港產片小post又小回覆，不如總合一個

講下今星期睇咗呢兩套

緣路山旮旯： 想和妳去兜兜風
岑珈其男一，余香凝女一，再加其他四段情緣，啲情線基本上都幾平淡，得男一女一果條有啲化學作用，不過好似兩位本身friend底先有加成效果？ 戲中男女主都係IT人，行業笑料唔多，反而時常玩一個導航+搵食app去製造笑料，當然仲有男主啲兄弟幫亦係笑料來源；而設定每個女仔都係住喺香港啲山旮旯地方實情係導演要帶觀眾去睇呢啲暫時仲存在而又幾靚嘅地方，整體都睇得幾舒服，算係一套暖心遊曆香港山旮旯嘅小品，可以一看

阿媽有咗第二個： 你唔係外賣仔
毛姐+姜濤+阿Jer, 又有岑珈其，唔通我做咗珈其fans
彭秀慧編劇及執導嘅家庭倫理溫情片，主線就係姜同jer呢兩個本身有問題嘅家庭交錯上而引發嘅事，再加上毛姐呢個原金牌經理人師奶人生再出發要帶姜出道造星，setup就好王道，不過啲睇過N次嘅家庭問題都work, 同場都有人睇到包雲吞；姜糖就應該好開心，姜B基本上做自己又成日有姜歌聽，最後仲有完整成隻歌送給妳；毛姐當然好戲，Jer+姜都交到角色需要，睇落都幾自然；jer劇中都有一隻英文歌做BGM; 反而估唔到造星阿CY會學生look做阿jer同學仔 又另外有二位音樂人客串，整體合格以上，係姜糖的話應該晨早買咗飛睇完㗎啦

山旮旯考慮到得2xx萬Budget，但個Concept又要去咁多個地方加5個女角，都預左從簡，但實際上比我想像中更簡.... 只係好彩主角IT Background，方便佢用導航+搵食app做故事間接駁

飯戲攻心，唔掂，尷尬位多過笑位
失望，有林明禎吸引下眼球救番少少
由手機版發出

啱啱埸飯戲，全埸d人係識笑同唔介意笑出聲，氣氛幾好。
但我更欣賞一間屋困獸鬥文戲既對白

睇完飯氣攻心, 個flow同玩法都好似都係古老闆嘅闔家辣, 都係困獸鬥式家庭處景喜劇, 不過呢套好睇好笑啲, 有明禎養眼, 啲笑點都冇咁老尷, 啲背景道具都有心思, 有真正家feel啲又有港味

抱住好大期望去睇, 但都冇失望。呢套真係好高質。

雖然有笑位, 不過我唔覺得係喜劇。最後個message直情令香港人喊得出。

飯氣攻心...
真係講好多, 好唔好就各有所愛, 我就麻麻地LA, 搵得子華做都真係要預左呢點.
明禎係養眼, 但有佢就令到呢埋文戲同套戲變得重要同好睇左.
我幾欣賞扮三弟既陳堪文, 佢既表情做得好好, 配上對白後好生動, 對比起子華同張繼聰, 雖然佢地於對白上表達得好有情感, 但就係欠缺呢樣動態表現, 對呢套戲黎講都仲可以接受, 因為困於一個空間內重覆咁表達.

緣路山旮旯...
睇左3次(我唔鍾意用個掃字黎形容), 因為好睇所以睇3次?
唔關事, 我係欣賞爺爺既表現, 同埋成日有人話香港靚景邊度無拍埋出黎等等,
今時今日你想一個投資者肯俾錢你去拍一套日本風情畫既電影真係彩你都傻, 同埋靚既角度等等都好主觀,
用有限既BUDGET加埋咁既陣容寫入故事串連起黎拍得出咁既效果真係好難得.
睇完散場都聽到有人話想去梅子林睇下, 都未嘗對呢套戲所帶出既好事.

闔家辣...
呢套係我意料之外覺得好睇既戲, 我唔係鏡粉FANS, 我只係以一個欣賞電影角度去睇套戲,
EDEN又真係做得唔錯, RONALD就唔駛講LA, 梁詠琪都係亮點之一, 同埋君如呢個角色... 我覺得表演上比神奇小子既媽媽角色做得仲好.
故事上無飯氣攻心咁緊逼, 所以放輕鬆咁睇會覺得幾開心.

今朝睇完一路瞳行...

紅姐真係做得好好, 尤其是隻眼都有戲嗰下勁.
好感人, 以真人真事改編黎講真係合格有餘.

我自己幾鍾意《緣路山旮旯》
但其餘兩套同你相反，《闔家辣》當賀歲片笑下就得，對比《飯氣》人物角色弱，無塑造，所有野都好平面，，而笑位明顯《飯氣》自然好多，《闔家辣》就係賀歲片果種我要你笑果種

今次個老闆應該冇同黃生講「搵你地拍呢啲」，不過下套講大狀伸張公義，於今日香港可能未免太科幻…

如果係2019甚至2020前, 我一定捧場。
不過依家呢個題材真係太離地, 仲魔幻過明日戰記。

無錯, 所以闔家辣真係輸左個賀歲檔期, 否則應該仲收得.

飯氣對白上的確夠貼地, 就係咁所以好多人鍾意.

《明日戰記》邁向7000萬
《飯戲攻心》超過5000萬
《阿媽有咗第二個》3700萬
《闔家辣》過3000萬
《緣路山旮旯》過1000萬
https://www.facebook.com/photo/?fbid...22031956599267

今年港產片票房勁阿

啱啱先睇左， 感情線得最後果條好少少，前面果D太簡單， 不如減少一兩條然後其他講深入啲。而且話sell靚景，但我覺得佢拍景拍得唔夠多唔夠靚囉。航拍用最多竟然係巿區，究竟想點？

原來舊年上嘅港產片係近年最少：

Wow，原來上年得廿七部香港片，應該有史以來最少了。 pic.twitter.com/zmOmSxm07s

— Ka Ming 家明 (@kaming) January 5, 2023

不過質素同票房就唔差, 好似飯氣同迴廊。

結果都係睇咗毒舌，結果個編劇用最簡單方法非科幻化咗佢

套戲係好睇, 好熱血, 可惜現實係比套戲更黑暗。

毒舌大狀：
好ok，隻角色fit 子華做，又係成套每個人物都表現得唔錯，係拍咗fish同王丹妮早已認識，但又冇再運用呢點有啲怪；特登時光倒流回那些年去說這個故事，倒有啲弦外之音感覺

天龍八部之喬峯傳：
宇宙最強打得依然好好睇，好似好耐無打得正嘅古裝武打片睇，文戲就相對平平，不過內容都已經被改編過無數次，主要為睇打入場也無妨

給十九歲的我：
這是紀錄片，原本係為英華女校換校舍而拍，2011年開始紀錄六位少女成長與換校舍過程，期間新校舍停工又發生連串社會事件，最後成品變咗包含香港近十年記事，最估唔到名校都有問題學生

似係影射當年陳方安生個細佬單野。而且講有人隻手遮天, 點夠膽話係近年?


見到佢舞劍已唔想睇

呢套等佢正式上畫。

問題學生無分名唔名校既, 不過其實都唔算問唔問題既, 人就係咁, 好似話做PREFECT嗰個女仔你覺得佢又有無問題?

人大在去睇呢套戲個感覺就係做人做事綜於自己就算LA, 人睇人實有問題, 但問題本身只係過程一種啫, 有時避免唔到就當係一個過程就算LA.

個性最強個case有曬解讀，係家庭背景引至，其實過咗就真係人生小事一宗，反而其中一個睇佢唔順眼個miss先係問題，反觀其他老師同兩代校長真係好有愛，係真正值得respect嘅教育工作者

https://www.hk01.com/電影/861331/給十九歲的...edium=referral
正式上映前再re-Union