[肉羊哩咖]

呢舖無論點打落去，好多一貫以嚟嘅格局都打爛咗：

1. 北約擴張會繼續，當布丁警告瑞典同芬蘭唔好諗加入北約，反而令兩國民意更加傾向加入北約；瑞典自從帝國瓦解之後，一直行國際上「中立」政策，冷戰時代係咁畀蘇俄挑戰都無郁；而芬蘭自蘇聯玩完之後先擺脫親蘇嘅陰影，仍然係行事奉大國嘅政策，唔敢太過親西歐，呢舖畀啲「北風」一吹就「吹」到另一邊去～
   
2. 德國改變其「非軍事」嘅政策，二戰結朿之後，軍費好多年都係 GDP 嘅 2% 之下，而家唔止輸出武器，亦會擴軍同採購 F-35 戰機；新任總理亦要考慮呢十幾年能源上太過依俄國嘅政策。
   
3. 默克爾退出政壇之後，歐盟變得「群龍無首」，法國總統大選在即，現任嘅馬克龍「受惠」於呢場戰爭，睇民意基本上「坐定粒六」-- 事關佢啲屬極右對手們，戰前一直標榜住同布丁嘅關係～～～馬克龍主張未來歐盟嚮軍事防衛上更加「獨立自主」，唔會太靠北約；係咪第二時會變成 AEU，要睇落去。
   
4. 日本有分析指佢唔多慣玩制裁，而家都同加入玩埋一份；再者，執政自民黨趁勢吹行要修改「和平憲法」，預佢會同美國行得更近。