法國名模女友床上發功 細哨世盃腳軟之謎解開
23/07/2006
朗拿甸奴在今屆世界盃決賽周失準之謎，終於被解開，根據英國《太陽報》披露，呢位世界足球先生在整個賽事舉行期間，公然打破隊規，幾乎每晚都前往其法國籍女友阿里桑德拉住0既酒店內偷跳，另外細哨0係「大戰」之後，例必再打一陣機，完全唔理作息時間，結果佢所有神勇表現係床上盡展，但去到球場就變成軟腳蟹，就係因為咁，巴西就輸左隻世界盃。
朗拿甸奴一向形象健康，不過暗地裡原來同「大哨」朗拿度係同道中人，阿里桑德拉接受英國《太陽報》訪問時，曾大爆佢地0既閨房之樂，佢話：「0係世界盃期間，佢（朗拿甸奴）每晚都會黎酒店搵我，我地成晚都會做愛，我從佢0既表現，就知道佢實在太掛住我，我當然會滿足佢，但我唔認為咁樣做會對佢有害喎。」
據呢位法國名模所講，細哨床上0既表現，比球場更加精采，有時仲會將「戰場」伸延至酒店走廊，兩個人「滿場飛」，而且一戰歷時幾粒鐘，體力消耗唔會比踢一場波少。
唔守軍紀出外偷跳
細哨對於阿里桑德拉0既「索求」可謂完全冇節制，所以要違犯軍紀私會女友，一見到對方，腦入面只有做愛二字，就算八強硬撼法國都唔理。法國籍0既阿里桑德拉承認當時希望祖國贏波，更令人聯想到佢會出多幾錢「功力」黎廢朗拿甸奴「武功」，再加上枕邊語黎催眠，細哨唔束手就擒至出奇，計落阿里桑德拉都可以話係法國隊0既第十二人。
做完愛再打事後機
另外，阿里桑德拉仲爆細哨有打「事後機」0既習慣，佢話：「我地每次歡好之後，佢都鍾意打機輕鬆一下，佢係呢段時間最常玩0既遊戲係FIFA2006。」經過連綿「惡戰」後，仲要傷神打機，而且晚晚如是，真係鐵人都死啦！更何況細哨只係血肉之軀？
希望細哨可以吸取今次教訓，來屆0係西甲真係要好好戒掉女色！
呢個仲精彩...大戰幾粒鐘後要打事後機....
