旺角行人專用區 - (20日星期一開始只在星期六、日及公眾假期開放)

[HM]

其實要表演尖沙咀碼頭咪得囉,地方又大,駛咩逼死一條街...

[Pandahahaha]

要搞唔該清晒d商業活動先
cheap 之堡門口班人係煩，但呢個係香港，佢有自由玩佢個野，唔like 就報以一個恥笑
同埋d 表演好似10點幾就11點前就收晒擋？？

[keijoey]

差佬而家唔管理姐
過多十年就會架喇, 學識收陀地之後
由手機版發出

[GateHacker]

作者: Pandahahaha

要搞唔該清晒d商業活動先
cheap 之堡門口班人係煩，但呢個係香港，佢有自由玩佢個野，唔like 就報以一個恥笑
同埋d 表演好似10點幾就11點前就收晒擋？？

10點收係因為行人轉區都收檔
同埋我想講佢地收都係要人趕先肯執野

其實佢地要表演未去文化中心玩囉
個度由以前開始跳舞,唱歌咩都有
唔通真係非旺角不可咩?

[真!DC]

文化中心唔係會比保安趕?
由手機版發出

[緋村 光]

文化中心好多年前曾經係表演聖地，但有幾年時間幾個集中點係咁搞工程，圍哂版咁，D人自然就散哂
而家好多位都比條星光大道同相關既攤販霸左

講真，旺角行人專區同尖咀已經係唔同世界，一來隔涉，二來尖咀一堆名店同蝗民，仲有幾多普通既香港人會係果邊出沒？係個無人既地方表演有咩用。

同埋，佢地唔係羊群，係人，唔係話趕去邊就會去邊。如果而已經摺左個行人專用區或者唔比佢地係度表演，雖然果班好似青山出黎放break既阿伯阿婆會消失，但樓上有人講過果D鍍銀大叔，表演唔錯既果pair男女，仲有街尾有時會玩巴西戰鼓既人等等等等都會消失。成個文化會冇左，而唔係你話去尖咀就去尖咀。

[HM]

作者: 緋村 光

文化中心好多年前曾經係表演聖地，但有幾年時間幾個集中點係咁搞工程，圍哂版咁，D人自然就散哂
而家好多位都比條星光大道同相關既攤販霸左

講真，旺角行人專區同尖咀已經係唔同世界，一來隔涉，二來尖咀一堆名店同蝗民，仲有幾多普通既香港人會係果邊出沒？係個無人既地方表演有咩用。

同埋，佢地唔係羊群，係人，唔係話趕去邊就會去邊。如果而已經摺左個行人專用區或者唔比佢地係度表演，雖然果班好似青山出黎放break既阿伯阿婆會消失，但樓上有人講過果D鍍銀大叔，表演唔錯既果pair男女，仲有街尾有時會玩巴西戰鼓既人等等等等都會消失。成個文化會冇左，而唔係你話去尖咀就去尖咀。

文化唔係大晒啊
而家個問題係表演嚴重阻到其他正常既途人同附近既居民
摺左佢或者係斬腳指避沙蟲,但唔可能因為要保留文化而放任班人係度滋擾其他人
將佢地帶番去尖咀已經係最好既解決方法,起碼有留條生路俾佢地
佢地唔肯去尖咀?咁都無計喎...

[真!DC]

應該先諗有冇措施可以改善
唔好一來就諗摺左佢
由手機版發出

[緋村 光]

作者: 平山深雪

文化唔係大晒啊
而家個問題係表演嚴重阻到其他正常既途人同附近既居民
摺左佢或者係斬腳指避沙蟲,但唔可能因為要保留文化而放任班人係度滋擾其他人
將佢地帶番去尖咀已經係最好既解決方法,起碼有留條生路俾佢地
佢地唔肯去尖咀?咁都無計喎...

我只能夠講滋擾係控制不善，執走D sell寬頻同健身，仲有d街口位set禁區已經爭好遠。當然pro既應該可以諗到更多辦法。

附近既居民就真係咪玩la，你cancel條行人專區佢地會比車聲嘈，而家果邊d店落貨都要特登擺後一條街落，cancel條行人專區唔即刻番哂黎。仲有行人，如果D表演者唔見哂果度只伯比蝗民侵佔

講番呢單野個源頭，點解差人會比果個事前已通哂天，擺到明一定會有幾千人係果度打大交既集會舉行，原因你同我應該都明。

[keijoey]

人地外國街頭表演已經發展到同社群鋪頭溶合埋一齊, 發展並存
西洋菜街? 十幾年都係人有人做, 鋪有鋪做, 而家某d人直頭係濫用
我反對消失, 但唔該易拉架同我接哂佢, 班「文化友」自己自律下先

不過都係果句啦, 油尖旺區建制派管既, 緊係唔想有地方可以聚集人群發放反共信息
由手機版發出

[緋村 光]

作者: keijoey

人有人做, 鋪有鋪做

以前既話，可能係表演者問題
但而家，你睇下週邊果D係咩鋪

不過易拉架拎走就梗係支持(雖然MAID CAFE D易拉架都會冇埋)

[keijoey]

作者: 緋村 光

以前既話，可能係表演者問題
但而家，你睇下週邊果D係咩鋪

不過易拉架拎走就梗係支持(雖然MAID CAFE D易拉架都會冇埋)

所以先話, 果度根本唔係一個孕育良好文化既地方黎,
淨係一堆高樓易拉架化妝品鋪, 風景畫都畫唔到啦
而家好多團體單位已經聚埋一齊, 定期起屋村攪藝術表演。
一來入到屋, 二來俾果區既人一d免費娛樂, 同建立社區凝聚力
旺角? 俾咩人睇先?

[sugihara]

屋村呢d唔夠影響力,又真係取代唔到旺角果種...
正如旺角火車站個歌神,唱唱下唱到去大埔都係得佢1個,而家直頭唔知去左邊
旺角搞到咁多人識,大家都講得出大概有咩人表演,先唔講佢好定壞影響多,但本身發展到咁係好花時間同好難...

[仁飛]

作者: keijoey

所以先話, 果度根本唔係一個孕育良好文化既地方黎,
淨係一堆高樓易拉架化妝品鋪, 風景畫都畫唔到啦
而家好多團體單位已經聚埋一齊, 定期起屋村攪藝術表演。
一來入到屋, 二來俾果區既人一d免費娛樂, 同建立社區凝聚力
旺角? 俾咩人睇先?

音樂表演都係藝術，唔好講到一定要有優雅場地先搞得文化
有時行開見到雜耍或者好聽既音樂我都會停低睇下
但我唔會特登去行唔同屋邨搵歌聽
更何況好多表演都係自發性，背後無組織，根本入唔到屋邨

[knight-philip]

作者: 平山深雪

文化唔係大晒啊
而家個問題係表演嚴重阻到其他正常既途人同附近既居民
摺左佢或者係斬腳指避沙蟲,但唔可能因為要保留文化而放任班人係度滋擾其他人
將佢地帶番去尖咀已經係最好既解決方法,起碼有留條生路俾佢地
佢地唔肯去尖咀?咁都無計喎...

這論調好似在哪裡見過...?
改改字眼可能會記得:

"民主唔係大晒啊
而家個問題係遊行集會嚴重阻到其他正常既途人同附近既居民
摺左佢或者係斬腳指避沙蟲,但唔可能因為要表達訴求而放任班人係度滋擾其他人
(以下略)"

簡單一句:香港人嘛

作者: keijoey

淨係一堆高樓易拉架化妝品鋪, 風景畫都畫唔到啦

風景畫真的只有大自然等等?
畫高樓大廈都可以是風景,畫街上放滿易拉架都可以是風景(易拉架的問題在阻路不在風景
有心的話任何事物都可以看出藝術

[HM]

作者: knight-philip

這論調好似在哪裡見過...?
改改字眼可能會記得:

"民主唔係大晒啊
而家個問題係遊行集會嚴重阻到其他正常既途人同附近既居民
摺左佢或者係斬腳指避沙蟲,但唔可能因為要表達訴求而放任班人係度滋擾其他人
(以下略)"

簡單一句:香港人嘛

一樣係必須品一樣係奢侈品都可以拉埋黎講

[knight-philip]

作者: 平山深雪

一樣係必須品一樣係奢侈品都可以拉埋黎講

因為我寧可相信對自己來說只是奢侈品的東西對別人來說可能是必需品

[keijoey]

而家stay起果度既人, 好大部份係用文化包裝, 完全唔理人地感受
好似朋友咁, 自己作曲作詞, 開頭起西洋菜街拎住個結他唱歌, 唔收打賞果種
結果呢? 因為愈來愈多人推大個喇叭起度唱k歌, 由街中心退走街尾, 最後消失
我就真係未見過有文化區阻人散步, 仲迫其他表演者生存唔到

再講遠d, 你起newyork就算落到地鐵站, 或者坐起車廂入面, 都可以有人無啦啦有人表演。
好少有人有怨言, 因為表演者同路人知道互相尊重。 旺角? 我就見過表演者起路口架路障喇。

講多最後一句, 建制陰謀就一定係。但講得衰d, 冇左個行人專用區, 俾呢班人攬炒累死就一定無誤。
唔好忘記, 佢地做咩都好, 最後佔用緊既係公共空間。
當你個地方孕育出黎既文化, 連俾人起「行人專用區」行直線都做唔到, 咁唔該都係收x算啦
由手機版發出

[GimGim]

作者: 緋村 光

唔係個個都有能力去應酬政府d麻煩文件戰
你有同政府合作過，就會知道政府野有幾麻煩。
或者咁講，有心去研磨自己技藝既人，十之其九唔會有心機去搞d咁既野

if you can't even be bother do the little paper work for your passion, whats the point of doing it then?

作者: 緋村 光

講真，旺角行人專區同尖咀已經係唔同世界，一來隔涉，二來尖咀一堆名店同蝗民，仲有幾多普通既香港人會係果邊出沒？係個無人既地方表演有咩用。

art is not only for Hong Kong "human" 

what ever you guys do, just dont come to causeway bay, we have enough people on the street already

[Justine]

音樂表演方面.....
有能力(依度講既唔單只音樂修為深淺)去出show的話
我諗唔會有人想去果度玩

[緋村 光]

作者: keijoey

而家stay起果度既人, 好大部份係用文化包裝, 完全唔理人地感受
好似朋友咁, 自己作曲作詞, 開頭起西洋菜街拎住個結他唱歌, 唔收打賞果種
結果呢? 因為愈來愈多人推大個喇叭起度唱k歌, 由街中心退走街尾, 最後消失
我就真係未見過有文化區阻人散步, 仲迫其他表演者生存唔到

再講遠d, 你起newyork就算落到地鐵站, 或者坐起車廂入面, 都可以有人無啦啦有人表演。
好少有人有怨言, 因為表演者同路人知道互相尊重。 旺角? 我就見過表演者起路口架路障喇。

講多最後一句, 建制陰謀就一定係。但講得衰d, 冇左個行人專用區, 俾呢班人攬炒累死就一定無誤。
唔好忘記, 佢地做咩都好, 最後佔用緊既係公共空間。
當你個地方孕育出黎既文化, 連俾人起「行人專用區」行直線都做唔到, 咁唔該都係收x算啦
由手機版發出

sorry呢個我唔係咁同意。
你講newyork，話「無啦啦有人表演」，你可以想像係香港發生呢d事嗎？一來唔會，二來就算發生左地鐵D人會趕你走。人地立國左幾多年，用咩民風陪養出呢d行為？行人區果d只係搖籃，連小兒科都不如，但有開始總係好事。你可以問「用十年八載去培養都係搖籃咋？」，但文化就係咁。可以快，亦可以好慢。

至於有冇人欣賞，文化上我地係「有選擇」既一群，所以睇唔上眼都好正常。不過咁，街外人似乎有唔少人會欣賞，如果真係頹既就冇人圍觀啦。講真，果堆青山病人(ry就係冇人圍觀，不過依然係度fing。我覺得真係要趕，都應該係諗辦法趕呢d人走。同埋，執下D位其實已經唔會點阻到街。點解唔好似上面d版友話齋：

作者: 真!DC

應該先諗有冇措施可以改善
唔好一來就諗摺左佢

[緋村 光]

作者: GimGim

if you can't even be bother do the little paper work for your passion, whats the point of doing it then?

It' not just a bit of paper work. Have you ever been cooperate with governement?
A lot of paper work, too much information would be collected, and you must wait for a long time with the respose.

[keijoey]

拿! 睇清楚, 我由頭到尾都冇話接左佢, 但唔該自律, 係自律呀!
我拎外國做例, 主旨係「表演者同路人識互相尊重」, 事實而家班人點先?

至於冇人氣/頹就趕佢走, 呢樣就真係大問題喇!

[緋村 光]

作者: keijoey

至於冇人氣/頹就趕佢走, 呢樣就真係大問題喇!

二選一既情況下啫。唔趕D頹既唔通趕D有人睇既咩

當然唔關事既就全掃走先啦


至於自律，我知道係一個問題。不過可以考慮，先用誘導既方式令到個共識出現左先。打個比喻，可以用公關手法，派下手冊/約章之類。

[keijoey]

作者: 緋村 光

二選一既情況下啫。唔趕D頹既唔通趕D有人睇既咩

當然唔關事既就全掃走先啦


至於自律，我知道係一個問題。不過可以考慮，先用誘導既方式令到個共識出現左先。打個比喻，可以用公關手法，派下手冊/約章之類。

所以就話, 西洋菜街果個商業元素咁重, 壓迫感咁強既地方, 唔係一個好既地方囉!

三樣野: 主題, 空間, 人流。
果度人流固然冇問題, 主題都可以BUILD UP(雖然呢個勢都冇咩可能), 但空間正正係果度缺乏既條件。
結果相殺之下, 總有人冇運行, 但唔一定代表差

[OT]To LOVEる好差咩? 咪又係俾JUMP斬, 結果而家走出黎仲好睇 [/OT]