引用:
作者: flpchoho
英國天空電視台和民意調查機構YouGov進行的調查預測，工黨在大選中，可能會贏得下議院650個席位中的422個席位，較2019年大選時多222席，將會是二戰以來工黨贏得席位最多的一次。至於執政保守黨預計只會贏得140個席位，意味著將比上次大選驟減232個席位。調查又顯示，自由民主黨的席位會由上次大選的8席增至48席。
|
英國噚日下晝時間，屬「英國改革」黨嘅 Nigel Farage 原本話唔會企出嚟選，宣告即時担當黨主席兼出選。「英國改革」黨前身係 UKIP 英國獨立黨，主張脫歐，當中 Nigel Farage 企得極前，當英國脫歐之後，該黨好快就變身；政治光譜上屬右至極右，就個人嚟講，Nigel Farage 同 Boris Johnson 推動脫歐方面極之「老友」，亦同美國「另右」有好多關係。有傳佢原本諗住 11 月「過塘」去幫侵記手助選，無責任推測係因為侵記被判咗罪成，見勢色唔對就專心「本土化」。
返返去保守黨，左邊有工黨逼迫，而右邊又畀「英國改革」黨撬票，早前有唔少因醜聞而被免職嘅保守黨議員過咗檔去「改革」黨，雖然後者五月個地方選舉表現相當唔掂，做到「損人不利己」就夠有餘。
