都好吖,玩直升機嘅,加長支棍會易操控啲。
-----------
OK,講過唔少 MB-339A/PAN,都係時候還債。呢架係由義大利製作,雙座位教練/對地攻擊機,冷戰時期好多工業國,似乎都會揼啲資源去獨自開發軍機,去滿足國防需要,而冷戰結束後期就變成多國合作。呢部機亦相當有名,有為都有實戰經驗!福克蘭戰爭期間,有架 MB-339A 巡邏期間,無意中遇到支援登陸作戰嘅英國艦隊,與其調頭走人,機師好勇敢咁攻擊一般英國快速艦,並擊毀咗 -- 佢一個雷達~ 機師成為阿根廷嘅戰爭英雄。
呢個 mod 比 A-4E-C 仲簡單,無雷達,無 RWR,無空中加油,無空母作業能力,載彈無論嚮數量同埋種類都不如。咁有咩噉吸引?首先係準確度,製作群好認真,去到搵當年嘅機師幫手,修正架機嘅性能同表現;另一個係簡單,但係系統模擬做得好全面,好啱新手揸;DCS 雙座位教練機有唔少,好似 T-45 鵝鷹,但同時又可以射實彈,前後座有相同功能,幾乎只此一家!仲有,有人發現,呢架機異常靈活,玩飛行表演故然好玩,纏鬥嘅時候相當難搞嘅對手。可惜,製作群「轉咗行」只搞收費組件,version 2.7 開始,有啲動畫唔再郁,係仲係飛到,不過硬係爭啲。點都好,免費嘅嘢唔能夠要求太多。
討論:
https://forum.dcs.world/topic/209209...=getNewComment
好在⋯⋯收費版予告就出:
表示個模組發售在即。
下次講 mod,予定係 UH-60L 黑鷹。