[烈海王]

作者: 綾小路雷太

製作組終於意識到問題了(始終做左成七八年，小西遼生開始出現疲態......)XP

唔知會唔會帶埋新主角出黎?

剩係換主角無用，換編劇先解決到問題，牙狼一直以來嘅風格好奇怪，明明將日式鬼片嘅原素加入特攝，加上大量裸露鏡頭，應該係成人特攝先係，但係劇情上就唔太成人，只係一般講勇氣、友情、愛，團結打大佬嘅兒童番主題，主角條感情線又純過蒸餾水，感覺好矛盾。
如果我做編劇，會整個唔同鋼牙嘅新主角，一個要收咗錢先殺魔獸嘅騎士，四圍溝女，成日開玩笑，講嘢無句真，對付魔獸嘅手法不擇手段，唔再係純粹打打打，而係用好多計謀陷阱對付班魔獸，甚至搵普通人做餌，同魔獸玩心理戰，做返啲成人特攝嘅風格。