2024 年世界大選年討論區

[肉羊哩咖]

本人對呢美帝兩條總統候選人點睇唔重複 -- 啲擁有「完善體制」嘅國家仲唔笑到翻肚，呢啲咁嘅貨式都浦出嚟做自由世界嘅領袖喎～ 分分鐘會懷疑呢啲係咪美帝最新型嘅心理武器嚟添。

另一邊，伊朗個總統補選，啲投票率低到離奇，留返畀老細講。

Nigel Farage 啲「黨友」又「多咀」惹禍，Farage 隨即「割蓆」，亦表明唔會過檔去保守黨，不過佢講嘅嘢，計住佢幾時會轉軚先。

[flpchoho]

作者: Dyhalt Rushifar

咁佢落注係法國人既理性，基本上正常人應該知極咩方向都係仆_架嘞，不過見到佢次次出黎都擺個「捨我其誰」衰樣，如果在下生於法國都可以投勒婆果邊…

法國國民議會選舉首輪投票　票站調查指國民聯盟得票率領先

法國國民議會選舉首輪投票結束。票站調查顯示，極右翼政黨國民聯盟以大約34%的得票率領先，左翼聯盟「新人民陣線」得票率約29%排名第二，總統馬克龍領導的中間派聯盟「在一起」得票率介乎20.5至23%，位居第三。

其中一個調查機構預計，國民聯盟及盟友在7月7日第二輪投票後，會贏得260至310個議會席位，另一個調查機構就預計國民聯盟會獲得230至280個席位。而要成為國民議會內的絕對多數派需要289席。

領導國民聯盟的瑪麗娜勒龐在首輪投票結束後強調，仍未贏得勝利，第二輪投票才是決定性，國民聯盟需要贏得絕對多數，以便黨魁巴爾德拉出任總理。

賭馬生會贏的賠率應該好好好高

[肉羊哩咖]

馬生呢啲咪叫陸雲廷睇相囉，唔衰摞嚟衰。財散人安樂～

[Dyhalt Rushifar]

當年卡梅倫嘗試用公投脫歐既果場豪賭都仲話贏過一次蘇格蘭，脫唔脫似55波。
呢件馬卡龍明明啱啱先大敗都仲要ALL IN，真係獨孤求敗既傳人…

[flpchoho]

特朗普被控試圖推翻大選結果　獲最高法院裁定享有部分豁免權

美國聯邦最高法院，就前總統特朗普在試圖推翻2020年大選結果一案中是否享有刑事起訴豁免權作出裁決，裁定特朗普在任內的公職行為享有刑事起訴豁免權，但私人行為則沒有豁免權。

法院在裁決中分析了特朗普起訴書中包含的四類行為，包括在2020年大選後與司法部官員的討論、涉嫌向時任副總統彭斯施壓，以阻止國會確認拜登當選、涉嫌安插支持者假冒選舉人參與選舉結果認證過程，以及他的行為與2021年1月6日國會大樓遇襲有關。

法院認定特朗普與司法部官員的談話絕對享有刑事起訴豁免權，而他與彭斯的溝通亦推定享有豁免權，其餘兩項是否享有豁免權，就發還下級法院再審理。

特朗普在社交平台歡迎裁決，認為是美國憲法和民主獲得的巨大勝利，作為美國人他感到自豪。總統拜登的競選陣營就指，裁決沒有改變事實，大家清楚看到特朗普落選後而動怒，並鼓勵暴徒推翻自由公正的選果。

有報道指，最高法院的裁決將會令到特朗普試圖推翻2020年大選結果一案的審理進一步延後，並且不太可能在今年大選前完成。

https://news.rthk.hk/rthk/ch/compone...abChangeable=0

起碼唔會阻止到侵侵繼續參選

[肉羊哩咖]

咁搞法對家唔換人輸硬咁滯～ 有人指現任加州州長勝算比較大，而副總統啲支持度仲衰過懵祖（唔改名唔得），而奧巴馬老婆同而家班權貴有牙齒印，唔會出。有消息指懵祖個老婆同總統圍內人仕堅持唔退，咁幾肯定佢哋會歷史留名囉～

[Super Bus]

依家其實就係個懵祖嚟到依家想退又唔得, 唔退, 但係睇佢咁嘅樣...

[Dyhalt Rushifar]

其實換唔換都差唔多，本身上次贏都唔係因為睡老人有魅力或能幹，只係幸好佢上任之後加埋成個幕僚又冇想像中咁爛。
不過今次應該都係侵架嘞…

[肉羊哩咖]

本人又無話過換咗人就會嬴～

[flpchoho]

作者: Dyhalt Rushifar

其實換唔換都差唔多，本身上次贏都唔係因為睡老人有魅力或能幹，只係幸好佢上任之後加埋成個幕僚又冇想像中咁爛。
不過今次應該都係侵架嘞…

「Anyone but Trump」當時救左佢，但今次效果大減

[flpchoho]

特朗普掩口費案推遲至9月18日判刑

美國前總統特朗普因掩口費案被裁定34項偽造商業記錄罪成，案件原定本月11日判刑，但法官已同意推遲至9月18日判刑，以衡量聯邦最高法院就總統豁免權的裁決可能產生的影響。

最高法院星期一裁定，特朗普在被控試圖推翻2020年大選結果一案中，如果涉及公職行為將可以享有某種程度的豁免權，免被刑事起訴。他的律師團隊隨即去信掩口費案的法官，指檢察官的某些起訴事項牽涉到特朗普執政期間，認為從最高法院的最新裁決來看，檢察官不能夠援引總統的公職行為作為起訴的理由。

[Dyhalt Rushifar]

作者: flpchoho

「Anyone but Trump」當時救左佢，但今次效果大減

本身未必唔WORK，只係今次執法機構行動既TIMING真係完美幫侵助選。
民主黨又太大安旨意彷彿冇考慮任何PLAN B…
當然侵既「話咗冚家_就要有口齒」既作風，唔只後生連唔少黑人都BUY，D專業獻世政客真係要反省下。

一個法國一個美國大家齊齊右傾，真係搞到歐美出現貿易戰就搞笑嘞

[肉羊哩咖]

作者: Dyhalt Rushifar

一個法國一個美國大家齊齊右傾，真係搞到歐美出現貿易戰就搞笑嘞

反而美帝個「傳統盟友」阿英帝就幾肯定會走向，扮晒貝利亞嗰隻中間遍左，幾得意；歐陸右傾都唔係今年嘅事，早一兩年芬蘭、波蘭、瑞典、義大利等全部係係右翼政黨把持（德國嗰隻唔知似乜）；似乎係非法難民潮一個反彈，始終有啲人利用難民做武器，玩過咗龍就會咁，唔好以為民主國家就只係得「左膠」。

法國都唔好以為勒龐真係坐定粒六，第二位嘅左派聯盟決定對抗右翼，第二輪只會出一個候選人，仲邀請馬生個政黨聯手，成唔成事未知，睇嚟呢邊比美帝嗰邊有趣好多。

----------

伊朗大選無人吼？！Okay，第一輪投票之後，暫時由溫和「改革派」人物佩澤什基安領先，第二輪會對住死硬保守派嘅賈利利「隻揪」，但係啲投票率低到無朋友，得四成～

雖然佩澤什基安叫做溫和派，佢支持解除婦女要戴頭巾嘅規定，同埋要從返和平使用核能六方會談之外，佢無公開反對過伊朗最高精神領導層。

星期五做第二輪投票。
https://www.reuters.com/world/middle...hy-2024-07-02/

[flpchoho]

作者: 肉羊哩咖

伊朗大選無人吼？！

唔多討論價值
因為最後都係差唔多，只係手法激進定溫和

除非選完突然轉變路線，親美派主政，咁就大新聞

----------------------------------------------------

拜登將與特朗普辯論表現欠佳歸咎多次外訪後未能適應時差

美國總統拜登為自己上星期與共和黨前總統特朗普辯論時表現欠佳作出辯護，表示是因為辯論前多次外訪，未能適應時差，以致反應不太聰敏，甚至差點在台上睡著。

拜登當地星期二晚在弗吉尼亞州的一次私人籌款活動中，又為自己當晚的表現道歉，強調贏得連任至關重要。

在上周辯論過後，民主黨內首次有在任民主黨議員要求拜登退選。得州眾議員多格特發表聲明，說拜登非但沒有透過辯論令選民放心，反而未能有效捍衛他的諸多成就，亦未能揭露特朗普的許多謊言，希望拜登能夠作出痛苦及艱難的退選決定。

拜登將在當地星期三與民主黨州長舉行會議，爭取支持。

https://news.rthk.hk/rthk/ch/compone...0-20240703.htm

所以有名你叫-------Sleepy Joe

[肉羊哩咖]

無所謂喇，好好醜醜，唔好講佢係大國一件，地理上有極重要嘅戰略位置，仲要係「中東麵包籃」，好多「先進組織」同俄佬都要睇佢頭，點都要提一提，班神教佬知唔緩和國內嘅局勢，唔掂。老細唔講咪本人多一多咀囉，失禮晒～

----------

過多幾粒鐘英國個大選就開鑼。保守黨仍然無起色，折墮／狗急到要星期一請返波記上台助選，當然無現首相郭生同台，費事面左左掛。

另一邊，英國改革「黨」（其實係間註冊公司嚟）有幾件候選人稱頂唔住公司入面啲「種族歧視」嘅原因而轉投保守黨，Farage（廢記） 稱係畀保守黨滲透云云，佢哋係咁互相拉扯，唔會唔阿蘭嫁阿瑞，佢間公司近日啲民意下滑，事關有人挖翻佢讚布丁有關嘅言論，最後會唔會益鬼晒工黨同自民黨，木宰羊。

講到自民黨，佢個黨魁就玩得不知幾開心，由競選開始，佢就嚮不同公開場合玩嘢 -- 第一單係玩水上浮床，仲要跌落水，吸引晒啲鏡頭；又玩過碰碰車、最新甚至玩埋笨豬跳，你管上啲片整理咗佢嘅歡樂場面；同個黨啲政崗好似唔多關事，民調都坐第二都幾穩，係咁搶英國南部保守黨啲票。
https://www.reuters.com/world/uk/spl...on-2024-07-01/

週末應該有結果。

話分兩頭，波記同廢記兩位都跟足侵記啲民粹主義玩法，但結果都一樣係有唔同情度嘅唔掂，英美啲政治文化都好唔同。

[Dyhalt Rushifar]

伊朗冇太留意，不過印象中佢個選舉同某特別行政區長官差唔多只係某現世神既旨意既體現…
今日係溫和改革派，神旨一改三秒變屠夫。

[flpchoho]

英國大選前夕　民調顯示工黨將贏得431席終結保守黨14年執政

英國今天舉行大選，將改選國會下議院全部650個議席。投票將於當地時間上午七時開始，晚上十時結束。

在選舉前夕，各政黨都盡最後努力拉票。首相辛偉誠和工黨黨魁施紀賢在最後一天競選活動上都向選民警告，如果對方獲勝，將帶來可怕的經濟後果。

最新民調就顯示，工黨將贏得431席，終結保守黨過去14年的執政，並成為自1832年以來贏得最多議席的單一政黨。調查又預計，保守黨26名內閣成員中，16人包括財相侯俊偉將會議席不保。

今次好睇啦

[flpchoho]

拜登表明會繼續參選　又指沒有人勸他退選

美國總統拜登表明他會繼續參選，爭取連任。拜登在與競選團隊工作人員進行電話會議時表示，他正在參選，亦沒有人正在勸他退選，而他亦不會退選，會堅持到底，並一定會取得勝利。

有美國傳媒報道，拜登在首場大選電視辯論表現欠佳後，曾經向盟友表示，如果在未來幾天，無法說服公眾他勝任總統工作，可能無法挽救總統候選人資格。另外，民主黨主要捐款人、Netflix創辦人哈斯廷斯亦呼籲拜登退選。

白宮發言人讓皮埃爾否認有關報道，強調拜登絕對無意退選，並指拜登頭腦清晰，會繼續參選

Sleepy Joe：我訓係到都唔會走

[肉羊哩咖]

好過睇戲，預計工黨嬴出嘅議席條數會係歷史性，仲多過貝利雅 97 年嗰劑。而保守黨留到 70 席已經好好嘢，會跌落去第三大。

大西洋另一邊，有分析指，懵祖只係口硬唔認會退，夜行吹口哨壯胆，亦指佢會趁國慶日假期認真考慮個下台階係乜，噚日佢見咗一班民主黨嘅立法議員同州長，佢哋一致「支持」懵祖係黨嘅唯一候選人云云，睇吓點，八月民主黨黨團大會之前會有分䁱。

而伊朗嘛，個總統又唔係完全「橡皮圖章」，2013 年就任嘅鲁哈尼就伊朗核子計劃，參與六方會談嘗試同西方和好同解除對伊部份制裁，呢樣好明顯同佢上頭有拗撬，後者認為佢太軟弱，再加上 2018 年當時美國總統主動退出協議，鲁哈尼個政治前途當然似咁～

[flpchoho]

英國大選投票結束　票站調查顯示工黨將贏得下議院410席

英國大選投票結束。多家傳媒公佈票站調查結果，顯示由施紀賢領導的工黨，將贏得國會下議院410席的絕大多數席位，終結保守黨14年的執政。

至於保守黨將會獲得議席，將由346席下跌至131席。自由民主黨將獲得61席。脫歐領軍人物法拉奇領導、反移民的改革黨預計會獲得13席，蘇格蘭民族黨只有10席。

首相辛偉誠在5月突然宣布提前大選，他原本希望借經濟數據改善，爭取選民的支持，但選民不滿生活成本高企和保守黨內訌。而官員和警察押注大選日期的賭博醜聞，亦對保守黨造成進一步打擊。

———————————————

麥巴比指法大選首輪投票結果災難性　籲選民積極投票改變情況

法國將於本星期日舉行國民議會第二輪投票。中間派和左翼政黨有近220名進入第二輪選舉的候選人退選，以集中票源，對抗極右翼政黨國民聯盟。

最新民調預測，瑪麗娜勒龐領導的國民聯盟及盟友所得議席較之前預測下跌，可能只會贏得210至240個議席，未能獲得成為絕對多數的289席。

法國球星麥巴比呼籲選民投票時形容，目前情況非常緊迫，指首輪投票已看到災難性的結果，他希望情況能夠改變，強調不能夠把國家交給那些人。相信麥巴比所指的是國民聯盟。

瑪麗娜勒龐承認，中間派和左翼的退選策略，令國民聯盟獲勝更加艱難，但認為他們仍有能力贏得絕對多數席位，呼籲正在受苦的選民投票給國民聯盟，以進行政治變革。

[肉羊哩咖]

英國大選有初步結果：（已知加預計）

工黨：410
保守：144
自民：58
蘇國：8

保守黨魁郭生承認失敗，其大部份前閣員喪失議席。

另廢記當選，而被逐出工黨嘅前黨魁，高佬賓以獨立人仕身份當選。

[flpchoho]

作者: 肉羊哩咖

英國大選有初步結果：（已知加預計）

工黨：410
保守：144
自民：58
蘇國：8

保守黨魁郭生承認失敗。

英國工黨取得國會下議院過半數席位　確定贏得大選

英國大選結果陸續公布，英國廣播公司報道，工黨已取得過半數議席，贏得大選，終結保守黨14年執政。

在國會下議院650個席位中，工黨到本港時間中午，已取得超過326席。早前票站調查顯示，工黨將獲得大約410席，取得壓倒性勝利。將成為下任首相的工黨黨魁施紀賢在倫敦中部對歡呼的支持者發表講話，表示改變從現在開始。

他說，人民對他的授權是重大責任，他承諾將立即著手改善國家。他又說，為信任而戰是決定這個時代的戰鬥，必須讓政治回歸公共服務，證明政治可以成為一種向善的力量。

保守黨直至本港時間中午，只取得70席，預料最終只有131席，創下歷來新低。保住英格蘭北部選區議席的首相辛偉誠承認保守黨落敗，說已經打電話祝賀工黨黨魁施紀賢，權力將和平有序交接。他又說，對敗選承擔責任。

外界認為，施紀賢上台將面臨一系列嚴峻挑戰。

唔意外，預左大勝，係拎幾多咁解
反而法國個邊勒龐優勢減退

[肉羊哩咖]

死火，後加咗嘢添。點解保守黨仆直？！玄啲講句：升得越高，跌得越重。

[flpchoho]

作者: 肉羊哩咖

死火，後加咗嘢添。點解保守黨仆直？！玄啲講句：升得越高，跌得越重。

脫歐公投開始，往後處理眾多問題又好鬼難睇，加埋自己班友又唔爭氣，慢慢累積而成，變成今日的結果

----------------------------

英工黨獲下議院逾4百席黨魁施紀賢將成為首相　承諾著手改善國家

英國大選結果陸續公布，根據英國廣播公司推算，工黨已取得國會下議院超過半數的400席以上，贏得大選，終結保守黨14年執政。

下議院共有650席，早前票站調查顯示，工黨最終有望取得大約410席。將成為下任首相的工黨黨魁施紀賢在倫敦中部對支持者表示，改變從現在開始，人民授權是重大責任，承諾立即著手改善國家。

保守黨目前取得超過110席，票站調查就預料保守黨最終約有130席，創下歷來新低。保住英格蘭北部選區議席的首相辛偉誠承認保守黨落敗，已經打電話祝賀施紀賢，權力將和平有序交接。他又說，對敗選承擔責任。

https://news.rthk.hk/rthk/ch/compone...abChangeable=0

超過4百

[肉羊哩咖]

嚡，唔洗講到咁遠，好多嘢都係由 19 年保守黨掃場式大勝開始～

郭生會嚮英國時間下晝一點宣怖離任，而同日會晉見英王，之後施生會晉見英王接受任命。

其他細黨：自民破紀錄地獲得 71 席，綠黨同改革公司一樣只得 4 席。

總投票率下跌只得六成。