[肉羊哩咖]

作者: cancerman

其實想問下係咪冇講點解去偷精？

睇吓有冇記錯先......

其實最終回由頭到去 Lady Trieu 第一次搵 Ozymandias 相認嘅時候都無講到好白，不過拼埋啲前文後理太致係咁：Trieu 個阿媽係越戰時，畀美帝害得好慘，你見佢個複製人「阿孫女」啲夢境就知，所以對美帝，尤其係對自稱正義嘅「英雄」恨之入骨。佢混入 Ozy 個基地，偷到好多 Ozy 嘅情報 — Ozy 係聰明但太唔小心；阿媽知道佢個人無能力報仇，只有「借種」，等下一代完成到佢嘅心願；佢一路「打針」一路念嗰啲嘢，據啲解畫嘅片講，係個越南民間故事，講個弱女點樣領軍打敗入侵嘅中國軍隊。 生咗 Lady Trieu 出嚟，唔知點樣又育成到個掂嘅出嚟。但係 Trieu 又唔係想直接埋 Ozy 單咁解。

其實阿媽搏嘅成份未免太重，一嚟佢借嘅種未必咁好彩，生件有 Ozy 咁叻嘅（生舊义燒嘅就只能含恨九泉），佢生多幾件嘅成功嘅機率會大啲，再加上有能力未必有聽佢話報仇；二嚟當 Ozy 發動佢個「救世」大計之前，殺鬼晒所有下屬，個阿媽點樣由一個好似孤島咁嘅南極，咁好嘢又走得甩，其實有啲唔通。