有個 YouTuber 整咗條一個月以嚟嘅總結片：
【太長唔睇】戴返頂帽先：本人睇咗都仲係審慎悲觀，條友反俄預咗，都係嗰句，公開情報唔全面唔多準，但有幾樣嘢幾肯定：
- 歐洲空前團結，前三幾年啲咩爭拗，各顧各吖，「反骨」吖，完全唔記得晒，連一向玩中立嘅嗰兩個瑞字頭，都加入「玩埋一份」。
- 俄軍太輕敵，亦極低估咗烏克蘭同歐洲嘅反應，以為仲係 2014 年，無理到北約同烏國，克里米亞事件之後做咗好多嘢。
- 場戰爭變膠陣味越嚟越重。
- 無人機雖然唔係新嘢，因為俄軍無能，呢度真係好好用。
- 同樣地，單兵火箭式武器，嚮防守上，極有效，尤其敵人拎唔到絕對制空權嘅時候。
- 精確武器永遠唔夠洗，啲軍火商啲股價勁升，可能俄國嘅除外。
- 冇咱家 GPS 死梗，連通訊都唔加密，犯晒呢啲自古以來係兵家大忌嘅，仲衰到用牆國啲 cheap 嘢，死多兩錢重。
- 打仗係件好貴嘅嘢，冇錢咪鬼學人玩侵略。
- 唔好成日晒武器有幾先進，只係呃到啲一般人；呢次畀你見到，戰場上補給回收同維護，其實仲緊要。
- 話時話，田宮，或者唔知邊個都好，快啲出拖拉機拉走俄軍戰車系列模型喇！
