[wing]

作者: 肉羊哩咖

至於成個系列最重要嘅物件係「香料」。只可以嚮老人星第三星球 Arrakis 開採提鍊出嚟，亦係同 Arrakis 上獨有嘅生物 -- 沙蟲有極大嘅關係。

長期食「香料」，唔止可以延年益壽，仲可以功力大進（誤），其實加埋大劑量噉食，可以有預知能力，領航員係有呢種能力，所以可以安全噉嚮宇宙飛行。班「巫婆」亦靠呢味嘢嚟提升精神力量。Arrakis 上面嘅「原著民」Freman 直頭衣著食物都有微量嘅香料，令到佢哋啲眼「藍中帶藍」。

一來香料對經濟通訊無咗唔得，二嚟食咗丁丁咁少嘅會上癮，無得戒癮，來源又難開採又得一個噉大把，所以價錢極貴，擁有香料唔只係身份財富嘅象征，政治同戰略上嘅價值就更高。

老細會問，既然噉有用，點解會無替代品出現？唔係無試過開發人造香料，但故仔開始時尚未成功。所以 Arrakis 變成一個極突異嘅存在。

多謝解說~