致mario0606:GZone書已摺，條link已死，麻煩你頭post剷link，thx

出o左11年咁就摺o左書，化學到呢…a

認真地講，係八掛書都跌既呢個時代，GAME書仲香港有幾多人支持丫，玩到11年已經好勁，至少冇聽到總編拎錢走佬失蹤呢啲事已經好好

而家個個上網睇資料,邊有人買
我都係join magv先dl黎睇

以前網絡未咁發達時 梗係要買本書睇攻略睇新GAME INFO...而家禁個制已大把資訊 香港D GAME 書仲要抄返網上既野轉頭 點會生存到 (不過以前買GAME書為工口PART 就是啦)

gzone最尾呢４期分析多
好少再搵上網D content farm,明顯每個都有心寫好多
不過有幾多人肯受係另一回事

頭post d game書link，除o左動漫廢物電台，條條都係死link，又要麻煩mario0606剷link

其實而家都唔係買「資訊」，係買「文字」
屈你而家買返去，中間game資料7成都無睇，主要睇頭幾頁新聞，尾幾頁太郎天地/blog/編者話（話說個龍門陣都無睇，成日睇到黑人問號.jpg）
其實睇少左game部份，其中原因係少左時間打機，玩嘅game自然少左

以前我都會買GAME書係為睇攻略, D關點打D隊點組又好,將所有支線同隱藏野搵哂出來既完美攻略,劇情攻略又好, 個編輯自己打過又鍾意隻GAME, 再用自己文字寫返出來係唔同D.

然後唔知幾時開始，D劇情攻略同完美攻略幾乎消失哂，淨返完全無價值既流程攻略仲要係抄的。

再唔知幾時開始，一本GAME書連攻略都無

BTW: 我對D專欄完全無興趣

咁講，自從當年有「一期完極速爆機」呢樣野後，仲想D game書有咩質素？

同埋上網影片攻略更加方便
前排打WatchDogs2卡關，揭屈你本別冊攻略搵唔到，上網打名成條片出黎，又影D理解點過

的確，家陣要攻略既GAME好多時地圖都幾複雜，CAP圖+地圖+文字始終唔夠一段片過簡單易明。

依家根本不需要攻略，遊戲已經好~~~~~明確咁話要做乜，即使係仁王呢種HARDCORE，都唔係太需要攻略。
再者依家又有中文版，咁劇情翻譯都可以慳返

出一期完攻略不論是書、讀者還是編輯都是輸家，不過果陣時某本書除了一期完攻略就好似冇嘢好寫，主編問題冇得搞

好多時香港開頭做既嘢係好出色，但唔知點解最後會咁樣，人地巴哈由BBS變大公司，人地TGBUS果堆由亂七八糟，變有文有路，香港GAME編輯有冇料?有料不會做喇，冇料會否會做呢，呢樣好難講。寫稿好多人識，但做好書唔係有幾多人會做。

如果真係講「需要」既，其實冇咩係「需要」既。
唔打機又唔會死既

仁王搵溫泉在下的確要睇攻略先快手搵得齊，關卡就的確在下都覺得唔駛反正FARMING無雙黎(不過唔代表真係絕對冇人需要)。
其實考察亦可以寫唔少野，不過在下又諗唔到有咩動機要自己寫

嚴格黎講,動廢已無UPdate game 節目.. D人走左

話說屈你個WE區, D能力值張圖細到D金球圖黑人問號

以前GAME簡潔出圖OK, 而家太複雜, 出圖有時真係睇到問號, 除左寶物地圖真係實體化好有用

其實好耐之前做視頻攻略先有用，甚至是用大圖畫箭嘴先得
睇字真係好多時睇死人

其實考察好難寫，仁王呢種有背景就話有題材，一啲好似鍊金術士果類寫得啲乜，仲有呢類又花時間又花功夫但只係計1Page稿，之後還有十幾PAGE，條數唔好計

今日見本E＋娛樂十蚊一書三冊得百幾頁

我正正相反, 覺得某d專欄幾有趣

攻略方面, 我多數上youtube, 文字嘢就wiki多

好明顯我同你就係典型嘅兩類唔同讀者

所以有時做書, 真係幾考功力

攻略放得太多, 可能會令我呢類型嘅讀者覺得本書無嘢睇....

但係如果到專欄太多, 又會令你呢類型嘅讀者覺得本書九唔搭八

點為之剛剛好("just right")呢, 真係幾考起人....

最抵死嘅係, 你呢刻嘅「剛剛好」, 唔代表下一刻嘅「剛剛好」仍然係呢個要求

有少少似我之前睇過一個名廚嘅訪問

一個 專業/好 嘅 廚師, 係會連天氣都考慮埋, 再因應天氣變化而改變調味份量/烹調時間


x2

所以你問我嘅話, 呢個時代, 一本game書嘅生存價值, 就係作為一個出色嘅information hub!

再講白d

就係:
1. 幫你慳到時間 ;
2. 俾到d你網上唔太輕易搵到(或需要太多時間先可以整合到)嘅資訊過你 ;
3. 幫你開闊咗眼界, 之後可以用一d全新嘅角度去 玩/欣賞 隻game

就正如陳某本火鳳一樣, 令你進入「八奇嘅思考領域」


我受

最少我有買到最後兩期支持吓
(因為我當時無點留意呢條thread...)

亦唔怕好直白咁講, 我當時有睇過GAF呢條thread d post(大概係第590期出咁上下時間,有追返GAF d舊post), 大概明明地GZ有咩「內部問題」

之後咁啱經開便利店, 見到嗰期(尾2,第590期)GZ個封面嗰五隻(用字好微妙嘅)大字, 會心微笑咗一吓

咁就好自然地會想望望(八卦), 睇吓佢哋搞邊科, 跟手緊係快手咁揭吓, 睇吓有d咩

同意你講, 真係分析多, 唔似係content farm料
(當時喺便利店只係齋睇標題, 都覺得唔似印象中嘅GZ)

但令到我買書嘅, 主要唔係呢d嘢, 而係三頁紙

兩版係 MS 嘅感言, 一版就係 永高 嘅 生涯回顧(上篇)

呢兩篇文章, 你可以好明顯感受到咩叫「有血有肉」, 咩叫「有溫度嘅文字」



好奇一問, 尾3(第589期)同尾4(第588期), 其實有無咩特別嘢?

因為如果有, 我其實想去補購返

在此先謝!

最易寫/化算一定貼大圖寫爆機記敘文架喎，咁一期完FIT晒要求，又威又唔嘥時間

不過是但啦，反正呢行大概直至滅亡唔會有咩改變

其實講來講去都是同一個問題,紙媒不夠快
本來轉向深度是出路,但這樣的人工,這樣的工作量,是就算人肯把命都交出來,亦於事無補的程度,前面一直說的攻略,寫攻略幾花時間我不重提了,在寫攻略之餘還要兼顧一堆頁面,質素哪可能高?但降低質素寫快點寫多幾頁可以請少點人嘛,香港有哪行不是這樣捽到你一個人做兩人份,一批新人燒完下一批(有哪行人員流失率如game書高?),書水準一直跌,先天不足後天不良,讀者流失然後就當然GG了

GZone所謂「內部問題」本來根本不是問題,但書一跌就甚麼都是問題
當然我知道,大家中意食這種花生嘛

紙媒要同網媒鬥快根本就無得鬥。

鬼頭GAME書仲可以生存到，多數就係靠獨家專訪。

胡說似乎就上次依度單野回應

GW依2期對於MHW感想
我明好多人想係PS4度玩MHW，寫感想唔係問題
但用埋D眼字、內容，真係偏到呢

deleted

關咩是呀
先唔理CHRONO搞風搞雨
本書個死因係冇marketing team
老闆又唔肯投放資源搞ONLINE(網又好,FB又好)
少廣告,靠賣書
頂到11年算係咁