今日 ED 個通訊，公怖 Kola 半島地圖早玩版，下星期五，三號上架，詳細唔多，連售價都未見，不過必買。

又公怖埋新嘅 Flaming Cliff 2024 版，加入 MiG-15, F-86 同 F-5E，買咗 FC3 嘅，只要科多 US$9.99 可以要埋呢三架機。前兩部毫無興趣，部 F-5E 又一早買咗，Pass

Kola 半島包幾大，見下圗:

Kola 終於出咗，好耐無個「綠色」地圖，面積話大唔大，但係容量要成 1.4GB，地圖又比較空蕩蕩，好多嘢唔太細緻，唔係咁抵，但係作為先玩版，地緣上絕對特別，算合格。

https://www.4gamer.net/games/518/G051804/20240505001/
「DCS World」，北極圏のホットスポット，コラ半島を含む広大な土地をカバーした「DCS: Kola」のアーリーアクセス版をリリース


https://youtu.be/dAwPOjgonqg

唔好脫期就得喇，F-4E 公怖 5 月 21 號有得玩：


唔好畀上面條片誤導，F-4E 纏鬥唔掂㗎～

F-4E 臨近，大量你管片講點玩法。尤其個 Jester 2.0 AI 乘員系統好似好咗，而呢個系統亦會移殖返去 F-14， 好嘢。

另外，今期個通訊講有個場景包，造得細緻，又免費，連公司都拎出嚟噏，有返咁上下份量：
https://forum.dcs.world/topic/316316...te-march-2024/

好嘅唔靈醜嘅靈，F-4E 要等多日，廿二號先出。睇睇埋埋嘅你管人整啲「予告」，鍾意呢部名機嘅故然（好可能一早已經買鬼咗），如果鍾意炸嘢，幽靈 II 絕對係架「炸彈貨車」，當然，對嗰個時期嘅機體有興趣，喜歡挑戰對駕駛技術有要求嘅戰機，咁就有多一日時間趁預購特價賣。玩開 Steam 版嘅，無得預購，但開賣初頭會有同樣特價。

點都好，令人期待。

出咗 F-4E，連埋個大修正檔，好唔得閒，遲吓再講！

最新版除咗備受嘅 F-4E 幽靈 II 之外，DCS 就係咁，有新嘢上就一定跟埋多多少少嘅修正版，呢個修正版就大囉，主要有：

• 炸彈可以嚮任務編制器入面預先設定「feel 屎」，包括高低阻炸彈，GBU，CBU，JDAM 等炸彈。
• 早前提過嘅 Massun Asset Pack 正式成為 DCS 嘅一部份。
• VR 控制器撳掣模式改變，而 LEAP MOTION 嘅驅動程式更新。
• F/A-18C 同 F-16C 架駛員個款改良咗。
• 阿帕奇多咗維修蓋，加入 FCR C-scope 同放大等功能。
• SA-342 羚羊多咗縲旋槳轉動模糊動畫。
• JF-17 新加咗個導航模式。
• 幻影 F-1 繼續有大量改良修正。
• 南太平洋地圖同 Kola 地圖，啲樹林修改過，令到佔嘅儲存空間細咗。（按：整 Kola 後面嘅係前 RAZBAM 員工，都係負責整南太平洋地圖）
• 仲有好多戰役嘅修正。

打到手軟，詳細新增修補如下：
https://www.digitalcombatsimulator.c...e/2.9.5.55300/

玩咗一個星期，感覺如下：

機體整體上係模擬後期型嘅 F-4E-45MC，翼嘅前端有可以自動申縮嘅 slate，叫做易飛咗；但係始終未甩到「有翼嘅磚頭」嘅外號。

駕駛艙：非常之細緻，但係可能架機相當老舊，整體上好暗好殘舊；二嚟可以話係 DCS 上首創，當架機拉高攻角嘅時候，唔只好似 HeatBlur 前作 F-14 咁成個座艙會震，呢度好多儀器電線都會同時嚮度震，好驚佢會跌一件半件落嚟，臨場感極好！可惜好多貼圖都未優化，起初 load 嘅時候會好慢。玩家可以玩前座嘅機師，或都後座嘅「武器崗位飛官」Weapon Station Officer，主要負責雷達，操作其他感應系統同埋協助機師飛行狀況等，好似 F-14 上面 RIO 工作，空軍版亦可以接手駕駛部機，但係前方視野畀啲儀器擋住，唔知點飛到。玩家可以前後座咁跳嚟跳去，亦可以搵個 friend 拍檔；如果係單拖，有個好以 F-14 咁 AI 系統可以輔助，玩家做機師嘅時候，個 AI 系統可以操作雷達無線電導航系統等。

空戰能力：F-4E 可以話係 DCS 入面第一部使用脉衝雷達，同時又可裝備可「視距外」攻擊嘅 AIM-7 麻雀空對空導彈。其他好多機體，好似 F-5E 同 MiG-21 都有脉衝雷達，但佢哋都無雷達引導飛彈；而佢嘅後繼機 F-14 同 F-15，都裝配咗更先進嘅多普勒雷達。脉衝雷達因為比較簡陋，無啲濾波系統，識別地面水面嘅回波，搞到想分辨出邊啲係敵機會好困難。另一個問題係麻雀係半主動雷達引導，飛彈發射之後，一定要保持住雷達鎖定，唔係支飛彈會即時失敗，亦只能嚮機腹帶四飛，多都無，唔似 F-15 同 F/A-18 帶都咁多。可以同時載四粒響尾蛇紅外線飛彈，同埋著名嘅 20 毫米機炮，要留意叫得做「飛磚」，唔好旨意佢好似 F-15 同 F-16 咁靈活，更家比唔上佢個宿敵 MiG-21 咁，擅長纏鬥/狗鬥。

對地轟炸能力：如果有玩開 A-4E-C 嘅老細，去到呢度會有似曾相識嘅感覺 -- 由於嗰陣啲電腦仲未有咁先進，投「蠢」彈基本上係半手動，有好多模式，機師亦要跟住參數：好似目標矩離、高度、對地角度同投彈時嘅速度，先會有較高嘅準繩度。機體幾方便，有個「計數機」，只要入咗上面啲參數，就可以計出準星要嘅角度，就照住飛就得；另外，唔只齋「蠢」彈，可以使用精確引導武器：電視、紅外線、以至激光誘導嘅飛彈同炸彈，亦唔少得火箭彈，同埋早期嘅反雷達飛彈百舌鳥。除咗種類多，數量都唔少嘢 -- 如果 A-10C 叫得做「炸彈貨車」，F-4E 可以話係「炸彈貨櫃車」：單係 Mark 82 呢啲 500 磅炸彈，佢可以一次過拎 24 粒咁誇張，留意佢同時裝齊前後 8 飛對空導彈。作為一個多用途平台，又唔係太貴去維護，唔怪得南韓到今年（無打錯）先至除役～

小結：講返隻 game，落唔落手真係好睇喜好，部機對駕駛員嚟講極度有挑戰性，好多嘢手動，仲要空優性能比現代機體爭一大截；想玩最好有個拍檔幫手，事關佢個 AI 仲未有 F-14 咁好用，個模擬即使係而家仲係早玩階段，個人覺得真係相當可觀，會推薦畀真係對部機同時代有興趣，或者一心想挑戰一下難入手機體嘅老細參詳。