名"奇異女俠玩救宇宙"

5月19先正式上影....

之前台灣上左畫都係好評居多

睇完奇2再睇呢個對多重宇宙理解仲有感覺吧a

[holsety]

好期待呢類型既片

[肉羊哩咖]

呢套終於睇咗，戲院都算多人，好多笑得出聲嘅笑位，動作好睇好多，特技實際多個 CG。無靚人靚杉靚景，靠新奇好玩嘅橋段，都極好睇，尤其向某兩套經典電影致敬勁正。演員，担正嘅楊紫瓊絕對係攞獎級，做佢老公嘅關繼威（係，就係當年《魔域奇兵》做豆丁嗰位），同傳奇嘅 James Hong 好得，去到 part 2 嘅尾，仲有少少洋蔥位～

唔係噉好：故仔後面有啲亂，好多嘢都靠對白解釋，不過受咗後面都 OK 嘅。PART 2 係有少少嫌拖啫。

總結：羅素兄弟監製今次 hit 中好嘢，似乎可以拍續集；總之快啲去睇啦，快啲去睇啦！

[wing]

作者: 肉羊哩咖

呢套終於睇咗，戲院都算多人，好多笑得出聲嘅笑位，動作好睇好多，特技實際多個 CG。無靚人靚杉靚景，靠新奇好玩嘅橋段，都極好睇，尤其向某兩套經典電影致敬勁正。演員，担正嘅楊紫瓊絕對係攞獎級，做佢老公嘅關繼威（係，就係當年《魔域奇兵》做豆丁嗰位），同傳奇嘅 James Hong 好得，去到 part 2 嘅尾，仲有少少洋蔥位～

唔係噉好：故仔後面有啲亂，好多嘢都靠對白解釋，不過受咗後面都 OK 嘅。PART 2 係有少少嫌拖啫。

總結：羅素兄弟監製今次 hit 中好嘢，似乎可以拍續集；總之快啲去睇啦，快啲去睇啦！

我覺得失望.... 早知係低成本都唔預有咩大場面, 演技同打鬥場面ok, 但故事真係冇傳聞中咁好咁有新意, 而且口水多過浪。

同埋真係冇一個演員養眼.... 係呀, 我知上面3個再加埋珍美李寇蒂斯都係當年大卡士, 楊紫瓊個角色直情諗唔到邊個可以代替(元秋英文未必流俐)...但個囡至少搵個好樣少少呀唔該..........

[holsety]

19/5睇

[王小虎]

我覺得幾好睇，不過唔會同其他戲比較，即係電影的嘢，本來就係百花齊放。即係好似戲裡面的多元宇宙，都冇話邊個行啱邊個行錯，而係有無限可能。

[肉羊哩咖]

幕後製作緣起花絮，可能有透，不喜勿入

［太長唔睇］可以講嘅：

• 原案係以陳積奇做藍本！好在最後唔係佢！唔係一定唔睇！
• 而個囡，原本係搵 Awkwafina (尚氣、Crazy Rich Asian、The Farewell)，因為「撞期」，所以又冇份，不過，有都係「冇嘢睇」。
• 套戲有度個蒙太奇係用咗楊紫瓊，現實中嘅片斷。

[wing]

作者: 肉羊哩咖

幕後製作緣起花絮，可能有透，不喜勿入

［太長唔睇］可以講嘅：

• 原案係以陳積奇做藍本！好在最後唔係佢！唔係一定唔睇！
• 而個囡，原本係搵 Awkwafina (尚氣、Crazy Rich Asian、The Farewell)，因為「撞期」，所以又冇份，不過，有都係「冇嘢睇」。
• 套戲有度個蒙太奇係用咗楊紫瓊，現實中嘅片斷。

如果係陳積奇，香港票房會死，但歐美同日本票房會更高。

[420secured]

作者: wing

如果係陳積奇，香港票房會死，但歐美同日本票房會更高。

事實上真係好岩陳積奇做

... 除左西裝Universe

[ComeLOLoh]

睇中文戲名覺得食人條水，唔多想入場。
但睇你地d comment又好似想睇下係龍定鳳。

[魚伕]

無其他大卡士擔角，真係單純賣『故事』
只要係開唔正 睇嗰個觀眾既口味，就會如同爛片一樣。

睇後感：

一套戲，又有搞笑，又有經典武打場面，又有美術化妝，特效，又有感動，
又有 故事議題 送比 觀眾去思考，睇一套戲都係幾草，絕對超值。


睇完話唔定自己都開多隻眼

[C.Ryo]

阿女其實係尚氣入面個酒肉朋友，呢套玩地味一家人可以同時滅世救世，個個都凡人造型，突然有個靚嘅女先唔夾件事，呢個台灣香蕉妹我又覺得佢戲唔差呢，不過呢套始終比較cult又實質玩啲人生家庭議題，真係唔係個個都受嘅

[亍 ◣]

好似真係原本想搵成虫...

https://movies.yahoo.com.tw/article/...155509328.html


睇埋呢套,點講呢,我鍾意個故事,雖然同一開始想像既內容唔同,講到尾原來係一套中國家倫理片
只不過係以多重宇宙做賣點,想用呢套理解多重宇宙都係有d怪(不過都好過奇異博士個理論)
選角唔係用美形角o岩數啦,因為呢家人就只係一家平凡家庭(至少呢個宇宙係),加上全片兩文三語對香港人應該好有共鳴

[wing]

作者: 亍　◣

好似真係原本想搵成虫...

https://movies.yahoo.com.tw/article/...155509328.html


睇埋呢套,點講呢,我鍾意個故事,雖然同一開始想像既內容唔同,講到尾原來係一套中國家倫理片
只不過係以多重宇宙做賣點,想用呢套理解多重宇宙都係有d怪(不過都好過奇異博士個理論)
選角唔係用美形角o岩數啦,因為呢家人就只係一家平凡家庭(至少呢個宇宙係),加上全片兩文三語對香港人應該好有共鳴

啱, 開頭我聽到兩公婆上半句英文, 下半句普通話, 然後又會搭句廣東話, 聽落真係好有香港 feel。

如果呢套真係要有普通中國家庭feel, 一放成蟲落去, 觀眾就好難投入. 同埋我覺得成蟲表情會做得好誇張。

如果係元秋+元華, 仲會再投入好多. 但佢歐美叫座力唔會及楊紫瓊, 未有咁多好評之前, 歐美可能會難排院線。

[420secured]

作者: wing

如果係元秋+元華, 仲會再投入好多

佢兩個，相信係外國搵唔到資金拍...

[C.Ryo]

Daniels原本係想搵成蟲做男主，所以阿紫瓊姐有串蟲哥走寶
不過真係好在佢唔接，依家成套感覺啱啱好

又恭喜呢套正式成為A24最收得嘅電影

[HON HON]

話時話, 做老豆嗰個男人都有小小似成蟲...

呢D戲都唔係佢既時代產物, 對佢黎講可能怕影響佢自己個形象而唔接係合理, 但如果佢接左既話應該香港唔駛上畫都似...

平行時空真係想點講都得, 佢呢個玩法幾好, 唔駛用個框框黎套實個設定, 同埋咁至可以叫多個時空, 係亂左小小, 同埋一般戲迷應該唔太接受到, 楊小姐肯拍又真係幾破格得黎好睇.

[wing]

作者: HON HON

話時話, 做老豆嗰個男人都有小小似成蟲...

呢D戲都唔係佢既時代產物, 對佢黎講可能怕影響佢自己個形象而唔接係合理, 但如果佢接左既話應該香港唔駛上畫都似...

平行時空真係想點講都得, 佢呢個玩法幾好, 唔駛用個框框黎套實個設定, 同埋咁至可以叫多個時空, 係亂左小小, 同埋一般戲迷應該唔太接受到, 楊小姐肯拍又真係幾破格得黎好睇.

忽然諗起，幾十年前李連杰都拍左套多元宇宙動作片叫the one 最後一強，唔同version的自己互片，死剩最後一個就會稱霸元宇宙，真正自相殘殺。

[HON HON]

作者: wing

忽然諗起，幾十年前李連杰都拍左套多元宇宙動作片叫the one 最後一強，唔同version的自己互片，死剩最後一個就會稱霸元宇宙，真正自相殘殺。

你講返我至記得呢套戲, 原來又係玩元宇宙架, 我嗰時睇唔明唔知佢做咩, 只係覺得李生打得好睇ONLY.

不過點都好, 奇異呢套戲最後嗰4個字都算補返套戲個意思, 咁就真係無交嗌啦.

[肉羊哩咖]

作者: wing

忽然諗起，幾十年前李連杰都拍左套多元宇宙動作片叫the one 最後一強，唔同version的自己互片，死剩最後一個就會稱霸元宇宙，真正自相殘殺。

［離題］有部動畫都有咁上下嘅橋，有班細路畀人呃咗去一個地方，被強迫去坐上一部機人去作戰，原來每個地球都派出一部超機人對戰，輸咗嘅地球就會被毀滅，就算贏咗條細路都要死，非常黑色，而每個細路都一張唔同嘅椅去代表，不過唔記得個名。

[赤兵尉SETH]

作者: 肉羊哩咖

［離題］有部動畫都有咁上下嘅橋，有班細路畀人呃咗去一個地方，被強迫去坐上一部機人去作戰，原來每個地球都派出一部超機人對戰，輸咗嘅地球就會被毀滅，就算贏咗條細路都要死，非常黑色，而每個細路都一張唔同嘅椅去代表，不過唔記得個名。

地球防衛少年/ぼくらの

[赤兵尉SETH]

呢套野個玩法比較似jojo總統嘅D4C能力