引用:
作者: 埃及使者
其實咩係RAID?
上網SEARCH好多都係一樣,資料性既野
我記得RAID再分好多種
如果家用用RAID會唔會好怪?
同埋有咩步驟要做?
因為我都有好多個HD儲野...有時想同FD大家SHARE
|
其實維基已經幫到你
http://zh.wikipedia.org/wiki/RAID
不過都簡單答下你啦
而家raid就分好多種，主要就有raid 0、raid 1、raid 5
raid 0 需要兩個或以上HDD
簡單用法就係同時間用哂兩個HDD，從而加快存取速度
當HDD儲存資料時，佢會將資料分成幾份，分別儲存落兩個HDD度
當讀取資料個時，就同時係兩個HDD度收集資料，再結合番原來資料
好處：加快資料存取速度，而且可以用盡兩個HDD總容量
壞處：只要其中一個HDD玩完，你全部資料都會玩完
raid 1 需要兩個或以上HDD
簡單用法就係將HDD1資料做成一個鏡像，儲存落HDD2(即係備份HDD1資料)
當HDD儲存資料時，佢會將資料copy一份，儲存埋落HDD2(即係實時backup)
當讀取資料個時，就只會係HDD1讀取資料
好處：可以確保資料安全性(你HDD1玩完，仲可以係HDD2拎番資料)
壞處：對加快存取速度毫無幫助，而且只可以用到一半HDD總容量
raid 5 需要三個或以上HDD
簡單用法就係一方面將資料分成幾份儲存，另一方面亦會做確保資料安全性o既工作
當HDD儲存資料時，佢首先會將資料分成幾份，分別儲存落三個HDD度
而另一方面，佢亦會造出一個"奇偶校驗信息"，記錄低D HDD有咩資料(呢個"奇偶校驗信息"會分別儲存係3個HDD度)
當讀取資料個時，佢就同raid 0一樣從唔同HDD收集資料，再結合番原來資料
而當其中一個HDD玩完時，佢就會從另一個HDD既"奇偶校驗信息"中搵番原來既資料，並且復原番
好處：一方面加快資料存取速度，一方面又確保資料安全性
壞處：一買就要買3個HDD，成本好貴
副作用：總儲存容量會少大約1/3(理論上)
以上就係三種raid既簡介，希望你睇得明
如果有錯，歡迎指正
