[肉羊哩咖]

Turning Red 講個住多陯多嘅中二女仔，有日瞓醒發現突然識變身，情緒唔穏定嘅話就變做巨大喜馬拉亞小熊貓。成套戲講嘅係導演細個時嘅親身經歷，個人化得嚟，啲比諭一啲都唔含蓄（連某個親戚都出埋），講成長身體變化，家庭同友情寫得好細，做過女嘅尤其有共鳴，而做家長嘅都可能見到自己。動畫分鏡動作繼續無得彈，劇情轉接個手法都好有趣，啲人物，除咗隻「紅貓」之外，好鬼死有 Mii 嘅風格就好個人口味吓。因為係華人背景，有啲對白同背景都有出廣東話，亦有廣東話配音，香港觀眾會好啱聽。

唔係噉好嘅，阿女話女主角解決問題方法實在太易，而本人覺得最後個扭橋無可能之前無其他人知而老早爆咗出嚟，最衰嘅係呢套絕對應該戲院上～

總結：呢套絕對好睇過套 Luca，娛樂性好過 OnWard，但講藝術味未及 Soul ，中上。

後記，網上有啲專業影評引發爭議，不過由得啲人亂噏無謂，算啦。