還拖鳥……
---------------------------------
【Jessica被退出？】發長篇幅聲明 自爆遭少時成員出賣
韓國女子天團少女時代（少時）前成員Jessica 噚日突然喺個人微博驚爆收到前所屬公司SM事務所（SM）同其餘8位成員嘅通知，話自己再唔係少時一份子，事件震動成個韓國同亞洲。
噚日SM已經發表咗表明確認事實，話Jessica近日掛住專注喺個人品牌發展，同組合、公司有磨擦，仲話Jessica其實一早已同公司講過出埋下一隻碟就會退出，並唔係好似佢喺微博所講嘅「被退出」咁。
當時人Jessica去到噚日為止都沉默應對，不過今日佢終於出聲，打咗成大篇聲明表示內心嘅不滿同無奈。
Jessica話，自己身為少時一份子，比起私生活同事業，一直都將組合活動擺喺第一位，仲話自己為咗組合，付出咗好多。
Jessica話喺開始個人品牌BLANC之前，由準備到近期為止，已經同SM、成員傾過好多次，亦祈求成員嘅諒解，直到8月初，BLANC發表為止，SM都同意佢發展個人品牌、而成員們亦送上祝福。點知事業開始咗唔夠一個月，成員就突然改變立場，仲召開會議、毫無理由咁要求佢放棄品牌，或退出少時兩選一。Jessica寫道：「我曾經解釋過BLANC現正處於剛剛上市嘅階段，仲經過一個月同事業夥伴締結合約，已經係無法中斷嘅事業狀態。」
Jessica又話，直到9月16日，佢同經紀公司代表見面，仲傳遞自己立場，亦向經紀公司再度確定佢可以繼續個人品牌嘅事實。點知，喺前日佢就冇喇喇收到公司單方面要求，要佢退出少時，仲唔可以參加噚日喺內地舉辦嘅粉絲見面會，同埋日後嘅少時活動添。
最後，Jessica仲強調，比起任何嘢，佢付出咗熱情同愛護，但就因為要開展個人事業而被合作超過15年以上嘅成員同公司要求退出少時，令佢受傷。
