|
不敵法國遭傳媒唾罵
魯爾唔服輸獻世到08
29/06/2006
西班牙十六強不敵法國提早執包袱，「壽星仔」魯爾畀領隊阿拉干利斯換出時候只係錄得零射門，表現非常不濟。賽後佢去留成為傳媒焦點，呢位剛度過二十九歲生日皇馬球星表示要踢多兩年國家隊，打埋○八年歐洲國家盃後先會退役，但以佢目前水平留低真係冇乜作為，點解仲要度獻世呢？
對法國呢場關鍵一戰，領隊阿拉干利斯安排魯爾右路進攻，佢顯然唔適應呢個位置，只係間中做駁腳，落場五十四分鐘如同隱形，最後以前鋒身份錄得零射門，下半場被換離場，實在相當失禮。至於入替佢祖亞昆表現生猛，不斷突破落底傳中，又曾切入中路起腳射門，與魯爾相比可謂高下立見。
魯爾起落圖
冇本錢同後輩爭位
第九十九次代表國家隊上陣魯爾，原本希望靠自己生日沖喜，但西班牙卻輸波收場，賽後傳媒將矛頭直指隊長魯爾，佢亦為自己定下退出國家隊之期：「西班牙有好多出色球員，我相信○八年歐洲國家盃會做得更好，到時將會係我最後一次打大賽。」
魯爾堅持留低，意味住佢要繼續同費蘭度托利斯及韋拿爭位踢，呢兩位新星今屆賽事鋒芒初現，魯爾實在顯得相形見絀，活力同表現都有所不及。佢依家決意打多兩年，恐怕到時只會冷板度見到佢，與其畀班後輩爬頭，何不趁呢個機會急流勇退呢！
|
