引用:
作者: C.Ryo
睇完,感覺好滿足嘅一套港產動作片,今次武指揾番香港出身嘅谷垣健治出任,佢喺本身已經為多套美日作品武指,效果都好好(日本真人版劍心算係佢代表作)。
呢次番黎拍呢套啲動作設計更有睇頭,有武功底果啲演員固然打得好睇,但連其他冇武術底嘅打鬥都拍到幾有說服力,咁當然有部分危險鏡頭有替身,不過今套打鬥場面算幾多,又啲文戲又唔差,幾setup到氣氛又做到世代交替同建立角色間情仇。
多個演員今次表現都令人耳目一新, 伍允龍做癲癲喪喪反派王九最突出,一反之前定形嘅戇直角色;林峯唔再只係得chock樣今次做陳洛軍交到戲;劉俊謙今次交到個又型又有義嘅角色信一;而且其他各個角色都好鮮明
,各位可以入場感受下各演員嘅傾力演出。
城寨搭景同再現那些年嘅CG都好高質,再加上一場又一場精彩困獸鬥,睇到好鬼肉緊又賞心悅目,值得入場支持下
本地收得應該唔難,我嗰場近乎全滿;又以呢套質素要賣外地市場應該唔難,希望佢哋世界票房都有好成績啦。
|
我都想睇呢套
__________________
==============
人在做, 天在看
|