今日打少咗好多高波, 冇出高治. 前場組織進步唔少, 不過好多時太慢. (如果有埋奧雲就更好 )

英格蘭繼續有運,
葡萄牙下場讓車馬

話說回來, 碧咸今場防守落力+罰波入佐. 除此之外, 無乜引像.

今場刻意打小組進攻, 之但係差少少. 唔好話幫高治, 但我覺得需要前鋒 hold 低波等中場湧上黎去波, 無佐哩味又打少一翻. rooney 打得唔錯, 但他是勇往直前型, 比較少用心 hold 波等後面支援上... 此終都係要執一執 (其實今場厄瓜多爾後防打得好舒服)

雖然我好like eng. ，但系今屆wc真系打得唔系咁好
有d失望
而家去到8強己超出我期望

碧咸實可以考慮後衛吧
今場除防守及定點球,佢有走位進入對方禁區, 跟住就防守/定點球 , 極像踢國家隊的a.cole

朗尼踢法係咁, 不過多次接應佢果個就冇態

執就唔駛執, 祈多兩次禱得啦

碧咸似高爾夫球員
淨係擺定定既波佢先有份踢

出至某評述b

所以個mom比左撐後助攻的terry

我撐佢架~~
D人玩針對係咁架啦.....冇咩特出表現又話廢,入左罰球又話附碌......
咁我覺得謝拉特同林佰特仲廢......打左咁多場都唔知做乜,緊要關頭又唔見佢地幫到手....

除此之外....佢邊跑邊嘔最有印象...

其實, 我撐碧咸做隊長架！
無錯.....係隊中, 佢絕對唔係球技最好果個
但起碼, 我覺得佢好勤力,
好身先士卒！
而且講傳波, 講自由球, 佢絕對係頂級之列

最差既係...... 佢私生活太高調.....
同埋..... 佢娶左太麻煩既老婆
令人覺得佢唔多似足球員

其實論世杯既狀態..林柏特應該係最差果個...同球會完全係兩個人...同一個位既射波...好似琴日朗尼比佢空哂果球咁..咁都可以炒上比觀眾既

佢搵唔到自己個位置呀....
以前係車仔...佢可以好放心咁去射...依家好多位都要就住就住...
有時傳又唔係...射又唔係....
如果佢踢返車仔...一樣有大好表現....

對瑞典一場
謝拉特又護空門, 又頂到入球
反觀林8, 已經少了位置重復這個藉口, 但依然踢得不好, 明顯地狀態低下
我寧願選carrick, 表現一般但至少肯去拼

其實都係觀乎佢上場對千里達既統計...林柏特有3~4次既射門唔係太正就發起哂..但謝拉特就射兩次都中之餘有一球世界波...壯態好似比下去...但琴日果場兩個都係差

林伯係似己經失信心，
有一腳可以射都橫傳俾Rooney,
仲要俾失

http://www.youtube.com/watch?v=w1zXVXFNjLc

咁又唔可以用廢字形容, 當然你都因為人地講碧咸先咁講. 問題在於, 謝拉特/林拍特 在國家隊裡面係一個陌生的位置黎. 碧咸 的工作, 球會同國家隊都幾類似, 所以佢做晒自己的本份, 再加上用意志黎到踢得更好. 反觀謝拉特同林拍特其實在球會, 並唔係做哩類形角色, 好似琴日講波佬話齋, 佢地都習慣佐一個人背著成隊波. 返到國家隊有同一類球員, 點樣踢都係會唔慣.

所以其實唔可以賴球員, 有咁o既球員俾你揀, 我覺得領隊有責任去同哩兩個球員傾o下, 分付佢想點樣去運用哩兩個球員. 琴日上半場我感覺係根本無咩實際指示, 所以見到佢地兩個好亂. 下半場就好番少少, 因為睇得出謝拉特係知道佢係踢番利物蒲果種進攻模式, 而林拍特亦都後佐半格黎支援前面, 感覺上係順暢佐o既. 不過我都係覺得朗尼係後上衝刺球員, 打 4-5-1 的單箭頭, 佢唔係 hold 波就應該難o的發揮到個效果.

anyway, 經過今次世杯, 謝拉特/林拍特 的分工愈來愈麻煩. 睇o下麥卡倫有冇辦法執掂佢地

上半場好似係林伯踢前d...幫下朗尼......而下半場就改為謝4上前d..我就覺得下半場佢地好似分工分得好d喇~不過林伯真係唔係好妥...無晒信心...昨晚有一球佢平時會射o既..但佢就無射傳左俾朗尼...希望過左呢幾日佢心理狀態會好d啦...

話林伯同謝4踢陌生位置...咁碧咸最初曼聯踢右之後o係england轉左做中o個時都ok架...雖然真係無踢右咁好...但我覺得係要睇球員本身o既心態肯唔肯去改變...林8同謝4都踢左咁多場...仲未知道究竟要點踢??艾歷臣又有冇同佢地傾佢地要點踢呢...如果只堅持自己一套而無去落力嘗試融入球隊o既話...咁就真係危危乎啦...

林8同謝4都係好球員...但當兩個都係靈魂o既時候..球隊就無所適從...

既然大家講林8...我有d意見關於佢既...
我有時覺得林8並未到達世界級水平,可能係係球會級同世界級之間啦
又或者應該講佢並唔係一個有能力改寫戰果既球員
當然,佢絕對係一個好球員

可能好多人會認為碧咸比林8差,如果林8唔係世界級,碧咸更加唔係
我只可以話碧咸隨著年齡越黎越大,改寫戰局既能力亦都冇以前咁好
不過我覺得佢經常好勤力走多兩步,助攻助守,將個活動範圍擴大,去離補返佢既弱點
我諗冇人會反對碧咸既長傳&罰球現時仲係英格蘭既其中一樣武器呱??

至於林8係車仔踢到識飛,某情度上真係太多人backup佢啦
後面有艾辛同馬基里尼幫佢頂住,前面又有個"呀呀咋咋"既杜奧巴幫佢開路,回傅俾佢遠射
所以其實佢係車仔踢得真係好簡單,好舒服
相反係英格蘭冇左果3條友,加上有個孖生兄弟謝4,所以感覺即時被比下去

純粹個人立場,冇乜唔岩聽,當我冇講過

我一向都話, 今屆英格蘭係靠beckham叫糊. 所以都咪話beckham唔重要
睇佢地做生波果個能力, 真係好鬼危, 靠beckham 處理d死球穩陣好多...

我琴晚一同完我老豆講完lee句, beckham就即刻入罰球XDDDD

其實無可能二選一
林柏特同謝拉特同時在場,中場搶波一定係最好
如其要短時間內改變,不如打返原陣,至少唔會咁易失球先
同埋林柏特有實力既,只係發揮唔到姐
所以,雙特值得正選

咁我又係講得厭重左,但係唔該大家公平小小,特別係某球會fans club o個人.....佢自己球會o個個打得差就提都冇提.....就硬係要針對住碧咸....呢d呈口舌之勇o既人我真係睇唔過眼囉....
如你所講啦,碧咸佢做晒自己的本份,要一個唔係打快速落底o既人落底咪即係要佢打得仲差....d快翼要佢企定定斬波,射罰球呢d工作咪又係唔掂....講到尾....都係睇領隊想點打....大力神係唔係叫碧咸一有波就盡量斬上去,定係佢自己o既意思呢,我地都唔知,呢d真係佢地先知.....
謝4同林8 o既分工,講真....佢地真係好慘.....有咩都你地講晒....我都唔補充喇.....呢個我諗大力神都有責任.......希望有朝一日可以有個領隊搞得佢地掂.....

可以每人打半場

其實我都對碧咸個位幾矛盾

首先碧咸係罰球方面對英格蘭肯定係一個殺著
因為英格蘭基本上生波組織唔到咩攻勢
係禁區外傳來傳去但係拉唔出空位
吊上去又冇人接應
打一前鋒更加覺得朗尼係跑來跑去好勤力
不過做唔到d咩威脅出黎
睇今屆d入波都知
一球老烏一球罰球兩球頭鎚兩球世界波
英格蘭係打唔出組織波
所以係出碧咸既時候碧咸d罰球的確係最有威脅

不過
碧咸對於組織攻勢上基本上係冇咩用既
大腳斬又冇人接應到
佢又甚少落底
d直線key pass又見唔到
加上加利仔唔係度
右後o個個(無論夏格/加歷查)又殺唔到上去
所以右路基本上係癱左既
尋日o個場都見到好多波都係係左路上
而如果出左Lennon既話
起碼有d突破能力
可以高速殺落底出波

所以你話點揀好呢
留番招必殺技棄右路攻勢好
定唔要招絕招令右路生猛d好呢
[不喜勿插]個人覺得如果碧咸打到右後就最好[/不喜勿插]

都係果句啦,碧咸打閘英軍死得仲快