老鼠帝國遲遲唔肯喺香港出D+，咁小弟焗住要上公海搵料。
連續幾日煲完WV同FAWS，前者鋪排稍勝後者
WandaVision
白Vision獲得記憶後下落不明，雖然擁有已故舊Vision嘅記憶，不過呢個應該可以當係全新角色看待。
Monica承接已故老母意志接管SWORD，應該會同Nick Fury， Captain Marvel及班Skrull會合上太空。（即SM:FFH片尾見到Nick Fury所在嘅Skrull太空船）
咁啱喺本作獲得同CM同等嘅超能力，應該可以大派用場。
Wanda嘅紅女巫能力完全覺醒，開始鑽研果本暗黑魔導書。Doctor Strange 2應該係涉及Wanda玩魔導書玩到失控開啟唔同時空嘅通道需要DS幫手執手尾掛
FAWS
阿Sam搞完一大輪後，總算尊重Steve嘅原本意願，正式擔上第二代美國隊長嘅職位，恭喜恭喜。最後仲幫埋老黑人超兵平反
Bucky嘅描寫無Sam咁大起伏，基本上就係佢嘅心理醫生所講，有個朋友陪伴就自然會放低心結及以往嘅罪惡感。
Zemo非常搶鏡。佢應該唔會困喺呢個監倉好耐。（不過奇怪係點解Wakanda仲要將佢交俾聯合國監獄，而唔係將佢收埋喺佢哋自己嘅高科技監獄？）
Flag Smashers冇乜好講，都只係驅動故事嘅反派。尤其係慢慢令John Walker成魔發揮咗好大作用。
John Walker話佢成魔但又魔唔晒，臨尾有機會替Lemar報仇都仲係決定救班人質先。總之就係一個難以預測嘅（亦正亦邪？）灰色角色，心理極度不平衡。尤其擅自飲咗嗰支超兵配方，副作用就係將佢嘅本性無限放大。呢個就係所以當初嗰個科學家先會搵心地善良嘅Steve做美國隊長。
話Sharon呢幾年因為被逼害而黑化都尚算可以接受，不過感覺可以寫得好啲
