|
04-13-24, 02:52 PM | #1 |
Game Master
|
韓國 - 破墓
掛牌恐怖片實係换湯類港產殭屍片(但冇搞笑部份)
睇完早場,基本上只可算係獵奇下啲韓式法師嘅作法儀式感,其他部分基本上從各類香港殭屍片同美國日本鬼怪片取經,再加入一點韓日本本身歷史元素炒埋一碟而成,前段氣氛營造還算不錯,但談恐怖完全冇感,轉橋後味都變埋,鬼怪門都並不太狰狞,雖然有殺人情節但都實在表現麻麻,係有扭一扭橋同演員演得好感覺好一點,韓國收得可能只因故事線合符個別民族恩怨? P.S. Search google 原來真有說日本有用風水師喺韓國龍脈打大量釘,令韓國難以翻身,咁用咗真實民間傳說又唔怪得當地收得,我哋外人睇黎只有獵奇感 此篇文章於 04-13-24 05:33 PM 被 C.Ryo 編輯。 |
04-22-24, 10:28 PM | #2 |
The One
註冊日期: Sep 2002
文章: 31,562
|
《破墓》파묘 (Exhuma) | 崔岷植、金高銀、柳海真、李到晛主演
入場睇咗《破墓》,
當初睇到個戲名以為係講種生基、清明節主題鬼片嚟, 點知原來係抗日神劇類的驚慄片嚟… 韓語以外,意外地多日語對白,仲有英語對白。 開場風水師話風水是宗教與科學的結合 巫師紋身造型係社交平台洗晒版 以為佢玩咒術迴戰果類嘢,原來是彿經。 巫女係殮房玩召喚術"詠唱"果段好似rapper咁款, 啱晒beat又押韻,K-Pop果然厲害… 搵五個屬豬男人嚟破墓就用豬嚟做替死鬼, 巫師男係屬雞就用雞, 咁如果屬龍點算…邊度搵條龍嚟做替身代死? "起壇"、"召喚"等都幾有儀式感,有邪教現場feel, 作為"外國人"睇得幾開心~! 鬼方面,有曾曾曾祖父 賣國賊、專害自家的長子… 隻鬼個設定都幾怪, 開頭比個棺封住都無地域限制搞到美國醫院個BB, 但美國家果幕又要個孫(輪椅老人)主動開窗先入到屋害人咁, 就算間屋掛埋十字架都頂唔住,真係耶穌都保你唔住… 仲要出現埋"打電話比孫仔",呢隻鬼都幾新潮。 人頭蛇,出場時間短,交代唔多,是陰陽師的簡易陷阱吧? 妖怪方面有"日本鬼子"(鬼武者?),有實體、有影、7尺高?! 用糯米圍棺果幕諗起港產片《殭屍先生》, 仲要有埋"飛航模式"變鬼火造型果下型到核爆咁。 但點解佢要食人同豬呢? 係好似《盜墓迷城》(The Mummy)隻怪咁要"補充肌肉量"? 又點解要肝?比主子? 但其實佢只想要魚魚,笑咗… 套戲表面上係鬼片, 但其實似係用野史的方式講韓國的歷史, 例如倭寇侵略朝鮮、南北韓分裂等… 覺得疊葬係代表被埋藏的歷史。 什麼水木剋金火、狐狸釘虎腰 、狐狸墓極兇惡… 懷疑狐狸陰陽師未死或有傳人,可以開下集或拍電視劇。 https://www.kmdb.or.kr/db/kor/detail/movie/K/35655 https://www.imdb.com/title/tt27802490/ https://zh.wikipedia.org/zh-hk/%E7%A0%B4%E5%A2%93 https://youtu.be/SL9rZS09eqI?si=N3f9cgfzNl1uSncd 「有東西從棺材出來了,非常兇惡的東西…」 故事大綱 2024年韓國壓倒勝NO.1電影,力壓《沙丘瀚戰︰第二章》,驚奪韓國3周票房冠軍!韓國國寶級影帝崔岷植聯同新世代實力巨星金高銀、李到晛及柳海真嚇破膽演出,衝擊1000萬入場人次現象級驚悚恐怖「懼」獻! 薩滿巫師花林(金高銀 飾)和法師峯吉(李到晛 飾)接受巨額委託,遠赴美國為富豪家族的新生兒驅魔治病。花林立即感應到富豪祖先的陰影籠罩著整個家族,禍根源於惡中之惡的不祥祖墳!二人決定聯手風水大師相德(崔岷植 飾)與禮儀師寧根(柳海真 飾),打算以危險的血祭破墓儀式試圖為該家族改風水改命運。所有人都對此有絕對危險的感應,但在花林的說服下,最後仍挖開了墳墓,卻意外釋放了埋藏在地下百年的秘密邪惡力量…… 導演 : 張在現 演員 : 崔岷植、金高銀、柳海真、李到晛 片長 : 132min 語言 : 韓語 (中文、英文字幕) 上映日期 : 4月11日 【製作特輯】《破墓》Exhuma https://youtu.be/13kbWTfFnoI?si=9QVvwqHVKYTkWBP8
__________________
「前面有妖孽!」
「前面有油入!」 |