白痴, 有乜可能連 "有冇跟說明書" 咁基本的問題都冇問清楚個客就上庭?

完全唔同.................................. 某人自己擔正果套好睇太多，文戲睇到有感情有內心，打鬥又拳拳到肉血腥好多，壞人都唔係卡通式，成套個tone黑暗好多。依家呢個直情做左小丑。

謝資訊
上網又爬過下文
話呢個性格先係跟返漫畫原作
本身netflix套劇因為太黑暗
原來個陣時係比好多人鬧過唔跟原著添
所以….mcu版都冇得好投訴，起碼搵返同一個演員先

我冇睇漫畫原作, 不過如果只論套劇本身, netflix果套絶對值得睇。3季都非常好睇。

呢個演員/角色在no way home已經出過場, 所以大家都知係會搵番佢做。

SW: Andor S1E6：工已開，非常刺激緊張，預佢唔會全員生還，而呢度真係個起爆點，不過有度唔係好明，睇下一話有冇解說。

She hulk最終回


真是夠哂玩野的結局

總結不是中段比較拖整體還是值得一看的

She-Hulk 季終。唔知點講，之前傳出嘅劇情真係咁～～～ 前半有啲夾硬，中間無厘頭，後面叫做比較正常，而最突然嘅，係⋯⋯⋯⋯真係會做嗰套⋯⋯⋯⋯？！

留到最後，字幕後仲有啲嘢，似會連接其他作品。

季度感想隨後。

shehulk s1 ending真係好爆, 我唔知之前有leak, 頭先睇真係有驚喜

老細真係眼利，呢啲係新嘅主角威能，係咁犯法繼續都無事

係喎................. kevin果度都冇提呢樣

首先講返樣嘢，個結局大約 12 粒鐘之前嚮美國「高登」Redit 上面爆咗出嚟，有 Youtuber 噏咗，本人無無聊聊之下自透咗～

嚡！原本對套嘢都有啲期待嘅，點知～～～ 嗱事先講明：本人唔係咩「男權份子」，你寫到劇入面啲唔係懞就係衰唔係就賤，無所謂，故仔好睇就得。

最斃唔係。下有吐糟，不喜勿入。

如果係想睇法律劇，早前啲真係嘅編劇，接受訪問嗰陣認，佢哋唔識寫法律劇，果然佢哋唔係謙虛，啲法庭戲完全唔掂，第一話唔講，條友搗亂法庭，居然無事，你估係嚮英國咩？ 其後啲「案件」，一係輸，一係「庭外和解」，一係就靠其他人幫女主角搞掂～～～ 最攞命嘅係，某話佢做嘢個律師樓辯護條友，居然監粗要個當事人向控方賠償？！咩律師樓嚟㗎？！所以話某話完全無呢啲離譜嘢，睇得比較舒服～

好喇，Marvel 嘛，都有啲超英嘢喇掛？除咗嗰一話之外，完全欠奉。 打就好有限公司，啲 CG 難睇到，最後一話某個突然角式嗰款，真係新低～～～ 佢啲所謂敵人唔好提，只會顯出主角更低能。

睇喜劇，恕本人呢方面遲頓，大部份真係笑唔出，或者除咗某話有人頂唔住班律師，跳窗落街嗰度幾好笑之外，可能啲「目標觀眾」會受啲掛？

（你最終回睇到嗰班編劇，有解畫片講咗過半唔係真係編劇嚟～～～ ）

女主角真係唔掂，無自知之明，乜錯都係人哋錯 -- 第一話 Hulk 教佢要控制怒氣，佢唔理，仲串咀返轉頭，結果係點，大家有眼見；又呻成日畀啲男人教佢做佢專業內嘅嘢，上面講過事實證明，佢嘅律師能力極度唔掂；佢口口聲聲話唔鍾意 She-Hulk 個名，但就係正正係因為佢嗰款，無料都坐到一個部門嘅頭，仲有好多仔吼；有話見佢班舊同學，更顯出佢唔係個受人愛戴嘅人～ 另一方面，恨仔恨到發燒，又唔認，成日呻，又無仔運（可唔可以賴編劇？），撞親嘅幾乎都係衰人，最後要出到「洗橫手」呢招搞掂～～～

女主角 Tatiana Maslany 係好戲之人，佢主演嘅 Orphan Black 口碑戴道，呢套演個唔討好嘅角式，都唔緊要，睇 The Good Place，四條主角都各有缺點，但呢套無乜事發生多，發生嘅事一係唔好笑，一係好淺薄無聊，唔係就犯駁；主角又無乜轉變成長，重要寫到乜嘢都無嘢，都唔多洗負責，無乜後果（要數嘅話有時間講）；最後變咗一個無趣嘅人物。搞到要啲串星拓起套戲。做 Titania 嘅 Jameela Jamil，佢做 The Good Place 好正，呢度又係嘥晒。睇返轉，嗰個搵阿黃嗰位女仔，可能係呢套最好嘅配角嚟都唔定～

希望當佢係一個獨立宇宙算喇～

YT/Twitter睇番，呢套應該有10集+Ending tease另一套戲
照計依家個處理，就係應對少左的內容

以戲論戲，呢套先應該係Disney+ so far最差個套
但佢醒在定位就係輕鬆 + Fans向行先，所以睇完又唔會介意好多內容/劇情都係Hea過

D+ 又多左一堆舊港產片, 可以睇到烏蠅叫人 "食屎"

仲介紹畀全世界咩叫「大結局 BBQ」〜〜〜 搞呢套嘢嗰位阿姐好可能睇 TBB 大～

套戲睇到一半, 仲未睇哂就突然落左架, 激氣

SW: Andor S1E7 好似公式咁，又無乜大動作發生，繼續係人物戲，除咗主角之外，其餘六條線（！）都各有進展，部份有可能指向主角；而主角最後，個發展好意想不到～

要數唔好嘅，就係主角個動機，一下子就咁無咗，而有度畀人以為係 R1 某角出場，點知又唔係～～～

Andor 漸入佳景，但尼爾遜收睇調查，入到十大但冇第一（She-Hulk 連十大都唔入），真係冇人睇？陰功，套戲幾得，可能一次過煲會好啲。

當然有人賴之前啲嘢爛整壞咗個品牌…本人覺得應該畀多次機會。有人整咗幅圖比較呢套同OB1:

Obi-Wan vs Andor https://t.co/BFkV69Q6Kt pic.twitter.com/R4efPtNRrn

— Prequel Memes (@rPrequelMemes) October 22, 2022

溫提，聽日除咗有 Andor，仲有成套 Tales of the Jedi 動畫都會出埋，主要係 AotC 之前嘅故事，有 Count Doku 同 Asoka 嘅故仔。

笑到出眼水呀陰功。

SW: Andor S1E08 嘩！戲味濃郁，啲人物開始走埋，雖分成五份穿插嚟講，其中三條比較主要嘅，可以預計之後嘅引爆點。尤其監獄同帝都嘅設計對比非常鮮明，做背景嗰班抵讚。可以話好慢熱，好多嘢之前整落嚟嘅，今話開以見成果。

居然有 Andy Serkis 客串！！！

呢套唔係一般動作冒險明快嘅星戰，反而係幾肯試去開展星戰宇宙之作。

呢個過癮

SW: Tales of Jedi 分 6 話，分別講 Count Dooku 同 Asoka 嘅故仔，主要係前傳時期嘅事，每話都好短，計埋 15 分鐘都冇。故仔同動作都叫做平衡，有啲位連到前傳電影，無太大驚喜但又唔叫悶，算啱啱好。

Andor S1E9 ：唔似之前每三話出大場面，但今話扯埋好多唔同嘅線，走緊埋一齊。戲味繼續濃厚。真係一次過追會好啲。

SW: Andor S1E10 非常精彩嘅一話，除咗有預期咗嘅動作場面，啲演員仲出式，尤其 Andy Serkis 同 Stellan Skarsgård 極度搶戲，兩位咁啱都有一段獨白。而最後男主角同 Stellan Skarsgård 條線都有扭橋，越嚟越黑。