引用:
作者: LEGOCAPTOR
"白髮魔女傳"Chilling Adventures of Sabrina,
19年4月頭就有part 2比想像中快~!
|
可能老早拍好，等後期製作，加埋有個期畀到就推咯；有啲嘢隔咗太耐啲觀眾會唔記得，有傳就係因為 DareDevil S3 要人等咗成兩三年先見街，收視大插水而被斬咁話～。
引用:
作者: ahleung
日本動畫都一路加緊.
感覺係咪 Netflix 重點打緊亞洲市場?
|
都啱—睇咗條 Youtube 片，講 N 記日本係有個日本人專職負責買片，但唔似真人片咁直接自己搞，都係買人哋啲嘢返嚟播。N 記講嘅係新用戶數，歐美差唔多飽和，要搵新客似乎亞洲係個好有潛力嘅地方；N 記唔止播中日韓台，前排佢有套印尼動作片，遲啲有套菲國嘅動畫上添。
但係亞洲嘢唔係單照顧亞洲個市，歐美都有好多日系 fans（有好多追日本動畫跟得幾貼），你睇佢出年（下個月？）播 EVA 班英文人拍晒手掌就知，仲有，你話 Pacific Rim 係日系定係美系？
一來佢哋電視多數唔播，二來要「心安理得」咁去睇要畀好多蚊年，所以 N 記呢邊有好多日系嘢睇，佢播嘅未必最揀手，但叫人做比阿媽多之類好多嘢揀先。
話返轉頭日本嗰邊製作，係靠賣週邊嘅，又未必受 N 記呢套，有得畀人 skip intro/credit 佢哋仲洗賣歌嘅？！
—————
都係嗰句，N 記幾有米（但未及班對家），勝在乜都肯試，題材乜都有又唔會自我設限，你話滴住嚟敢唔敢玩套好似「白髮魔女」咁出位嘅？佢個作風吸引到一班荷里活大牌幫佢搞片，前排有高安兄弟，馬田市高斯又就嚟上，製作人未必得益，不過最慘係做電影發行嗰班。
