|
目前打完第5章
隻GAME老實講超出預想好多
一開始諗住係閃軌資源重用
實際玩過之後,實在相當滿意
首先故事果然係F社出品,JRPG黎講故事相當吸引流暢亦非常長
因為對上一隻玩既係無夜,之後就直落玩xanadu,
對比落差真係相當大
音樂亦係F社強項亦唔多講,打王果陣既BGM真係好有FEEL
本人一周目開GAME就揀左nightmare難度黎玩
基本都唔算難,但係打章節BOSS果陣都唔係輕鬆無腦就嬴到既LEVEL
尤其對面條血真係有返BOSS級既FEEL,唔會片幾下就玩完
系統上當初諗住會好似閃軌咁生生硬硬
但係實際玩過其實打擊感幾好,操作好簡單係幾單調,但係無太多花巧既講,佢又算基本野做到足
另外不得不讚就係資源上唔單止唔係重用,更係落足本
睇得出好多只係過場用既場景/人物都有專登MODEL
場景數量遠遠超過我想像
所有時間點上既NPC對白都相當豐富,所有NPC都通過對白隨住時間講緊自己既生活故事
好多小插曲/QUEST慢慢串連起黎就組織出成個杜宮市唔同人既故事
相當有心機
仲有表情上都豐富,有唔少時候一邊講之餘,眼神同神情上既傳達同交流用3D都做到哂出黎
呢點又係相當要讚
仲有好多mini game 都好有心機做,成隻GAME玩既元素相當豐富
本人無夜有玩到白金,當初2隻同期出成日比人拎黎比較,而當初xanadu因為前期鋪排太耐令評價比下去
但係玩到一半已經睇得出xanadu係用心好多好多,
要我比個分既話,無夜最多係60分左右, XANADU起碼有80分
由手機版發出
|
