[西片] Top Gun: Maverick (2020) Tom Cruise Top Gun2

[肉羊哩咖]

睇咗第二回，今次係 IMAX，單係音效真係好好多！可能好似套《1917》噉，真係未必屋企睇～

關於 Val Kilmar 嘅事，佢有部自己拍落嘅自傳《Val》，Amazon Prime 有，太慘，實在未有心情睇。

軍武

首先，引用好多前 Top Gun 教官講，呢套係荷里活，唔係紀錄片。

美國一早退役晒啲 F-14A/B，世界現存仲飛得嘅，只有伊朗。所以入面架 F-14，極可能部份係 CG，部份係道具。不過個駕駛艙望落做得幾真。但係好多其他嘢，得啖笑：好似開無線電，唔會同時開埋個雷達～

老 C 開頭想「揸」F-35，不過經海軍「勸諭」之下，改用 Super Hornet。

架所謂「第五代戰機」，好似 Su-57。

F/A-18 係可以人手拉到好高攻角，係做到戲入面「眼鏡蛇」嘅動作，但架「第五代戰機」嘅動作，就有啲誇。

F/A-18 係有頭盔顯示器，但呢度完全無用到；而因為雷達只望到前面部份。

畀人後追，只係仲係人哋射程入面，好似戲入面咁直筆甩扒升或者做 split-s，尤其對手部機出力大過自己，等於自殺。

啲 HUD 顯示大部份都係錯；最可恨到今時今日 F-14 嗰個都仲係錯。

訓練嗰陣見到啲炸彈係藍色，表示係訓練彈，但唔明既然只用兩粒，唔會點解要拎足四粒，反而正式嗰陣得兩粒。

因為炸彈嘅空氣動力表現唔同，無可能個彈道同飛機個航道係一樣～

F/A-18 上面個「鐳射夾艙」，無可能向後瞄準～

敵人啲防空飛彈，唔洗咁密，個款似係 SA-3，屬雷達引導飛彈，但唔見有雷達；而戰機放啲「煙花」訊號彈 flare，只對紅外線導彈有效，因為引導技術嘅關係，每台地對空架每次只可以放一飛，亦有最短距離限制，如果支彈爆起上嚟，因為有好多碎片飛出嚟，咁近其實架機都會中招。

無時間，打住咁多先。

按：聽《軍武器研》講戲入面嗰啲「101知識」，非常有「娛樂性」。