1 開場係某個冰雪星球(定係咁啱係冬天?),主角去到某個酒吧,咁啱有班友(講 Hutt 話,即係星戰黑社會之類)準備劏條藍色嘅友,引起班友嘅注意,走到圍佢,點知畀主角全部打抵,全程一句都冇講,根本就係舊式西部片啲橋段嚟。另一樣嘢,畀你見到主角副甲有幾堅,擋到 blaster 而個人無嘢,Stormstroopers 著嗰啲真係紙紮嘅;而 blaster 射嘅係某程度上係實彈,唔係光束嚟,中咗會畀啲彈推一嘢
2 當本人以為佢只係打發班麻煩友,點知原來佢係為咗藍色條友嚟,一句 You can come in warm, or you can come in cold⋯⋯(你可以生勾勾畀我帶走,我拎你條屍都得)型到。問題係講咗堆特別獵賞嘅用語,睇到之後先明。
3 之後拉住個犯去 call 車 (Uber?),用支苗(?),第一架由 droid 揸嘅,主角唔要,因為童年陰影?(之後再講)車上面講嘅初初唔明,之後就明。嗰度有少少搞笑,幾好。
4 藍色條友勁煩,想借尿遁(居然玩埋屎尿笑話),其實佢以為烠逃生艇畀到佢走?有評論居然話個厠所應該照顧其他種族,好心佢睇真啲,下層係主角嘅起居嘅地方,同埋以主角做嘢嘅手法,根本唔洗考慮有其他人留係度太耐,好快就知。
5 藍色條友發現到一堆「雪條」嗰度好正,仲好快被收埋聲。
![banana dance](http://www.gaforum.org/images/smilies/bananaguyx.gif)
係引子個小高潮。
6 去到另一個不知名嘅星球,搵獵賞公會阿頭(?)Greef Karga 收錢,好明顯啲生意好唔掂,大部份人唔願畀咁多錢。就介紹個好神秘嘅客戶,幾有可能 Greef 之前都界紹過呢單嘢畀其他㺁人,不過好可能佢哋都全部死晒。
7 去到個好隱敞嘅地方,入面有四件 Stormtroopers 同個無名嘅人(又係唔開名),Dr Pershing 盲中中咁走入嚟,即刻引發一場 Mexican Standoff (又係西部片老梗),主角串到話 4 對 1 無問題,不過「生意」行先。Dr Pershing 個造型好鬼,點講呢,懷舊;而個「老細」最後暗示個目標死咗都無所謂,同佢好可能係個帝國高層。
8 原來嗰個星球有個幾隱敞嘅 Mandalorian 小社區,不過啲細路都要戴頭罩咁怪嘅?睇嚟打個肩甲都好貴吓,佢哋講嘅 foundling,係咪指孤兒,定係外族帶入去 Mandalorian 族呢?主角個回憶片斷入面,啲人全部都係 Mandalorian 嚟?有眼利嘅人見到背景有啲 battle droids,可能因為咁佢唔信啲 droids,而佢出世嗰陣仲打緊 Clone Wars (應該係同 Great Purge 同一樣嘢嚟)個出身可能令佢最後個選擇。
9 去到另一個無名嘅星球,多咗好多嘢講,亦知多咗啲佢個為人 -- 起碼佢老實同公道。遮住塊面做戲去難,無咗眼神同表情做返個內心感情出嚟,呢度可能係死症。
10 跟住場鎗戰真係好睇,刺激之餘,加埋件 IG-11 又好搞笑,妙在成日做阿斯蘭又唔嫌煩;Dave Filoni 拍開 SW 動畫嘅,第一次執導真人片,個動作場面無搖鏡無跳嚟跳去,又無話唔知打到去邊,收貨有找,敢話好過好多電影導演,包括好快有新戲上嗰對兄弟(咳)。
11 之後佢同 IG-11 好似惺惺相惜,以為會拍住上,點知⋯⋯跟住出個 ET 手勢真係~
12 Yoda 個種族,原居地等等乜都係謎,咁呢度會唔會講多啲?出面有好多推測話呢個係 Yoda 嘅後代/轉世,睇佢點玩~
13 諗好多人都知,不過都要多咀講句:Jango Fett 同 Bobba Fett 都唔係 Mandalorian 星人,佢件嘢係偷/搶返嚟。
14 「裡拳」時刻 -- 啲好似巨型蝌蚪咁嘅怪獸,原來交配緊,隻乸會監生食咗隻公嘅,不過句對白夾硬度非常無厘頭~
15 "I Have Spoken" -- 我講咗㗎喇,會唔會成新嘅 meme?