引用:
作者: OldCake
唔好意思...........一直睇唔明你想問/討論乜野.......... 
夢鏡不正是夢鏡.............到手就圓夢了........為何一定要用?
要用.........為何不用於"正"途.............
你的夢鏡是設計給菲林 or 數碼用的??
|
但不能否認...用在數碼上方便一點嘛....
起碼同朋友分享不用拿住張相周圍去...放在網上相簿就ok了...
我個人就冇分菲林同數碼...
兩種都喜歡....我也沒話過....敗下epson就不用canon 7...
夢鏡在我心中的定義...係喜歡 + 喜歡用 + 渴望收藏 三個元素合一...
缺一不可...如果只為圓夢...我敗下那些只有外殼失去功能的0.95
就很平了...也不用為佢入手Canon 7...但..
我就係到手後要影..要使用...在我眼中...菲林同數碼都正途..
正如我很認同你那個雲吞面 / 肉醬意的比喻....
其實...我係學攝影時代係由菲林開始
....(當然不能和餅大你的資歷相比
)
我部cheap cheap EOS 500n...當日98年頭售千多元(我97年開始影但冇自己相機)...
價值才 = 現在一支平價鏡頭...
我只得很平凡的一支28-105...同一支70-300 II
(那時連防潮箱都冇錢買...因為全set相機已令我破產了..=.=)
教我影相的朋友用50n(好似係)..
還記得第一次落腳架影夜影的汽車條紋燈光殘影...
(那時我構圖很水皮..d同事仲笑我一條條影黎做咩...白費菲林又無聊...)
第一下上山頂影維港夜色...
第一次約女同事影人像相...
第一次成功雙重爆光的興奮...
為舊同學影畢業相(當時單反相機不是咁普遍)...
當時種種...我都記在心中...
那4年我沖菲林...加起來有大約6000-7000多張....
當時咩都有興趣試影試學...
現在一週就可能影500到1000張數碼的人...
係好難體會當年每一張相都係錢...當次都有失手風險(冇live view)
每一張相...是把眼睛放在觀景屏前立即諗構圖又計曝光同散影的情況
(雙重曝光仲同時要記兩張相片的光圈...曝光值...構圖 + 計算合併後的效果 / 畫面)
每一相都要曬左先知咩結果的感覺...
一卷菲林代表只有36次快門機會...(那時為多影一點...在入菲林時好興偷菲林格數..
)
那時曬相同等考試公佈一樣feel...
現在玩數碼來入門的一班很難體會了...
依家即便轉了數碼...我都係習慣諗左先影的...每次快門一張相...
除非真係影蟲蟲同快車先轉為一次三張...
否則我都係用這攝影習慣的..
所以現在數碼流行的時代....次次影相活動...我的相都比別人少...
也很少在我拿機時聽到連拍聲的...
但張張我都會細心地看...
(唔知係咪咁...我用咁多機包括我之前做雜誌社....都冇壞過快門...
)
