其實啲椅....

[十一月]

其實啲大班椅/電腦椅/電競椅之類，一般耐用度係可用多久？
我通常都係用兩三年就爛，亦試過最快不足一年就爛，到底係品質問題，或是我的問題？
大家的經驗是如何？

[野良猫]

用緊電競
坐咗三年左右除咗皮面磨甩外都冇問題
因為六、日都唔出街所以使用時間非常高，但個坐位依然好夠回彈力

之前用ikea啲電腦椅一年就玩完，主要係坐墊玩完
仲要成千銀嘅貨色

以後再換都係首選電競，不過買得電競真係唔好貪平
睇過報導話有人劏開張椅發現係用布碎填充

[Heaven]

唔係掛 公司Ｄ電腦椅閒閒地用５年　仲要長時間坐
我自己就唔會買皮面，纖維網面粗用算 再搭個坐墊

[十一月]

作者: 野良猫

用緊電競
坐咗三年左右除咗皮面磨甩外都冇問題
因為六、日都唔出街所以使用時間非常高，但個坐位依然好夠回彈力

之前用ikea啲電腦椅一年就玩完，主要係坐墊玩完
仲要成千銀嘅貨色

以後再換都係首選電競，不過買得電競真係唔好貪平
睇過報導話有人劏開張椅發現係用布碎填充

咁即係品質問題。
去實惠買過一張成千銀的，又係一年未夠就櫈腳焊接位甩脫。

每次買新櫈時都好頭痕，都唔知去邊度以及價錢多少的才耐用。

[野良猫]

作者: 十一月

咁即係品質問題。
去實惠買過一張成千銀的，又係一年未夠就櫈腳焊接位甩脫。

每次買新櫈時都好頭痕，都唔知去邊度以及價錢多少的才耐用。

實惠完全唔會考慮，因為佢啲貨都係大陸質料而且又唔係平，買佢不如買ikea，至少硬淨啲
焊接都甩得就過份咗，明顯係救其點兩點就算，就算唔係魚鱗焊都起碼成條焊哂

如果只係求實淨耐用的話ikea都好夠（唔包個坐墊）
我就要求個坐墊夠耐用所以先㨂電競椅

[大覺屋師真]

之前千三蚊果張用好幾年無野喎
係因為移民費事搬焗住送比人

[X&Y]

爛係爛咩？
張張都咁快爛有可能真係使用習慣問題

10年前買左張2k左右既網椅
好正常用左7年後，膠(拓手位，後頸位）既部份開始脆裂，同埋啲網開始唔夠彈性

之後因為地方細左既問題換左張1k細張啲網椅
質素真係差好遠，啲網未夠2年已經唔多彈
最大問題網唔彈之後坐得耐腰有d痛

之後厘兩年因為比較多WFH 既原因換左張4k中既人體工學網椅
睇過review 張椅其他部份好硬淨，係轆可能幾年內出問題
所以預先直接amazon 買左d超順滑既靜音轆一到貨安裝時已直接換左佢

[qwe]

作者: Heaven

唔係掛 公司Ｄ電腦椅閒閒地用５年　仲要長時間坐
我自己就唔會買皮面，纖維網面粗用算 再搭個坐墊

網面其實勁污糟，坐一年你用力拍落去會好恐怖，不過自己坐就無所謂

千幾銀果D 19呃人人造皮電莖椅緊係爛，真係office大班椅真皮好耐用，你當屋企真皮梳化咁坐幾年都唔爛

不過我唔明打機都無”污”前個人，後面幾高幾大有乜用

[十一月]

作者: X&Y

爛係爛咩？
張張都咁快爛有可能真係使用習慣問題

10年前買左張2k左右既網椅
好正常用左7年後，膠(拓手位，後頸位）既部份開始脆裂，同埋啲網開始唔夠彈性

之後因為地方細左既問題換左張1k細張啲網椅
質素真係差好遠，啲網未夠2年已經唔多彈
最大問題網唔彈之後坐得耐腰有d痛

之後厘兩年因為比較多WFH 既原因換左張4k中既人體工學網椅
睇過review 張椅其他部份好硬淨，係轆可能幾年內出問題
所以預先直接amazon 買左d超順滑既靜音轆一到貨安裝時已直接換左佢

第1張
爛轆，仲有櫈背都鬆鬆地，完全唔可以挨落去。

第2張
成個櫈背跌咗落地。睇一睇之後發覺，櫈背只係靠一條L型的鐵，用螺絲連接住座位的底部。而那個座位的底部，劏開啲膠睇裡面原來係木。啲木裂咗所以承受唔住櫈背的重量。

第3張
櫈腳油壓嗰支嘢的焊接位甩脫。睇一睇個焊接位，真係巧奪天工，佢雖然係完整地焊了一圈，但啲焊料少到好似焊錫咁少。

而家用緊第4張係家人唔要俾我的，但個座位已經塌塌地，坐到有啲腰痛，所以都考慮換。

[Heaven]

作者: qwe

網面其實勁污糟，坐一年你用力拍落去會好恐怖，不過自己坐就無所謂

千幾銀果D 19呃人人造皮電莖椅緊係爛，真係office大班椅真皮好耐用，你當屋企真皮梳化咁坐幾年都唔爛

不過我唔明打機都無”污”前個人，後面幾高幾大有乜用

好睇個人需要
我屬於坐直個埋,完全唔挨住個背,皮唔係長用開又易硬易, 所以都係網面岩我,搭個坐墊易洗夠晒

[dvd-rom]

坐緊FreeMAX的電競櫈幾年，除了PU皮會甩皮之外都幾襟坐。
轆無爆，腳支架冇爛，氣壓積冇壞，扶手仍然保持彈性冇老化冇爆裂，坐位海綿仍然結實沒甚變形，椅背少受力損耗更少。