終於睇咗。以睇過吓部書嘅人嚟出發:
好:畫面攝影靚到痺,Han Zimmer 嘅配樂都掂,做 Paul 同 Jessica 嘅都出式。故仔有時慢咗啲但都通順,未睇過書嘅都跟到;肉搏戰都打得好睇。
唔係噉好:前面長咗啲,搞到後面好多主角側不爆鑊之前啲不安猜忌唔夠張力,所以爆邊個係二五仔嗰陣唔係幾夠震撼,連帶奸嗰邊又無乜機會發揮Baron 同個侄仔 Dave Bautista 佔戲太少,書多好多;而配角,兩個「人形電腦」戲份太少,奸嗰個,84年片嗰仲出過呢個,嘥晒。Jessia 獨自喊嗰場完全離咗格。主要嗰個大場面太黑,可以做得刺激啲。
關於「白人救世主」呢個問題
唔好話原著入面 Paul 描述到佢唔係白人。再者,嚮帳幕嗰場,Paul 預視到要復仇,事成之後未來會引發大量死亡,向佢阿媽灶糟咗句:都係你唔好,搞到我變偽人!跟住同個環境博士講,如果佢真係 Fremen 傳說中嘅 Lisan al-Gaib (外來嘅聲音),傳說中一個外來嘅 Bene Gesserit 會帶住個仔嚟到 Dune 星,到時會引領Fremen 往天堂嘅先知嚟。
其實呢個所謂傳說,完全係 Bene Gesserit 好多好多年之前安插落去班 Fremen 度,根本係人為嘅;其實佢哋嚮好多其他唔同嘅星球,對嘅無噉開化嘅族群都做咗類似嘅嘢,叫 Missionaria Protectiva,等時機一到 Bene Gesserit 可以「咁啱」應驗呢啲傳說嚟操控嘅當地人。而 Paul 有樣學樣,用呢味嘢去利用 Fremen 復仇。
至於個盒
個 Reverend Mother 講「動物」同「人」嘅分別,「野獸」會咬斷隻腳逃脫,而「人」會留嚮個陷阱度,等仇家嚟到伺機報復,同戲入面 Paul 決定留低,好呼應。