https://www.mytvsuper.com/tc/program...B%8A%E6%97%8F/

https://zh.m.wikipedia.org/zh-hk/%E4...BB%8A%E6%97%8F

見佢個演員陣容OK又台慶劇咁睇咗,
暫時睇咗三集都幾搞笑,
感覺林敏驄成日爆肚,d對白好精警~!
個一味靠黐的麻甩佬朋友又好搶鏡。

第一集一開場無耐江美儀件戰衣就玩黑絲儀…
「有無d車位死過人,可以再平d?」

不過,去到鮑起靜帶隻狗入超市聞水蜜桃果段就胡鬧咗了,
同埋佢住公屋偷偷養狗都可以聲大夾惡咁投訴門下個看更真係唔太合理囉。

咩加拿大燒乳鴿被驅逐離境…
佢個囡生番嚟。

睇咗一個星期,
本身個上車呢個主題係貼地的,
佢未拍到太離地已經OK收貨~!
最少呢套劇係照顧香港觀眾口味的作品先,
會煲埋佢,希望結局唔係叫大家去大灣區置業啦。

「你以前會扶阿婆過馬路 宜家無電視睇就欺負阿婆」果幕笑咗…

今晚果集,
無諗起大台830劇會出場「先生,你有無性侵你個女呀?」呢種對白。

片尾鮑姐深夜用電鑽果幕,
拍到好似Juno果套《殭屍》咁~!

原來套劇有成廿集咁多,
頭十集個節奏都幾明快笑位又密集,
但今個星期呢5集就明顯係拖長嚟做,
如果剪到15集左右的長度應該會好睇好多。

鐘意睇林敏驄、江美儀夫妻+關家(老豆、囝、新抱)+朱凱婷的八掛表妹劇情,
鮑姐個麻煩老人設定得太胡鬧,
雖然佢想解釋孤獨老人會刻意做埋d癲嘢引人注意,博人關心一下,
另外,個細囡又係設定到好低能咁,食乳鴿、放狗變放生等…

睇預告最後一星期好似會踢爆乜都係為呃間公屋住,
鬧交戲+親情重要過一切End?

大結局完得有d hea,
頭十集係好睇的,笑位密度高同無乜大台公式feel先,
可惜播到第三個星期(第十五集)開始就開始拖長嚟做,
搵狗、阿婆玩車家、三角戀咁,到
結尾又變返大台鬧交後先發現親身最重要的說教式完場…

雖然尾段劇情唔掂,但演員們演得好,
難得佢無叫大家返大灣區置業同搵新機遇,
不過劇中成日講樓市有升無跌的時候,
香港樓卜市跌到地產公司都要裁員喎。