曼聯躉紅魔鬼地帶[VOL.101]

[Busconcamp]

麥湯入替奠勝 曼聯2：1突「維」4連勝

【Now Sports】曼聯周日在英超尾場，靠海倫和後備上陣的麥湯文尼各建一功，作客以2:1力挫排名在他們之上的阿士東維拉，並在各項賽事4連勝。

近況回升的曼聯，幾乎維持原班陣容應戰，除了中堅位置因利辛度馬天尼斯又再受傷倦勤，要由哈利麥佳亞夥拍華拉尼。上周中在英足盃出局的阿士東維拉，將迪拿曼斯放在後備席，出了積及藍斯打左路。

開賽早段，基本上是曼聯的天下，壓住維拉後半場猛攻，海倫和加拿曹都先後起腳機會，當中後者在13分鐘的遠射，勁度十足惜只射中了龍門後面的廣告板，但踢至17分鐘，終藉角球攻勢有收穫，般奴費蘭迪斯右路斬入禁區，麥佳亞人叢中跳起頂贏對手，海倫門前補一腳入網，是此子近5仗所入的第5球。

落後的維拉其後開始站穩陣腳，造出浪接浪的反撲，但奧拿拿表現神勇，先補救自己出迎的失誤，在24分鐘撲走麥堅的禁區外射門，1分鐘後再封出奧利屈堅斯的半單刀機會；下半場開賽不久，屈堅斯再有一次禁區內的撞射，可是又過不了奧拿拿。

其後，積及藍斯也浪費了兩次有機會扳平的機會，但踢至67分鐘，維拉終於得到回報，與曼聯一樣是角球攻勢，奧拿拿雖然救出了朗格利的近射，但曼聯未能解圍太遠下，庇利禁區外起腳雖有偏差，但杜格拉斯路爾斯剛好伏兵門前補一腳，令奧拿拿終於「投降」。

紅魔被追和後再發動進攻，加拿曹有2至3腳射門都無法轉化成入球，但入替華舒福的麥湯文尼（Scott McTominay），在86分鐘成為致勝功臣，接應達洛治在右路的傳中頭槌建功，替曼聯以2:1全取3分，賽後繼續守在第6位，而且聯賽3連勝後，與第5位的維拉縮窄至5分差距。

[Busconcamp]

全場小分析

2023/24 英格蘭超級足球聯賽第二十四場

維拉 vs 曼聯

全場完，維拉 1:2 曼聯

大年初三凌晨有曼聯嘅賽事，作客對陣英超排名第五位嘅維拉，兩隊現時積分榜上雖然只差一位，但分數上仍然有一段距離，曼聯想要力追前四，就必須全取三分收窄與前四差距。今季維拉能夠晉身前五絕非僥倖，尤其中前場補強後攻力大增，曼聯今仗於馬天尼斯缺陣下，後防線能否頂得住壓力會係一大關鍵。睇返正選陣容先，坦帥只輪換麥佳亞一人，頂替上仗傷出嘅馬天尼斯，不過相信球員體能方面會比一周雙賽嘅維拉要好。

上半場早段形勢落入曼聯腳下，前場三子皆有表現，先係8分鐘福仔帶波推至禁區頂位置，一記短傳俾加拿祖橫傳尾柱被對手落腳封出，10分鐘麥佳亞接應角球跳起頂高出界，11分鐘一次黃金機會，曼聯球員前場逼搶下，賀隆攔下對方球權後交俾禁區頂嘅般奴，再回傳俾突破越位嘅賀隆試圖起腳被封出界。早段狂攻嘅曼聯於16分鐘把握到一次角球機會攻破維拉大門，般奴開出角球後，麥佳亞十二碼點頭鎚二傳至門前嘅賀隆，無人看管下左腳撞入成1比0，維拉後衛包越位。其後上半場中尾段時間維拉發力，奧拿拿先後多次救下維拉攻門力保不失，23分鐘對手禁區頂左腳勁射被奧拿拿雙手撲出底線，24分鐘又出迎封阻對手直傳成半單刀，26分鐘維拉左路挑射遠柱斜出。維拉直至半場完前都未能夠把握機會射破奧拿拿十指關，曼聯稍為失勢下以一球優勢返入更衣室。

下半場梳爾因傷被換出，換入連迪洛夫作防守，但左閘位似乎頂唔住壓力被維拉針對。開始唔夠一分鐘，福仔左路面對住四名防守球員，依然試圖推過並轉身起腳，可惜最後一腳無力射地波被對方門將接實。47分鐘奧拿拿再次守住大門，維拉右路一推傳中，門前有人接應撞射，奧拿拿有反應用手擋下，達洛治大腳解圍化解危機...中段時間60分鐘曼聯球員體能及速率都明顯下滑，跟唔上比賽節奏，當中包括明諾及福仔等人。維拉乘勢換入進攻球員狂攻，66分鐘憑住角球攻勢先開至尾柱，有人接應二傳小禁區再轉身近射，奧拿拿及時救出，但對手右路再吊傳入中間，門前有人接應撞入追和1比1。隨後加拿祖70分鐘從左路自己一路帶波推大位燙射，可惜僅僅射斜出界...比數去到86分鐘先再有變動，後場華拉尼吊傳俾明諾後，交俾旁邊嘅達洛治傳中，門前有後備入替嘅麥湯文尼頭鎚頂入再次領先至2比1，曼聯亦以此比數成功守到完場，最終曼聯作客贏維拉全取三分。

[Busconcamp]

龍年嘅賀隆先開頭炮，而賀隆呢個入球亦令佢以21歲7日成為英超最年輕球員能連續5場賽事取得入球的第二位，第一位為1998年於當時效力阿仙奴的法國前鋒安歷卡，當時為19歲239日。

賀隆對維拉數據：

11次傳球成功
85%傳球成功率
21次觸球
1次奪回球權
4次失去球權
2次越位
2次攻門
1次中框
1次錯失重大機會
1入球

[Busconcamp]

後備殺手嘅麥湯，今場繼續後備上陣且於門前把握一次機會頭搥破網，為球隊絕殺維拉全取3分，亦協助自己繼續成為目前球隊英超神射手

麥湯文尼對維拉數據：
4次傳球成功
80%傳球成功率
6次觸球
1次奪回球權
1次失去球權
1次攻門
1次中框
1入球

[Busconcamp]

麥佳亞今場於後防制空力強，而且面對屈堅斯都不處下風，更有餘力上前助攻賀隆取得入球，實在係贏波功臣之一
賽後被賽會選為MOTM！

麥佳亞對維拉數據：
47次傳球成功
80%傳球成功率
1次創造機會
1次創造重大機會
73次觸球
5次奪回球權
13次失去球權
3次攔截成功
1次封阻射門
3次頭搥解圍
1次犯規
2次攻門
0次中框
1助攻

[Busconcamp]

坦哈格解釋為何半場收起梳爾：「這是預防措施，梳爾提到了一些不適，我們不能冒險，特別是對於梳爾過去受過許多傷患，所以我們把他收起，以免受傷。我們必須看看未來幾天的情況如何發展。」

[Busconcamp]

般奴今場雖然未有入球或助攻，但係其全場奔走為球隊帶嚟無限動力，球隊被維拉施壓嘅一段多次見般奴回防包位，而且一直被人批評嘅傳球成功率及失去球權方面有好大改善之餘其實亦創造咗多次機會，似乎呢個中場組合令般奴慢慢帶回初加盟嘅光芒，且看前線點樣把握佢嘅傳送變成入球喇

般奴今場雖然未有入球或助攻，但係其全場奔走為球隊帶嚟無限動力，球隊被維拉施壓嘅一段多次見般奴回防包位，而且一直被人批評嘅傳球成功率及失去球權方面有好大改善之餘其實亦創造咗多次機會，似乎呢個中場組合令般奴慢慢帶回初加盟嘅光芒，且看前線點樣把握佢嘅傳送變成入球喇

般奴對維拉數據：
33次傳球成功
89%傳球成功率
8次創造機會
1次創造重大機會
57次觸球
5次奪回球權
10次失去球權
1次攔截成功
2次封阻射門
1次禁區內截擊
1次犯規
1次被侵犯