Games Animation Forum

查看單個文章
舊 09-16-21, 04:03 AM   #39
肉羊哩咖
God of Gamer
griffin611
 
註冊日期: May 2008
文章: 7,661
Dune 系列屬於「軟科幻」作品,唔似「硬科幻」作品入面,圍住有樣有可能出現嘅未來科技嚟講,點對人有咩影響。Dune 有好多嘢唔解釋,要讀者受咗係噉㗎喇先有故講,有啲嘢亦接近神話性質嘅存在。雖然係噉,書中好多設定大受經典「硬科幻」大師,好似 Issac Asimov 同 RA Heinlein 等影響。

單講「原著」嗰 6 部,故仔係個極長時間嘅故事,講嘅係政府宗教經濟同環境嘅互動影響,尤其你好 GoT 呢挺明刀暗箭嘅權力鬥爭故仔,會睇得幾投入。

故仔係極遠嘅未來,人類分散到銀河系。因為有 AI 嘅關係,變到連思考都交畀極小撮嘅人類「精英」,識得指揮 AI 嘅去做埋,久而久之連呢班友都退化到思考都交晒畀啲 AI 搞掂。長時間人類變咗 AI 奴隸。故事開始前一萬年,有人起嚟反抗 AI 嘅控制,最初只係零星抗爭,但 AI 重手陣壓激起大規模反抗。最後人類戰勝,摧毀所有思考機器。史稱為《Butlerian 聖戰》。之後凡係被發現藏有或者開發,是有計算功能嘅機器(包括計數機!),唯一處罰係就地正法。不過原作似乎暗示,機器未全被消滅,呢埋一角等捲土重來。

禁咗電腦輔助,社會即時引起劇變。政制完全走返轉頭,變返封建帝制,除咗世襲嘅皇帝,各抗機器有功嘅家族都封為諸侯。另一方面,超空間跳躍無咗電腦做航道做預測,變成好危險,嚴重影響到經濟統治,好在,嚮老人星第三星球上面,發現咗一種叫「香料」嘅物質,令到宇宙航行又變返安全可靠。亦引伸到社會重新變回專業同壟斷化。


__________________
  • 本人僅以至誠發誓,本人肉羊哩咖,只此一家,絕無分身
  • 「最大嘅失敗,就係唔知點解失敗。」
  • 「我絕不要恐懼。恐懼是會扼殺思維能力的潛伏死神,會徹底毀滅一個人。我要忍,讓它掠過我的身心。之後我睜開心靈眼睛,審視它的軌跡。恐懼如風,風過無痕,惟我依然屹立。」—— Dune
肉羊哩咖 目前離線   回覆時引用此篇文章
 

返回主題: [西片] Dune (2021) Part 1 22 Oct 2021, Part 2 2023-10-23