路過
去到結婚先會因為這樣的問題而去想分手，我覺得你真係愛極有限，唔係潛意識已經想分手，就係你根本害怕負上家庭這個責任。
想唔想生小朋友，我想唔會你地就結婚先討論吧？如果係，咁你地都係唔好結好過，連一個普通朋友都會吹水吹到的話題都無討論過，我唔知你地日後點相處。

其實你女友想要小孩的話
你冇理由衣家先知..
你應該一早知...

我係到既形象差嘛

謝謝各位指點,有點兒諗通

同佢相識冇幾耐已經傾過這問題,不過到現在預備結婚重提舊事,同要好好傾掂先

唔係喎！呢個真係一個大問題，
絕對要結婚前就講掂數。

我同我個前女友都係因為呢個問題，
講左幾年都達唔到共識，最後仲分埋手。
(當然呢個只係"其中一個"分手的原因)

不過我同樓主的分別就係，
我勁想要小朋友，而我個前女友堅決唔要。

雖然呢D野有「可能」結婚後思想180度轉變
但如果可能唔生效，就誤左雙方....

而家傾下先啦...
傾下唔想要既原因，有咩野方法減低個因素...etc

呢個問題真係要結婚前傾掂先好d...
如果只係嫌細路煩or唔想多個負擔既,日後都重算有可能會改變想法,
但如果係本身成長經歷而唔想有小朋友的話就比較難改變~

樓主都係同女友認真再傾下先la,
如果都係攞唔到共識,我覺得樓主放手會好d,
雖然放棄一個會想同佢結婚,希望一齊生活落去既人係好可惜,
但總好過累埋個細路,3個人都唔開心

點解樓主唔係諗方法定搞定問題 而係去諗分唔分手好？

= = 呢d野未必一定分手先解決問題...

其實如果攞唔到共識的話,除左分開重可以有咩方法?
呢個問題始終要有一方妥協,無理由試下生左先,接受唔到就送去孤兒院吧?
生左就無得返轉頭,好彩既就屈住唔開心一世or離婚,唔好彩盞害死佢地...

好想知有咩高招……

如果男唔要細既，女要，叫既女生完擺去第二度養？

如果女唔要細既，男要，叫既男搵個mistress生，生完由個mistress養?

其實要小朋友 有乜唔好呢?

我個人覺得的確是可以考慮到"分手"既地步......
始終生一個小朋友責任很大 而且分手、離婚、有小朋友再離婚大家又覺得那樣比較嚴重?
=================================
雖然說得比較恐怖，不過我是不建議分手收場啦
有時生小朋友不止是兩個人既事，很多時還是兩個家庭的事
可能自己亞媽 / 未來外母好想抱孫呢? 未來外母就都算( )
唔通到時又要嚴重到要脫離母子關係? (純粹講笑)

人在不同階段的想法會變的，有人結婚之後沒小朋友 覺得家庭會有個缺憾，
又可能經濟問題 沒能力給孩子一段人的需要( 雖則我也很討厭沒能力還要生一堆小孩的....)
自己過去的經歷，甚至是對世界的未來死心
原因可以多得很

如果因為不想要孩子而吵架，倒不如跟另一半討論一下不想要小孩原因是什麼吧?

咩都好, 無錢最唔好, 特別係香港地

咁...要小朋友又有乜好呢?
要講既兩邊都可以有一堆想要/唔要既原因,根本無絕對正確的答案...

首先~ 你我他, 都係生出黎,咁自然的事,成年左去生育不對嗎?
所以係唔想生果方必需提出充份理由去推反,而唔係想生果方provide 有幾好law

你我他,有權選擇出唔出世的嗎?
就好似有小孩係開心,健康既環境下長大,
亦有d人為左綁住對方,or為自己利益而生小孩,
呢種事成日都有,呢種情況下生活既小孩算幸福嗎?
出世前你無機會知道or選擇出唔出世,但出世後有權選擇之後既路黠走

每個人都有想要同唔想要小孩子的理由的
理由呢d好主觀,我覺得啱唔代表你覺得啱,
我自己覺得討厭小孩子而唔想生已經係一個好充分的理由,
或者有人覺得而家唔鍾意唔代表以後都鍾意,但邊個可以知道以後既事?
如果結婚幾年之後發覺都係接受唔到,唔通個時先離婚?

我自己無宗教信仰,亦唔同意為左傳宗接代而生小孩,
生小孩應該係兩個人有共識,希望有屬於佢地的下一代而生,
而唔係單純話生小孩係自然的事就去生,到生左先發現有問題的話已經太遲...

點脫離，kui都係你阿媽，唔到你揀。

但老公，老婆，原本就係陌路人。道不同，不相為謀。

好一句道不同，不相為謀

講真，而家呢個世界，又或者唔好講到咁大，呢個香港都已經夠多人啦
而且日日返工行街搭車都見到好多「死小孩」
仲有好多唔識教細路嘅父母
……

如果因為呢D原因而唔生小朋友，我覺得都無可口非，始終養大一個小朋友係要有好大責任先至得
唔係話成年人就一定要生育
個個人都有權去選擇要定唔要下一代

得唔到呢個共識而結婚，之後互相埋怨好咩？

因為呢個原因而分手係咪兒戲，其實真係好觀點與角度...


或者退一步諗，自己唔想要小朋友的諗法係咪咁堅決??
正如其他版友講，可能過一段時間你會有所改變

生仔呢D野，講真你等得，你女朋友唔等得
俾我，我都唔想自己做高齡產婦


最好都係講清楚大家想生/唔想生的原因
但唔好去否定佢想生/唔想生的理由，因為呢D野根本就無絕對的答案

聽完佢的諗法之後，再用佢的角度去諗下，睇下自己個諗法會唔會有改變?

我唔想要小孩既原因係,要養一個小孩唔少錢就唔在講,如果生得佢出黎就得要負責任

供書教學,衣食住行已經夠煩,仲有吃喝玩樂等等問題,同埋唔鐘意「死小孩」

仔既話就唔太喜歡,女既話好d(我應係蘿莉控),不過到時有公主病就幣......

簡單d講嫌麻煩、錢銀要洗好多同唔想害左一個新生命

而佢思想就較傳統,要傳宗接代

呢個問題其實很重要,更重要既係呢個問題有時限性,解決唔到就好可能要分手...因為女方如果堅持的話,佢不能等你太多時間去改變心意

唉......
如果可以將我個前女友，同你個女朋友的思想掉轉，
咁我就唔駛同佢分手，而你又唔駛搞到咁頭痕......

咁你認該為左大家, 應早點分手,唔好浪費人地青春....

你諗得太復習左.......

複雜!? 呢個問題好重要!!!
邊個保證佢生左出黎之後真係會鍾意個小朋友?
遲d可能唔係咁諗, 遲到幾時?

如果你既小孩係死小孩
一定係你做父母既責任
想自己小孩唔死既, 自己搵岩方法教好佢lor!!!
怕怕怕怕, 怕有咩用?????

算啦你
你講咁耐你心裡都有答案啦 =.=
你數咁耐都係想分手je, 分lor
不過你到n年後睇番件事, 為左咁少, 可以好好傾既問題而分手
你會覺得自己好幼稚