[Dyhalt Rushifar]

作者: 肉羊哩咖

蘇式打法，唉，但係濫炸呢味嘢，有時會有反效果，變咗不利進攻，當年二戰時色因市(Caen)，畀英美盟軍作空中地毯式轟炸，成個變咗廢城，結果之後地面部隊去到發現個廢墟，變咗步步都有敵人埋伏嘅死亡陷阱，搞咗好耐先清除到嘅德軍；可能今日俄軍遇正嘅，就係呢個狀態都唔定；另一方面，呢個唔係戰略重鎮，唔似當年格羅茲尼，就算攻佔到，有冇後勁，未知；但正如老細話齋，俄佬有火力上嘅絕對優勢，撳住嚟打，又炸鬼斷晒補給用啲橋，守軍勢危。

當然，雖然布丁係癲，不過應該都知有補給線都好，物資唔係無限，咁炸法真用晒D彈都炸唔到基輔。
大概佢呢種打法有兩種意義，首先係確實佔領烏東，另一方面就係恐嚇令烏民失去抗戰意志，咁佢就可以喺「和談」中確實拎走烏東同解除歐盟既制裁。