之前見免費電視台播《花椒之味》 (Fagara),
又有鄭秀文做女主角就睇咗,
其實套戲去到"破地獄"果幕之前都仲幾港產片,
「乜老豆信佛嘅咩?」果度幾好笑。
不過,之後"中國女兒"同"台灣女兒"登場之後,
套戲連"香港女兒"的對白都由廣東話變成普通話/國語就怪怪地。
同埋好難投入三個係葬禮第一次見面之後不久已經變好姊姊,
"大婆"的女真係會咁快接受"二奶"、"小三"的女兒嗎?
唔會有爭產問題果下已經怪,老豆淨低果間火鍋店仲要幾出名。
網紅"中國女兒"的性格同衣著設定,算唔算"乳滑"?
桌球手"台灣女兒"個外觀造型咁雄性化,索性定位做LGBT…角色會唔會更好?
台灣果邊又合法了。
任賢齊飾演的醫師角色,
係咪預告咗未來香港引入唔需要講廣東話好叻的"海外醫生"?
最後,點解要美化個風流老豆的行為?
佢食女食勻中港台,仲要到死都唔同長女講,
所謂原諒佢都係放過自己吧?
https://youtu.be/zsaZaYDO8LM