[肉羊哩咖]

鍾意戰爭類 game，講少少：

劈頭唔怕講白啲：支持烏國，俄帝去死！

外面好多「情報」同「評論」，前前後後對社交媒體有啲認識，唔敢話係專家，相信除咗少數軍政高層，而家無人會知全局係點，加上基於所謂「兵不厭詐」，本人唔會盡信啲「報導」，各方都會放出對咱方有利嘅消息（好似「基輔の亡靈」），啲文宣嘅嘢，睇咗算，單嘢過程同真相怕且起碼無十年八載無可能完全清楚明白。

俄帝都唔係第一日打人，之前呢廿年嚟格魯吉亞同克里米亞都「如取如攜」，搞雄咗個心，疫情後經濟差嘅後遺症都唔理；事前予佢都會打，斷估都係搞東部嗰兩個分離省份嘅啫，點知呢舖玩咁大滅人國。有啲似 1939 打芬蘭嘅「冬季戰爭」，當年蘇俄大舉入侵，無論質數訓練裝備戰術通通唔掂，醜態畢露，畀個小國勉強守到，亦都有好多歐美志願軍加入協助芬蘭，UN 個前身國連繼續無能為力；最後兩個國力始終相差得太遠，蘇俄又唔介意死好多人同掉好多架，以大壓細之下，要付出好大代價先叫迫嬴芬蘭。

呢舖歐美唔係無幫，係唔敢幫得太出面，係唔多抵讚，不過「理性」啲諗，以佢哋嘅角度，一嚟 MAD 唔係講笑，二嚟担心係個泥沼，長遠啲嚟講，戰爭一投入落去，好多時唔知邊度停得到；又要担心埋有啲好有「雄心壯志」嘅國家們會趁亂乘機搞事。可能戰略上仲大鑊。

歐美似乎嚮情報同電子戰上面幫助唔少拖，連俄國近日要搵牆國幫手都知～

本人因此比較審慎悲觀，俄帝洗濕咗個頭，唔似短期內會捨得收手，唔收手拖長嚟玩，無強大外援嘅話，烏方絕對不利。