|
沙夏：C朗樂意重返曼聯
曼聯名宿沙夏最近提出奇特觀點，佢認為C朗非常樂意重返曼聯。沙夏嘅觀點係，雖然C朗兩年前離開時同球會鬧得頗不愉快，曼聯高層唔想再同佢合作，但球迷都理解C朗想表達嘅意思，而且事實證明佢係啱嘅。
C朗同艾納斯將於明年夏天約滿，近日不時傳出佢可能重返歐洲，費倫巴治主帥摩連奴已率先發出邀請，而名宿沙夏亦加入討論，認為C朗可以考慮重返曼聯。
沙夏言論一出，雖然可能性存疑，但仍然引起網上討論，當中有幾個觀點認為可行，包括導致C朗當日離隊嘅大敵坦哈格已經被炒，C朗自然可以回歸，其次係C朗同新任主帥魯賓艾摩廉曾經係國家隊隊友，私下亦有交情，C朗更公開表態祝福對方，仲有就係曼聯管理層已經變成拉特克利夫，並非格拉沙家族，C朗一旦回歸亦唔會面阻阻。
|
