[昏迷童子Sleepy]

咪‧一‧X‧樣......

上面班糕層繼續腦裝屎......
好在下面個小編識玩......

Yahoo 娛樂圈
十大中文金曲︳港台IG編輯疑似撳錯掣 轉發負評限動恥笑「十大廢老中文金曲」
2023年2月9日週四 下午12:08

港台主辦嘅十大中文金曲頒獎音樂會，近期公布候選名單，雖然有傳唔少唱片公司都答應派歌手支持，但係睇返樂迷有份參與投票嘅幾個獎項角逐名單，當時得令嘅林家謙、近年表現唔錯嘅陳蕾、岑寧兒，盛傳被港台封殺嘅謝安琪、許廷鏗、Serrini、方皓玟等都被消失。反而資歷深厚嘅譚詠麟、劉德華、郭富城，就會同出道未夠2個月嘅魏浚笙(Jeffrey)一齊爭優秀流行歌手大獎。

有網民就此事出post恥笑，認為十大金曲成為「十大廢老金曲」，仲話連加拿大嘅中文電台搞嘅音樂大獎都冇咁廢。不過港台都「落後」唔晒，因為佢地官方IG嘅管理員，居然將呢則帖文轉發……咁當然係撳錯掣啦，於是好快就刪咗帖。


而尋日港台舉行嘅十大中文金曲記者會上，負責人回應點解林家謙冇份角逐優秀歌手、COLLAR冇緣新人獎等問題。高層之一李錦明話林家謙嘅歌冇上過中文歌曲龍虎榜三甲，而COLLAR就係舊年新人，所以唔符合準則……喎。